Новости за 26.06.2021

Кыргызстан мусулмандарынын жетинчи курултайында Замир Ракиев муфтий болуп бекиди. Анын талапкерлигин Аалымдар кеңеши курултайга алып чыкты. Муфтийлик орун төрт жарым айдан бери бош турган. Эки жолу шайлоо белгисиз себептерден улам жылдырылган. Кыргызстан мусулмандарынын жетинчи курултайына жети облустан 220 делегат келди. Курултайда муфтийди бекитүү, аалымдар кеңешинин жаңы курамын, төрагасын жана борбордук текшерүү комиссиясынын төрагасын шайлоо каралды. Жаңы муфтий ким? 43 жаштагы Замир Ракиев бир добуштан муфтийликке бекиди. Читать дальше...

"Азаттыктын" "Эгемендикти эмне бекемдейт?" сынагына Чаткал районунун Терек-Сай айылынан Чынар Токоева "Отуз жылдык арманым" деген ыр саптарын өзү окуп аудио кат жиберген. Элеттик ардагер акын Чынар Токоеванын буга чейин ыр китеби да чыккан экен.

Улуттук коопсуздук комитети (УКМК) айрым маалымат сайттарына УКМК кызматкерлери муфтий шайлоого аралашты деп тараган маалымат чындыкка дал келбесин билдирди. “УКМК Кыргызстан мусулмандар дин башкармалыгынын шайлоосуна кийлигишкенге укугу жок. Баш мыйзамда дин мамлекеттик башкаруудан бөлүнгөн”, - деп айтылат билдирүүдө. “Нур” партиясынын мүчөсү Руслан Бекназаров муфтий шайлоодо айрым талапкерлерге УКМКнын өкүлдөрү кысым жасап, талапкерлигин алдырганын айтып чыккан. 26-июнда Бишкекте Кыргызстан мусулмандарынын жетинчи курултайы өттү. Читать дальше...

Жогорку Кеңештин мурдагы төрагасы, “Кумтөр иши” боюнча камакта жаткан Асылбек Жээнбеков элге кайрылды. Саясатчынын “Фейсбуктагы” баракчасына жарыялаган билдирүүдө ал күнөөсүз экени айтылат. “Мага байланыштуу болуп жаткан бул иштерди саясий күрөш деп эсептейм. Мыйзамсыздык үстөмдүк кылууда. Үч жолку чакырылышта парламентке депутат, эки ирет Жогорку Кеңештин төрагасы болуп шайландым. Инсан катары да, депутат катары да, парламенттин төрагасы катары да эч качан мыйзамсыз иштерди жасаган эмесмин. “Кумтөр”... Читать дальше...

Ушул күндөрү Өзбекстандын Коргоо министрлиги аскердик машыгууларды өткөрүп жатат. Бул иш-чара Ооганстандагы талибдер Борбор Азия өлкөлөрү менен чектеш аймакты курчап турган кезге туш келди. "Азаттык” радиосунун өзбек кызматы билдиргендей, коргоо министринин жетекчилиги астында Ташкент жана Түштүк-Батыш атайын аскер округдарында, аскер бөлүктөрүндө машыгуулар болуп, абадан коргонуу күчтөрүнүн даярдыгы текшерилүүдө. Машыгуунун качан аяктары азырынча айтыла элек. Талиб жоочулары соңку апталарда Ооганстандын түндүгүнө чабуулун күчөтүп... Читать дальше...

Орусиядагы укук коргоочулар акыркы жылдары баңгизат ташууга айыпталып полициянын торуна түшкөн кыргызстандыктар күн санап көбөйүп жатканын айтып коңгуроо кагышууда. Орусияда баңгизат ташууга айыпталып абакта жаткан кыргызстандыктардын жакындары “Азаттык” радиосуна кайрылып, кыргыз бийлигинен укуктук жардам сурап, орус түрмөлөрүндөгү жакындарын Кыргызстанга кайтарууну өтүнүштү. Кыргызстандын Ички иштер министрлиги мигранттар жеңил акчага азгырылып, “наркокурьерликке” барып жатышканын билдирди.

Кыргызстан мусулмандарынын жетинчи курултайында Замир Ракиев Кыргызстан мусулмандарынын башкармалыгынын башчысы – муфтий болуп бекиди. Анын талапкерлигин Аалымдар кеңеши курултайга алып чыкты.

"Азаттык" радиосунун Кыргызстандын эгемендигинин 30 жылдыгына арналган онлайн сынагына Кайыпбек Айдарбеков аттуу мекендешибизден келген блогду сунуштайбыз. Эркиндик бизге дем берди, Эркин өс деп күч эрк берди. Кылымдар жашап көксөгөн, Кыргыз эл ага демденди,   Кыйыры чексиз бүрдөгөн, Кыргыз эл бүгүн гүлдөгөн. Дүңгүрөп чыккан атагы, Дүйнө жүз бүт билген.   Улан кыз сүйлөйт көп тилде, Умтулуп түркүн ар ишке. Үйрөнүп иштеп жүрүшөт, Үңүлүп окуп ар элде.   Элимде өсүп жаш кары, Эркинде сүйлөйт бүт баары. Читать дальше...

Кыргызстан Бириккен Улуттар Уюму менен чогуу климаттын өзгөрүүсүн токтотуу үчүн Улуттук деңгээлдеги салымдарды аныктоо деген планды кабыл алган. Ага ылайык беш жыл ичинде климаттын өзгөрүшүн мамлекет көзөмөлгө алышы керек.

26-июнда Орусиянын тышкы иштер министринин орун басары Сергей Рябков Москвага кайтып келген АКШ элчиси Жон Салливан менен жакын арада жолугушууну пландап жатканын билдирди. Рябков ТАСС агенттигине берген маегинде, эки тарап киберкоопсуздук жаатында кызматташуу боюнча акыркы келишимдерди баштоо максатын көздөп жатышканын айтты. "Кийинки жумада мен элчи Салливан менен жолугушам", - деди Рябков. Өткөн шаршембиде Женевада Байден менен Путин жолугушканда элчилерди кайтаруу тууралуу макулдашылган. Читать дальше...

Өткөн доордо Кыргыз Республикасынын эл артисти атактуу режиссер, устатым Алмаз Сарлыкбеков “Мамат Рыскуловду билесиңби?" деп сурап калды. Ал жөнүндө "маалыматым жок, билбейм" дедим. Ошондо устатым буларды айтып берди эле. "Кыргыз театр режиссерлорунун дээрлик көпчүлүгүнүн чыгармачылыгы унутта калып, эмгеги эскерилбей баратканы өтө өкүнүчтүү. Алыс барбайлы кыргыз театр режиссурасына негиз салгандардын бири Кыргыз Республикасынын эл артисти Аманкул Куттубаев, биринчи профессионал режиссер Мамат Рыскулов... Читать дальше...

Тажикстандын кыргыздар отурукташкан Жерге-Тал (азыркы Лакшы) районунда Манастын ысымына байланышкан бир нече топонимикалык тарыхый аталыштар бар. Кыргызстандын илимпоздору булар боюнча археологиялык жана башка илимий изилдөөлөрдү жүргүзүшү керек экени көп жылдардан бери айтылган менен астейдил көӊүл бурулбай келгени маалым. Жерге-Талдагы бийик тоолордун төбөсүндө «Манастын кабыры» деп аталган мүрзө, аймакта «Кошой» деген айыл, «Жакып конгон» деген конуш бар. Эл арасында манасчылар болгон. Колхоздордун... Читать дальше...

26-июнда Министрлер кабинетинин төрагасы Улукбек Марипов коронавируска каршы эмдөөдөн өттү. Саламаттык сактоо жана социалдык өнүктүрүү министрлиги Марипов Орусиянын "Спутник V" вакцинасын алганын билдирди. Бишкектеги эмдөө пунктуна келген Марипов жалпы жарандарды вакцина алууга чакырып, жакынкы күндөрү Кыргызстанга вакцинанын кошумча дозасы келерин билдирген. Кыргызстанда март айынын этегинде коронавируска каршы эмдөө өнөктүгү башталган учурда Улукбек Марипов эмдөөдөн өтпөй турганын билдирген. Читать дальше...

27-июнда дээрлик баардык аймакта күн ачык болот. Абанын табы: Чүй өрөөнүндө түнкүсүн 11...16, күндүз 28...33, Талас жергесинде түнкүсүн 9...14, күндүз 19...24, Ош, Баткен, Жалал-Абад облустарында түнкүсүн 16...21, күндүз 32...37°. Ысык-Көл дубанында түнкүсүн 8...13, күндүз 22...27, Нарын облусунда түнкүсүн 6...11, күндүз 22...27, Чолпон-Ата шаарында түнү 9…11°, күндүзү 22…24° Бишкекте түнкүсүн 14...16°, күндүз 22... 24° жылуу болот.

Сардарбек Рыскулов саяпкерлик, мүнүшкөрлүк өнөрдүн кызыктарын, көөнө замандагы көчмөн турмуштун окуяларын кемелине келтирип сүрөттөчү. Бул ирет жазуучунун “Мырза тору” аңгемеси жайында кеп кылуунун удулу келип турат.

25-июнда Колумбиянын президенти Иван Дуке отурган тик учак куралдуу кол салууга туш болду. Аткылоо Колумбиянын Венесуэла менен чектешкен түштүк Кататумбо аймагында орун алган. Тик учактын ичинде Дуке менен чогуу коргоо министри жана ички иштер министри болгон. Президенттик аппарат жарыялаган видеодо тик учакты бир нече ок тешип өткөнү көрсөтүлгөн. Иван Дуке аймакта бир нече куралдуу топтор иштеп жатканын белгиледи. “Бул кол салуу баңгизаттардын мыйзамсыз ташылышына жана терроризм менен уюшкан... Читать дальше...

Ноокат шаарындагы совет доорунан бери иштеп жаткан «Кербен-Сарай» чайканасына жалаң пенсия курагындагы аксакалдар чогулат. Көк жана кара чайдан башка эч нерсе сатылбаган бул жайда аксакалдардын маалымат алмашуучу аянтчасы. Ар улуттун өкүлдөрү ушул жерде жолугуп, узун сабак аңгеме дүкөн куруп кетишет.

Чүйдүн Аламүдүн районунда урдалган кыз боюнча козголгон кылмыш иши кыскарды. Облустук ички иштер башкармалыгынын маалымата караганда, аталган иште кылмыштын белгилери болгон эмес. Бул тууралуу мекеменин басма сөз катчысы Назира Имангазиева билдирди. “Сотко чейинки териштирүүнүн жүрүшүндө милиция жабырлануучуну суракка алган. Ал уурдады деп айыпталып жаткан бала менен эки жылдан ашык сүйлөшүп жүргөнүн билдирген. Бирок алардын бирге болушуна баланын ата-энеси каршы чыккан. Пикир келишпестиктен улам той болбой калган. Читать дальше...

Америкалык аскерлер Ооганстандан чыгарылгандан жарым жыл өтүп-өтпөй Кабул өкмөтү кулайт деген прогноз чыкты. Ташкент Рогун ГЭСине альтернатива сунуш кылдыбы? Орусияда коронавирустан эмделди деген жасалма сертификаттарды сунуш кылышууда.

Адвокат Амантур Абдырахманов саясатчы Өмүрбек Бабанов тууралуу таратылган маалыматты төгүнгө чыгарууну ЭлТРден талап кылууда. Жактоочу ушундай арыз менен Жалпыга маалымдоо каражаттарынын үстүнөн түшкөн даттанууларды караган комиссияга кайрылды. Адвокаттын белгилешинче, аталган телеканал 21-июнда жаңылыктар программасында жана Ютубдагы каналында Бабановду “Кумтөрдөгү коррупциялык иштерде фигурант” деп мүнөздөгөн. Абдырахманов программада Бабанов тууралуу чындыкка дал келбеген маалыматтар берилип, фактысы жок жалаа жабуу болгонун билдирди. Читать дальше...

Ат-Башы районунун аймагында жайгашкан кыргыз-кытай чек ара тозотуна электр энергиясын жеткирүү иштери аяктап калды. Көмөк чордон жана мамычалар орнотулду. Учурда жумушчулар жогорку чыңалуудагы зымдарды тартуу иштерин аткарып жатат.  Жарыкты жеткирүүнү Энергетика жана өнөр жай министрлиги ишке ашырган.  Мамлекеттик чек ара кызматынын маалыматына ылайык, аталган тозотто 30 жылдан бери жарык туруктуу берилген эмес. Дизелдик электр энергиясы чектелген көлөмдө гана жандырылчу.  Нарын облусунун аймагында... Читать дальше...

Өзбек бийлиги коронавирус коркунучунан улам Ташкентке бир катар чектөөлөрдү киргизет. Мындай чечим коронавирустун Индиядан тараган "дельта" түрүнөн сактануу үчүн чыгарылган. Саламаттык сактоо министрлигинин билдиришинче, 28-июндан тартып Ташкентке зарыл иши болбогондор киргизилбейт. Мындан сырткары намазды мечиттердин сыртында окуу сунушталып жатат. 25-июнда Өзбекстанда COVID-19 476 адамдан жаңы аныкталды. Бул быйылкы жылдын эң жогорку көрсөткүчү. Өзбекстанда коронавирустун "дельта" түрү эки күн мурда аныкталган. Читать дальше...

Рейтер маалымат агенттигинин эки кабарчысы Кытайдын Шинжаң аймагында эки жума болуп, ал жердеги жашоону чагылдырышты. "Шинжаңдагы уйгур жана мусулман маданиятын чагылдырган жаңы туризм борборуна келген коноктор күзөтчүлөрдүн жана коопсуздук күчтөрүнүн көзөмөлүндө турат", - деп билдирди Рейтер агенттиги. Бийликтеги Коммунисттик партияны мактаган жарнак такталарынын арасында салттуу кийим кийип, төөгө минген кыз жылмайып турат. 2016-жылдан бери уйгур, казак, кыргыз улутундагы мусулмандар Кытайдын... Читать дальше...

Акыркы бир сутка ичинде Кыргызстанда коронавирустан дагы жети бейтап каза болду. Алардын үчөө Бишкекте, экөө Чүйдө, бирөө Жалал-Абадда дагы бири Ошто катталды. Муну менен илдеттин курмандыктары 1 971 кишиге жетти. Саламаттык сактоо жана социалдык өнүктүрүү министрлигинин 26-июндагы маалыматына ылайык, соңку бир суткада 892 кишиден вирус жаңы аныкталды. Анын көбү Бишкекте (401). Мурда ооруп жаткандардын ичинен 524 киши сакайып чыкты. Коронавирус пандемиясы башталгандан бери Кыргызстанда 119 873 киши вирус жугузуп алды. Читать дальше...

Министрлер кабинетинин төрагасы Улукбек Марипов өкмөт коронавируска каршы күрөшүүнү жана эмдөөнү толук ишке ашыра албай жатканын моюнга алды. Буга байланыштуу ал саламаттык сактоо жана социалдык өнүктүрүү министри Алымкадыр Бейшеналиевге эскертүү берди. Вирус жашарып, ооруканалар толуп калды Кыргызстанда соңку бир суткада дагы 892 кишиге вирус жугуп, жети адам көз жумганы белгилүү болду. Соңку 25 күндүн статистикасы өлкөдө коронавирустун үчүнчү толкуну курчуй баштаганынан кабар берет. Биринчи... Читать дальше...