Новости за 05.06.2021

Болот Темиров баштаган иликтөөчү журналисттердин "Temirov LIVE" каналы 5-июнда кыргыз-тажик чек арасындагы бир ай мурда болгон жаңжалды иликтеген видео иликтөө жарыялады. Анда окуя Тажикстан тараптан атылган октон башталганы, негизинен кыргыз тараптагы гана үйлөр өрттөлгөнү, чатактын алдында коңшу өлкөгө курал-жарак ташыган учак конгону, тажик аскерлери көтөргөн куралдар алыскы өлкөлөрдөн алынып келингени баяндалат. Тажикстан соңку жылдары чоң көлөмдөгү курал-жарак сатып алганы сандар менен көрсөтүлөт. Читать дальше...

Талас облусунда 19 жаштагы жигиттин колунан мерт болгон 18 жаштагы Нурайым Талипова өзү туулуп-өскөн Кара-Буура районунун Жаңы-Жер айылында 5-июнда жерге берилди. Маалыматка ылайык, ал быйыл жаңы эле мектепти бүтүп, Бишкекке окууга тапшырганы турган. Кыздын сөөгү 4-июнда токтоп турган автоунаанын ичинен табылган. Текшерүү учурунда ал ушул айылдын 2003-жылы туулган тургуну экени жана ок атуучу куралдан жараат алганы аныкталган. Кылмышка шектүү катары коңшу Кара-Суу айылынын 19 жаштагы тургунуна... Читать дальше...

Кыргызстан менен Тажикстан чек арага тартылган куралдуу күчтөрүн артка кайтарууну макулдашты. Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев 5-июндагы сүйлөшүү майнаптуу болгонун белгилеп, анын жыйынтыгында чек арага тартылган күчтөр артка кайтарылып, Чоң-Алай районунун борборуна көчүрүлгөн тургундар өздөрү жашаган айылдарга жөнөтүлө турганын билдирди. “Кечээги сүйлөшүүлөр майнапсыз болгон. Ошондуктан элди көчүрүүгө мажбур болгонбуз. Бүгүн кайрадан жолугушуулар уланып ал майнаптуу болду. Читать дальше...

Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев менен Тажикстандын Улуттук коопсуздук комитетинин төрагасы Саймумин Ятимов чек араны делимитациялоо жана демаркациялоо боюнча эки өлкөнүн мамлекеттик комиссиясынын жетекчилери катары 5-июнда биргелешкен билдирүү кабыл алышты. Алардын билдирүүсүнүн тексти өкмөттүн сайтында жарыяланды. “2021-жылдын 5-июнунда мамлекеттик чек аранын “Карамык” тилкесинин 12/9 чекитинде тараптардын Кыргыз Республикасы менен Тажикстан... Читать дальше...

"Эже-сиңдилер" телеберүүсүндө бул жолу майыптыгы бар балдарына байланган энелердин маселеси тууралуу баарлаштык. 2020-жылдын аягына карата 18 жашка чейинки 32 миңден ашуун баланын майыптыгы бар экени белгилүү болгон, бул жалпы майыптыгы бар адамдардын 16,5% түзөт. Жыл сайын 4 миңге жакын бала биринчи жолу майыптык статусун алат. Өкмөттүн чечими менен 2019-жылдан тарта майып балдарды карагандарга айына 4900 сом өлчөмүндө айлык төлөнө баштаган. Долбоорду ишке ашырууга мамлекеттик бюджеттен бир жылга 420 миллион сомдун тегерегинде акча каралган.

Чек арага жакын Чоң-Алай районундагы Жекенди айыл өкмөтүндө беш айыл бар. Алар: Жекенди, Кара-Тейит, Карамык, Чулук жана Шибе. "Азаттыктын" кабарчысы кыргыз-тажик чек арасына жакын Карамык айылында болуп кайтты.

Алтын байге ээси Кумар Калиев 69 килограмм салмакта күч сынашты. Турнир кечээ, 4-июнда, БАЭнин Дубай шаарында өткөн.

Бишкек шаарындагы бир нече каттамды тейлеген кичи автобустар 5-июнда ишке чыгышты. Бул тууралуу шаардык мэрия кабарлады. Калаа жетекчилиги айдоочулар менен сүйлөшүү дале уланып жатканын, алардын ичинде бир тобу ишин улантып турууга макул болгонун билдирет. Ошол эле мэрия убакта кээ бир кичи автобустардын айдоочулары транспорттун сыртына “жол акы 15 сом” деп жазып алганын айыптап, аларга чара көрүлөрүн эскертти. Бишкекте 2-июнда шаар ичиндеги элдин кыймылын камсыз кылган маршруттук каттамдын айдоочулары иш таштаган. Читать дальше...

"Азаттыктын" дүйнөдө илим жаатында болуп жаткан ачылыштар менен тааныштырган рубрикасы кайра жанданды. Бул жолу ойго негизделген байланышты изилдөө, онлайн акыл оюндарынын мээнин иштешине таасири жана атактуу физик Альберт Эйнштейндин каты тууралуу баяндайбыз.

Еврокомиссия Facebook компаниясына карата антимонополдук иликтөө иштерин баштады. Алар корпорацияны колдонуучулардын маалыматтарын мыйзамсыз пайдаланып жатат деп шек саноодо. Комиссия компания социалдык түйүндүн колдонуучулары жөнүндө жарнама берүүчүлөрдөн алган маалыматты алар менен атаандашуу үчүн колдонуп жатабы деген суроого жооп издейт. Тергөөнүн алкагында Facebook Европа Биримдигинин(ЕБ) эрежелерин бузуу менен Marketplace аттуу сервис менен байланышы барбы же жокпу деген маселе да иликтенет. Читать дальше...

Интро: Калый Молдобасанов атындагы кыргыз улуттук консерваториясында "Жаңы муун" аттуу жаш пианисттердин конкурсунун ачылышы болду. Бул сынак жаш музыканттарды колдоо, музыка сүйүүчүлөрдү көбөйтүү максатында уюштурулууда.

Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев 5-июнда жергиликтүү тургундар менен жолугушуп жатып Бишкектен Чоң-Алайга учуп баратып кырсыкка кабылган экинчи тик учактын жагдайы тууралуу маалымат берди. Ал борбордон эки тик учак менен чыгышканын, экинчиси тоолордун ортосунда катуу шамалга кабылып, көтөрүлө албай, авариялык конуу жасаганын маалымдады. Ташиев муну “кокустук” деп атады. 4-июнда Коргоо министрлигине караштуу "МИ-8 МТ" тик учагы Ош облусуна... Читать дальше...

Кыргызстанда соңку жылдары тубаса майып болуп төрөлгөн балдардын арасында Даун синдрому, шал, нерв оорулары көбүрөөк кездешүүдө. Адистер буга социалдык-экономикалык, экологиялык абал, ошондой эле үй-бүлөнү, балалуу болууну пландоого көңүлкош мамиле себеп экенин белгилешет.

Өзүн президент Садыр Жапаровдун жакын тууганы катары тааныштырып, алдамчылык менен ири суммада акча өндүргөн Кыргызстандын жараны кармалды. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы кабарлады. Мекемеден билдиришкендей, шектүү («Ш.Н.Р.») Каракол шаарындагы мамлекеттик мекемелердин биринин жетекчисинен («К.Т.С.»), аны ошол кызматында калтыруу убадасы менен акча сураган. Кызматкер шылуунга 5 миң АКШ долларын жана 45 миң сом акча берген. Бул факт боюнча... Читать дальше...

“Кыргызгидромет” борбору 7-июнга чейин Кыргызстанда күн ысып, абанын күндүзгү температурасы Чүй, Баткен, Ош, Жалал-Абад облустарынын өрөөндөрүндө 37…39 градуска чейин, Талас өрөөнүндө 36…38 градуска чейин жогорулай турганын кабарлады. 6-июнда түнкүсүн Ысык-Көл, Нарын облустарынын кээ бир райондорунда, Жалал-Абад облусунда тоо этектеринде жана тоолуу райондорунда, Чүй, Талас облустарынын тоолуу райондорунда өткүн өтөт, бийик тоолуу райондорунда кар жаайт. Жалал-Абад облусунун өрөөнүндө, Чүй, Талас дыйканчылык аймактарында жана Ош... Читать дальше...

Беларуста “97% айдоочулар” ("Водители 97%") телеграм-каналынын авторлору коомдук тартипти бузууну уюштурууга айыптуу деп табылды. Бул тууралуу Беларустун Башкы прокуратурасы кабарлады. Билдирмеде айтылгандай, үч шектүү эки жыл, алты айдан эркинен ажыратылды, дагы бирөө үч жылга камалды. Айыптоочу тарап “алар адамдарды нааразылык акцияларын өткөрүү тактикаларын үйрөтүп, билдирүүлөрдү жасап турушкан” деп билдирет. Прокуратуранын жүйөсүндө, бул башаламандыктарга, жолдорду жабууга жана мекеме-ишканалардын... Читать дальше...

Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев менен Тажикстандын Улуттук коопсуздук комитетинин төрагасы Саймумин Ятимов 5-июнда кыргых-тажик чек арасынын нейтралдуу аймагында кездешти. Ташиев сүйлөшүүнүн жыйынтыгы тууралуу журналисттерге маалымат берип, жолугушууда тараптар сегиз келишимге жетишкенин маалымдады. Ал келишимдердин мазмуну расмий түрдө кийинчерээк жарыяланарын тактады. УКМК төрагасы жетишилген келишимдердин алкагында, Чоң-Алайга тартылган... Читать дальше...

Кыргызстанда соңку бир сутка ичинде COVID-19 илдети дагы 413 кишиден (U07.1 жана U07.2) жаңы аныкталды, илдеттен беш адам каза болду. Бул тууралуу 5-июнда Коронавируска каршы республикалык ыкчам штаб маалымдады. Каза болгондордун төртөө Бишкек шаарынын, бирөө Чүй облусунун тургундары. Жаңы катталгандардын көбү Бишкек шаарына (157) жана Чүй облусуна (98) туура келет. Ош шаарында жана калган облустарда беш-ондон учур катталды. 5-июнга карата соңку бир күн ичинде COVID-19 илдетинен сакайып чыккандар... Читать дальше...

Кыргызстандын Коопсуздук кеңешинин катчылыгы азыркы учурда мамлекеттик чек аранын кыргыз-тажик тилкесиндеги абал салыштырмалуу туруктуу экенин билдирет. Органдын билдирмеси президенттин сайтында жазылды. Маалыматта айтылгандай, Коопсуздук кеңешинин катчылыгы бул багытта тартылган күч органдарынын, жергиликтүү бийлик органдарынын ишин координациялап жатат. “Чек арадагы кырдаал көзөмөлдө, тартылган мамлекеттик органдар абалды күнү-түнү байкап турат. Чек арадагы кырдаал боюнча жарандардан келип жаткан көптөгөн кайрылууларга байланыштуу... Читать дальше...

Казакстандын туңгуч президенти Нурсултан Назарбаевдин күйөө баласы Тимур Кулибаевдин Британиядагы хансарайы курулуп бүттү. Жалпы аянты 20 чарчы чакырымды ээлеген хансарай британ ханышасы Елизавета IIнин уулу ханзада Эндрюга таандык болгон. Кулибаев баасы асман чапчыган мындай мүлктү офшордук компания аркылуу баштапкы баасынан 3 миллион фунт стерлингге кымбатка сатып алганы айтылып келет.

Кумтөргө байланыштуу камалган саясатчыларга кайсы келишимдер жана кайсы токтомдор боюнча айып тагылып жатканы расмий айтыла элек. Бирок айыпталуучулардын адвокаттары тергөө таккан кине 2012-жылкы парламенттин чечимине барып такалып жатканын билдирүүдө. Ал жылы эмне маселе каралган? Кармалган төбөлдөр анда кандай кызматтарда отуруп, кандай аракеттерге барган? “Азаттык” ушул суроолорго жооп издеп көрдү. Айыптоонун учкай баяны Ошентип чуулгандуу иш боюнча эки депутат: Асылбек Жээнбеков, Төрөбай Зулпукаров... Читать дальше...

Улуттук коопсуздук боюнча мамлекеттик комитеттин (УКМК) Чек ара кызматынын маалымат бөлүмү Баткен чек ара отрядынын 18 жаштагы катардагы жоокери (М.Д.) ок атуучу куралдан өзүн-өзү атып алганын кабарлады. Маалыматта айтылгандай, жоокер милдеттүү аскердик кызмат өтөөгө быйыл жазда барган. Окуянын себептери жана чоо-жайы иликтенип жатат. Тергөөнү Башкы прокуратуранын Аскердик прокуратурасы алып барууда. 1-июнда Баткен районунун Паскы-Арык айылында кызмат өтөп жаткан эки жоокер куралды этиятсыз колдонуудан улам жараат алышкан. Читать дальше...

Талас облусунун Кара-Буура районунун Кара-Суу айылынын 19 жаштагы тургунунун (А.Т.) сөөгү 5-июнда асылган абалда табылды. Бул тууралуу маалыматты облустук ички иштер башкармалыгы ырастады. Маалыматка ылайык, ал ушул эле райондун Жаңы-Жер айылындагы 18 жаштагы кызды атып кеткен деп шек саналып жаткан. Ага издөө жарыяланган болчу. Кыздын сөөгү 4-июнда токтоп турган автоунаанын ичинен табылган. Текшерүү учурунда ал ушул айылдын 2003-жылы туулган тургуну экени жана ок атуучу куралдан жараат алганы аныкталган. Читать дальше...

Ысык-Көлдүн Ананьев айыл тургундарынын көбү, жаш-кары дебей машиненин ордуна шайтан араба колдонууну адатка айлантышкан. Айылда 11 миңге жакын адам жашаганы менен коомдук транспорт жүрбөйт. Айылдыктардын көбүнүн, мектеп жашындагы баладан 80ге чыккан пенсионерге чейин шайтан арабасы бар. Аны колдонуу адаты орус улутундагылардан калган.

"Сапат" билим берүү мекемесинин президенти, беш күндөн бери дайынсыз болуп жаткан Орхан Инандыны табууну талап кылгандар 5-июнда да Бишкекте өкмөт үйүнүн алдына митингге чыгышты. Митингге 200дөн ашык адам катышууда. Чогулгандар акция Инанды табылганга чейин уланарын маалымдашууда. Инандыны табууну талап кылгандардын акциясы 1-2-июнда Түркиянын Кыргызстандагы элчилигинин астында, 3-июнда Жогорку Кеңештин имаратынын алдына, 4-июнда өкмөт үйүнүн алдына чогулушкан. Ички иштер министрлиги 5-июнда кабарлагандай... Читать дальше...