Новости за 18.05.2018

Американскиот претседател Доналд Трамп му понуди избор на севернокорејскиот лидер Ким Џонг Ун пред нивниот состанок во наредниот месец, да се откаже од нуклеарното оружје и да биде награден со „протекции“ или да ризикува и да биде соборен од власта, а можеби и убиен. Трамп смета дека договорот за состанокот со Ким на 12 јуни во Сингапур и натаму е во сила и покрај заканата на Пјонгјанг дека ќе го откаже самитот поради американското барање за целосна денуклеаризација на Корејскиот полуостров.

Американскиот Сенат го потврди изборот на Џина Хаспел за нов директор на ЦИА по процесот на номинацијата кој повторно ја отвори емотивната дебата за суровите техники на испитување осомничени во еден од најмрачните период на таа служба. Сенатот гласаше 54 спрема 45 за избор на Хаспел, а на владејачките републиканци им се придружија шестмина сенатори од Демократската партија. Лидерот на републиканците во Сенатот Мич Меконел оцени дека Хаспел која на чело на ЦИА ја предложи претседателот Доналд Трамп, е „вистинска жена во вистинско време“.

Претседателите на Русија и на Сирија Владимир Путин и Башар ал Асад разговараа во рускиот град Сочи при што укажале на важноста од создавање натамошни услови за продолжување на процесот на политичко решение за Сирија. Путин, како што соопшти неговиот портпарол Дмитри Песков, ги истакнал големите успеси на силите на сириската влада во борбата против терористите и оти сега било неопходно да се работи на обнова на сириската економија. Русија е клучен сојузник на Асад во седумгодишната граѓанска војна во Сирија. Читать дальше...

Соединетите држави и Европската унија ја заострија реторика во врска со меѓусебните трговски односи, откако претседателот Доналд Трамп најави царини за еврпските производи. Брисел вели дека е подготвен на нови преговори, но не во услови на закани од Трамп.

Американскиот претседател Доналд Трамп одговори на критиките на претседателот на Европскиот совет Доналд Туск, наведувајќи дека ЕУ „ужасно“ се однесувала во трговските односи со САД. Туск претходно на твитер напиша дека на оној што има пријатели како Трамп не му се потребни непријатели. „Но искрено, ЕУ би требало да биде благодарна. Благодарение на Трамп, се ослободивме од сите илузии“, напиша Туск. Претседателот Трамп му се пожалил на генералниот секретар на НАТО Јенс Столтенберг. „Загубивме 151 милијарди долари во размената со ЕУ“, навел тој.

Со работна вечера зад затворени врати во Охрид почна парламентарната средба во рамки на процесот „Жан Моне“, инициран од европратениците Иво Вајгл, Кнут Флекенштајн и Едуард Кукан. Вечерата е вовед во состаноците на координаторите на парламентарните партии предвидени за денеска, а со цел подобрување на парламентарниот дијалог и спроведување на европската агенда на земјата. Деловникот за работа на Собранието, Етичкиот кодекс, буџетската независност на македонското Собрание, се дел од прашањата што... Читать дальше...

Во Македонија претпладне ќе биде сончево со умерана облачност. Попладне ќе има зголемување на облачноста. Кон крајот на денот, почнувајќи од западните делови ќе има повремени врнежи од дожд. Во текот на ноќта врнежите ќе се прошират на повеќе места и ќе се интензивираат. Ќе дува слаб до умерен ветер од јужен правец. Максималната температура ќе се движи од 18 до 28 степени. Во Скопје и околината слично време со температура до 27 степени.

Министерството за надворешни работи (МНР) преку Постајаната мисија на Република Македонија во ЕУ реагираше до надлежните служби во Унијата во врска со погрешното именување на јазикот на Македонија на веб-страницата на ЕУ, соопштува МНР. Од МНР наведуваат дека како и во претходни вакви случаи, редовно упатуваат реакција со која се бара корекција и именување на јазикот како македонски.  „Оваа пракса е резултат на долгогодишниот спор меѓу Република Македонија и Грција“, велат од МНР.  Реакцијата... Читать дальше...