Дүйшөмбүдө "Азаттыктын" тажик кызматынын кабарчыларын милиция бошотту
Тажикстандын борбору Дүйшөмбү шаарында милиция "Азаттык" радиосунун тажик кызматынын кабарчылары Афсона Акобиршоева менен Тахмина Хакимованы бошотту. Алар бүгүн шаардын көчөлөрүнүн биринде тасма тартып жүрүшкөн учурда кармалган.
Милиция журналисттерди кылмышка шектүү кайсы бир жаранды кармоо операциясын тартып жатышкан деп күнөөлөгөн.
Афсона менен Тахмина "Азаттыктын" тажик кызматында иштеп жатканына бир жылдан ашкан.