Новости за 03.05.2018

„Ѕвезди над карпите 2“ е насловена 32 самостојна изложба на тетовскиот ликовен уметник и истражувач Александар В. Настески, што од 8 до 19 мај, се одржува во Културно информативниот центар – Скопје. На поставката која трага по вистината за нас и нашиот свет, авторот се претставува со 20 дела големи формати, работени во техника акрилик на панел и создадени во периодот 2006 – 2018 година.

Турскиот карикатурист Муса Карт, кој е осуден на повеќе од три години затвор, денеска ја освои Меѓународната награда за цртеж во печат.Наградата се доделува на секои две години на истакнати карикатуристи, особено на оние кои работат во услови на авторитарните режими. Карт од опозицискиот весник „Џумхуриет“, беше еден од 14 соработници на весникот, кои добија казни затвор од 2,5 до 7,5 години по обвиненија за поддршка на терористички организации. Осудените беа обвинети за врски со движењето на исламскиот проповедник Фетулах Ѓулен... Читать дальше...

Собранието вечерва го усвои Предлог законот за измени и дополнувања на Законот за лекови и медицински отпад, во прво читање, со кои, според ресорниот министер Венко Филипче, ќе се обезбедат квалитетни лекови за граѓаните преку паралелен увоз. Според Предлогот, за да добие одобрение за паралелен увоз одредена веледрогерија или здравствена установа до Агенцијата за лекови и медицински средства прво мора да достави сертификат од анализа на квалитет на лекот од производителот кој ќе биде предмет на паралелен увоз... Читать дальше...

Медиумите пишуваат за протестите за работнички права на разединетите синдикати. Тие ги пренесоа и изјавите на премиерот Заев и на грчкиот министер Коѕијас за спорот за името.

Околу 500 жители на грчкиот остров Лезбос протестираа против мигрантската политика на Европската унија, а многу од демонстрантите носеа црни знамиња. Полицијата го заобиколи главното пристаниште, а специјални сили ги спречија да се доближат до политичарите од Атина кои беа во посета на островот. Протестите речиси го парализираа островот кој се противи на договорот меѓу Европската унија и Турција. Според договорот мигрантите кои стигнуваат од Турција се соочуваат со депортација во земјата ако не успеат да добијат азил во Грција.

Министерот за локална самоуправа, Сухејл Фазлиу, кој во Брисел учествува на заеднички состанок на македонските општини со европскиот Комитет на Региони, најави дека на следната владина седница ќе бара помош за долгот што го има општина Дојран кон Европската комисија. „ Локалните единици во Македонија се соочуваат со неколку предизвици во процесот на евроинтграција, меѓу кои е финансиската стабилност на општините', порача министерот Фазлиу за МИА, посочувајќи го примерот со Дојран кој и должи 150.000... Читать дальше...

Шпанскиот премиер Маријано Рахој денеска ја отфрли најавата на баскиското сепаратистичко движење ЕТА дека се распушта, опишувајќи го потегот како пропаганда и „празни муабети“. Претходно ЕТА соопшти дека се распушта по повеќе децениски терористички акции. Групата е одговорна за убиство на најмалку 800 луѓе од нејзиното формирање во 1959 година кога ја најави и борбата за отцепување. Во 2011 година организацијата најави дека се откажува од насилната борба, а од лани го предаде оружјето. Рахој денеска... Читать дальше...

По петдневна потрага, попладнево нешто по 16 часот, во водите на Лепенец е пронајдено телото на еден од двајцата косовски полицајци, кои се водеа како исчезнати откако возилото во кое се наоѓаа заврши во реката. „Телото е пронајдено на пет километри од местото на несреќатa и се уште не е идентификувано“, соопшти портпаролот на регионалниот полициски комесаријат во Урошевац. Агим Гаши,  Двајцата полицајци, Арменд Трена (23) и Малесор Даши (26) од Полициската станица во Качаник, вечерта на 28 април за време на патрола на излез од градот... Читать дальше...

Тим од Европската унија денеска пристигна во тридневна посета на Косово, за да утврди дали земјата ги исполнува критериумите за визна либерализација за косовските граѓани при патување во ЕУ, јави косовската телевизија РТК. Косовската министерка за европски интеграции Дурата Хоџа изјави дека Косово направило се што е потребно и изрази уверување дека нејзината земја ќе добие позитивна оценка на крајот од посетата на тимот. „Нашиот единствен пат кон интеграција е нулта толеранција за криминалот и корупцијата на сите нивоа. Читать дальше...

Специјалната јавна обвинителка Катица Јанева денеска презентирајќи го шестмесечниот извештај на СЈО пред членовите на собраниската Комисија за политички систем и односи меѓу заедниците рече дека прислушуваните разговори кои се предмет на ова Обвинителство се само индиција врз основа на која е остварена предистражната постапка и дека за сите отворени предмети има материјални докази и сведоци. Посочи дека конечно е воспоставена соработка со Основното јавно обвинителство, со Обвинителството за организиран... Читать дальше...

Шефицата за надворешна политика на ЕУ, Федерика Могерини изрази загриженост поради бавното темпо на истрагата за исчезнувањето на повеќе од милијарда долари од банките во Молдавија во 2014 година. Таа на заедничката конференција со премиерот на Молдавија, Павел Филип порача дека истрагата мора да биде темелна и сеопфатна во насока на враќање на парите и изведување пред правдата на одговорните, независно од нивниот статус или политичка припадност. Исчезнувањето на парите од банкарскиот систем на... Читать дальше...

Иранскиот министер за надворешни работи Џавад Зариф порача денеска дека неговата земја нема повторно да преговара за нуклеарниот договор со светските сили. „Иран нема да преговара за она што беше договорено години наназад и беше имплементирано. Исто така ние ќе одбиеме било каква ратификација за тоа“, рече Зариф во видео обраќање. Според него, САД постојано го прекршувале нуклеарниот договор, особено со тоа што вршеле притисок да се спречи враќањето на инвестициите во Иран.  Американскиот претседател... Читать дальше...

Гувернерот на Народната Банка, Димитар Богов вели дека НБРМ не смее да се остави без гувернер, оти тоа би имало низа негативни импликации. Најголемите политички партии СДСМ и ВМРО-ДПМНЕ се уште не кажуваат дали ќе го поддржат Богов. Јасен став има само ДУИ за која предлогот на Иванов е неприфатлив.

Претседателот на Европскиот Парламент, Антонио Тајани изјави денеска дека Европска унија треба да испрати позитивен сигнал до земјите од Западен Балкан за нивно приклучување во заедницата. „Треба да испратам позитивен сигнал на сите кандидатки, за да им помогнам да поверуваат дека се блиску до ЕУ. Треба да гледаме на Балканот како приоритет на ЕУ, рече Тајани на прес-конференцијата по дебатата на тема „Иднината на Европа".

Народната банка на Македонија ја задржува проекцијата за раст на БДП за годинава до 3,2 проценти и за наредната година до 3,5 проценти. Гувернерот на Народна банка, Димитар Богов на денешната прес-конференција изјави дека носечки фактори за растот во 2018 година се извозот, инвестициите и личната потрошувачка. Проекцијата за инфлацијата исто така останува на два проценти.

Градењето нов станбено - деловен објект и сечењето дрвја во населбата Аеродром во Скопје, поттикна негативни реакции во јавноста. Архитектите велат дека потребни се политики кои ќе ги почитуваат интересите на граѓаните. Тие велат дека состојбата со инфраструктурата и зеленилото е алармантна.

Синдикатот на „Еурокомпозит“ денеска го прекина штрајкот и протестот пред Владата по постигнатиот договор со премиерот Зоран Заев. Претседателот на синдикатот, Роберт Богданоски изјави дека договорено е за три месеци да се решава судбината на фабриката,  да се подготви пакет за технолошки вишок и вработените да земат плата до понеделник. Тој предупредува доколку не им биде исплатена платата повторно ќе излезат на протести. Вработените го продолжуваат производствениот процес на „Еурокомпозит“.

Од грчкото министерство за надворешни работи соопштија дека на третиот министерски состанок во Солун, што започнува денес ќе стане збор заслучувањата на Блискиот исток, европската иднина на земјите од Западен Балкан, како и соработката во регионот. На состанокот ќе присуствуваат шефовите на дипломатиите од Македонија, Бугарија, Албанија и домаќинот Грција. Според соопштението, ќе се одржат и паралелните средби и на министрите за внатрешни работи, односно на министрите за транспорт.

Генералниот секретар на ОН, Антонио Гутереш предупреди против напуштањето на меѓународниот договор за иранската нуклеарна програма доколку не може да биде заменет со соодветна алтернатива. Американскиот претседател Доналд Трамп е остар критичар на договорот постигнат во 2015 година според кој Техеран се согласи да ја ограничи нуклеарната програма во замена за олеснување на санкциите врз земјата. Според Гутереш, договорот е важна дипломатска победа и е важно истиот да биде зачуван. Но, тој посочи... Читать дальше...

Руското министерство за обрана соопшти дека воен авион се урнал во Сирија при што загинале двајцата пилоти. Според министерството, воениот авион не бил соборен, туку се урнал брзо по полетувањето од воздушната база во покраината Латакиа. Русија има повеќе од 50 воени авиони и хеликоптери во Сирија.

Обединетата македонска дијаспора соопшти дека единаесет конгресмени, предводени од конгресменот Џим Бенкс од Индијана, испратиле писмо до генералниот секретар на НАТО Јенс Столтенберг со барање за покана за полноправно членство на Македонија во НАТО. Во писмото тие наведуваатдека тоа е клучно за американските интереси на Балканот, како и за Алијансата. „За една мултикултурна нација каква што е Македонија, веруваме дека пред себе има светла иднина, врз кој основ се стремиме кон ангажирање на владините... Читать дальше...

Министерот за информатичко општество и администрација, Дамјан Манчевски по повод 3 Мај, Меѓународниот ден на слободата на печатот порача дека слободни, безбедни, независни и одговорни медиуми се основа за развој на едно демократско општество. Според него, медиумите се важна алка за градење на развиена држава, за социјален и економски напредок и одржлив развој. Тој порача и дека јавноста мора да биде постојана контрола на власта. Вицепремиерот за европски прашања Бујар Османи во воведното обраќање... Читать дальше...

Во Пакистан денеска во употреба е пуштен нов аеродром по деценија од почетокот на неговата изградба. Новиот аеродром кој ќе го замени стариот Беназир Буто аеродром се наоѓа на 15 километри од Исламабад. На церемонијата на неговото отворање присуствуваше и пакистанскиот премиер Шахид Хакан. Аеродромот има капацитет од 15 милиони патници годишно и можност за понатамошно проширување.

Додека партиите се уште молчат и се координираат дали ќе го поддржат предлогот на претседателот Ѓорге Иванов за гувернер да биде именуван Димитар Богов, експертите велат дека немањето гувернер, нема да влијае во работата на НБРМ, но дека може да ја наруши нејзината независност како институција.

Ерменскиот опозициски лидер Никол Пашинијан повика на пауза во протестите кои траеја три недели откако владејачката Републиканска партија посочи дека би можела да го поддржи неговото назначување за премиер на земјата на гласањето во Парламентот закажано за 8 мај. Пашинијан порача дека владејачката партија ќе треба да ја потврди својата одлука на средбите со партискиот врв. Тој на демонстрантите им порача дека прашањето е практично решено и ги откажа протестите закажани за денеска.