Мета не ја потпиша уредбата за нов министер за надворешни работи

Албанскиот претседател Илир Мета го потпиша указот за именување на новите министри во Владата на премиерот Еди Рама, освен за Генц Цакај, кого Рама го предлага за нов шеф на дипломатијата.

Претседателот наведува дека Цакај нема искуство и оти е неприфатлив неговиот став за прашањето за косовските граници.

Косовецот Цакај е предлог за местото на Дитмир Бушати, кој заедно со уште неколку министри ги опфати Рама со реконструкцијата на 28 декември.

Мета на петти јануари потпиша уредба за смена на министрите, по предлог на премиерот, но не и за смена на Бушати.

Ова е првпат претседател на држава да ја отфрли уредбата за министер за надворешни работи.

Претходно, Мета првично ја отфрли уредбата за Сандер Лешај, но по неговото откажување од чинот генерал, претседателот го потпиша указот Леши да биде прв полицаец.

Албанскиот премер Еди Рама реагира дека непотпишувањето на уредбата од страна на претседателот Илир Мета е неуставна и срамна.

„Аргументите дадени од страна на господинот претседател се застрашувачки на скандалозно ниво и срамно за нивото на институцијата. Извинување до Косово за овој срам“, напиша Рама на Твитер.