Новости за 20.01.2019

Шефот на македонската дипломатија, Никола Димитров, во интервју за турската новинаска агенција Анадолија, изјави дека приемот на Македонија во НАТО најверојатно ќе се случи околу март следната година и дека Преспанскиот договор е премногу важен за да пропадне. „Сметам дека наскоро, станува збор за денови, ќе ја видиме ратификацијата во грчкиот Парламент. Зачленувањето во НАТО ќе биде побрзо од она во ЕУ. Формално, во зависност од брзината на процесот на ратификација на Протоколот во различните парламенти... Читать дальше...

Поради континуирано зголемените концентрации на загадувачки честички во воздухот во повеќе градови во Македонија, како и метеоролошките прогнози за следните денови, Владата, покрај серијата мерки со кои се веќе задолжени надлежните министерства, донесе итна мерка за продолжување на траењето на зимскиот распуст, соопшти Владата. „Одлуката се однесува на сите ученици од сите јавни и приватни основни и средни училишта во Македонија, а истата е донесена преку итна координација на Министерството за образование и наука... Читать дальше...

Во секоја училница од 23-те средни скопски  училишта во изминатиот месец е поставен прочистувач на воздух, односно вкупно 572, за што Град Скопје инвестираше околу 11 милиони денари, соопшти Град Скопје. „Тргнувајќи од фактот дека  учениците поминуваат околу една третина од денот во училишните простории и дека таа млада популација е движечка сила на општеството, Градот ги набави прочистувачите на воздух. Средношколците заслужуваат да учат во подобри услови и затоа се  инвестира во секој сегмент од нивното образование... Читать дальше...

Македонија со победата над репрезентацијата на Чиле го освои 15. место на светското ракометно првенството. Нашата репрезентација го совлада Чиле со резултат 32:30. „Овие натпревари се најтешки за играње. Ништо не решаваат, но подобро е што завршивме со победа. Овој триумф ќе значи многу без разлика нас сè. Шанса добија доста млади играчи и почувствуваа како е да се игра на СП. Ќе значи многу за нив понатаму во кариерата“, коментираше капитенот Кире Лазаров.

Директорот на Службен Весник Мартин Костовски, заедно со Талат Џафери и Неџбели Ибраими, свесно, со умисла, и со најава, на криминален начин, вон сите прописи, овозможија да биде објавен Закон без потпис од претседателот на Република Македонија, обвини денеска ВМРО-ДПМНЕ и соопшти дека против Костовски, Џафери и Ибраими е поднесена кривична пријава. „Тројцата здружени, објавија Закон и покрај сите јавни експертски толкувања на прописите, спротивно на укажувања од штетноста на такво однесување,... Читать дальше...

Бегството на Никола Груевски никако не припаѓа во процесот на помирување и градење доверба меѓу различните политички структури во општеството, вели премиерот Зоран Заев во интервју за Цивил медиа. „Напротив, бегството на Груевски е чин на неодговорност и предавство кон сопствената држава и сопствениот народ. Исто така, воведувањето домашни притвори за дел од обвинетите од случаите на СЈО се одлуки на судските власти каде немаме намера и никако не смееме како извршна власт воопшто да се мешаме ... Читать дальше...

Над 170 мигранти се исчезнати во бродска несреќа во Медитеранот, која се случила откако две пловила наишле на проблеми, соопшти агенцијата за миграција на ОН. Според информациите, еден чамец, кој пренесувал 120 луѓе се превртел во петокот, недалелу од Либија. Тројца луѓе преживеале, велат податоците на портпаролот на агенцијата за миграција во ОН, Флавио Ди Џакомо. „Вкупно имаме 117 исчезнати, вклучително 10 жени и две деца, едното на возраст од два месеци“, напишал Ди Џакомо. Во Алборанското море настрадале 53 лица... Читать дальше...

Претседателот на САД, Доналд Трамп, се обиде да стави крај на блокадата на работата на Владата, нудејќи заштита за младите имигранти, кои како деца пристигнале во САД, под услов демократите да обезбедат 5,7 милијарди долари за изградба на ѕидот на границата со Мексико. За Демократската партија таквата понуда е неприфатлива, објавија светските новински агенции. Во обраќањето од Белата куќа, Трамп изјави дека нуди „разумен компромис, кој би требало да го прифатат двете страни“. Тој додаде дека би... Читать дальше...

Од денеска од 12 часот, согласно мерките за намалување на загадувањето на воздухот, користењето на јавниот превоз во Скопје ќе биде бесплатно, информираше Јавното сообраќајно претпријатие „Скопје“. „За прекин на важност на одлуката ќе бидете дополнително и навремено ќе бидете известени“, стои во соопштението на ЈСП, објавено на нивната интернет страница. Претходно, поради енормното неколкудневно аерозагадување во Македонија, а особено во Скопје и во уште неколку градови во Македонија, Владата ги активираше итните мерки за заштита. Читать дальше...

Според министерот за финансии Драга тевдовски, влезот во НАТО ќе делува како катализатор на економскиот раст во Македонија. Тој во видео-порака вели дека стабилноста и меѓународната позиција кои ги добива земјата со членството, кај земјите кои пристапиле кон Алијансата резултирале со повисоки инвестиции, поголема економска активност, намалување на невработеноста и подгинување на животниот стандард. „Значително забрзување на економскиот раст се забележува кај сите земји од регионот, по пристапувањето во Алијансата. Читать дальше...

Мартен Схенк, белгискиот „ловец на лажни вести“, открил мрежа на македонски граѓани кои шират лажни вести, а не се познатите велешани, јавува дописничката на МИА во Брисел. Според белгиските медиуми, на чии насловни страници е оваа сторија, Мартен Схенк и вебсајтот „Nieuwscheckers.nl“ со месеци веќе трагаат по македонските мрежи на лажни вести кои се ппрославија“ за време на претседателската кампања во САД. Светските медиуми беа тогаш преплавени со стории за македонски тинејџери од Велес кои пишувале... Читать дальше...

Околу 270.000 средношколци и основци, меѓу кои и 20.000 првачиња, по три недели зимски одмор, утре ќе се вратат на настава за второто полугодие од учебната 2018/2019 година без одложување поради епидемијата на морбили. МОН пред една недела соопшти дека за евентуално одложување на второто полугодие поради заразата од морбили ќе биде во координација со министерствата за здравство и за труд и социнална политика, но Комисијата за заразни болести од Министерството за здравство пред два дена заклучи дека нема продолжување на распустот за учениците.

Со „Марш на жените“, што се одржа синоќа во стотина градови во САД, беше одбележана втората година од протестите што беа организирани по инаугурацијата на претседателот Доналд Трамп во јануари 2017 година. Демонстрантите побараа да влијаат врз политиката, помеѓу другото и за зголемување на минималната плата, пристап до здраствена грижа и правото на гласање, објавија светските новински агенции. Од „Маршот на жените“ наведоа дека сакаат да ги мобилизираат жените да гласаат на изборите во 2020 гдина... Читать дальше...

Што доколку во Грција не помине Преспанскиот договор и дали и ЕУ ќе се држи до ветеното за отворање на преговорите со Македонија во јуни доколку Македонија испорача реформи се дел од темите во неделното интервју со евроамбасадорот Самуел Жбогар за Радио Слободна Европа.

Започнати се подготовките кон средината на годината да биде воведена мерката за поврат на 15 отсто Данок на додадена вредност за физички лица. Оваа мерка на крајот на секоја година ќе обезбеди дополнителен приход во секое семејство, ќе ја засили куповната моќ и позитивно ќе вилјае врз зголемување на потрошувачката, соопштија денеска од владејачкиот СДСМ. “Владата предводена од СДСМ во претстојната 2019 година продолжува да ги спроведува зацртаните мерки што се во интерес на граѓаните, економијата и иднината на државата. Читать дальше...

Грчкиот премиер е посветен да го спроведе Преспанскиот договор и јас верувам на неговата посветеност и решителност. Мислам дека треба да останеме оптимисти и да се фокусираме на позитивен развој, вели евроамбасадорот Самуел Жбогар.

Прилеп, Скопје, Битола, Тетово и Струмица од вчера се на врвот на светската листа на градови со најголема аерозагаденост. Граѓанските здруженија бараат да се прогласи алармантна состојба, а Владата ги активираше мерките за заштита кога загадувањето е дури над 200 пати над дозволеното.