Новости за 04.06.2021

Бишкекте кичи автобустардын айдоочулары 4-июнда да ишке чыккан жок. Мэрия үч күндөн бери маршруттук кичи автобус маселесин чече албай жатат.

Тоолуу Карабакта мина жарылып, эки азербайжандык журналист жана бир жергиликтүү аткаминер набыт болду. Азербайжандын Коргоо министрлиги билдиргендей, мина Калчабар районунда жарылган. Каза болгон Сирак Абисов мамлекеттик AzTV телеканалынын журналисти, ал эми Магеррам Ибрагимов AzerTag мамлекеттик агенттигинин кызматкери эле. Жардыруудан жергиликтүү аткаминер көз жууп, дагы төрт адам жарадар болду. Былтыр күзүндө Түштүк Кавказдагы эки өлкө ортосунда Тоолуу Карабак анклавы үчүн алты жумалык согуш чыккан. Читать дальше...

Ош облусунун Чоң-Алай районундагы кыргыз-тажик чек арасына жакын жайгашкан Жекенди айыл өкмөтүнүн тургундары райондун борбору Дароот-Коргонго жана башка айыл өкмөттөргө эвакуация болууда. Бул тууралуу Ош облустук администрациясы билдирди. Маалыматта саат 19:30га карата Чоң-Алай райондук администрациясы Өзгөчө кырдаалдар министрлиги менен биргеликте жергиликтүү тургундарды коопсуз аймакка көчүрүп жатканы айтылат. Өзгөчө кырдаалдар министри Бообек Ажикеев эвакуацияны уюштуруу иштерин жеке көзөмөлүнө алууда. Читать дальше...

Кыргызстандын Министрлер кабинети Ош облусундагы Чоң-Алай районундагы Унжу-Булак участогуна байланыштуу Тажикстан тараткан маалыматты четке какты. Министрлер кабинетинин билдирүүсү расмий сайтына жарыяланды. Анда Кыргызстан менен Тажикстандын өкмөттүк делегациялары кыргыз-тажик мамлекеттик чек арасын делимитациялоо жана демаркациялоо боюнча биргелешкен иш жүргүзүп жатканы, бирок, аны жазуу процесси жыйынтыктала электиги айтылат. “Кыргыз Республикасы менен Тажикстан Республикасы ортосунда аталган... Читать дальше...

- Камчыбек Ташиев Чоң-Алайга барды. Ал кыргыз-тажик чек арасындагы кезектеги чыңалууну чечүү үчүн коңшу өлкөнүн коопсуздук комитетинин башчысы менен жолукканы айтылууда. Бул арада Ташиевди Чоң-Алайга коштоп барган вертолёт аварияга учурады. - Баткенде чек-арада жайгашкан Таш-Тумшук айылынын тургундары президентке кайрылып, айылдан көчүрүп кетүүнү суранып жатышат. Алардын айтымында, Таш-Тумшукта жашаш кооптуу болуп калды. - Нурсултан Назарбаевдин күйөө баласынын Британиядагы хан сарайынын курулушу аяктап калды. Читать дальше...

Кыргызстанда соңку жылдары ийгиликтүү болууну, маңыздуу жашоону үйрөткөн мотивациялык китептер көбүрөөк сатыла баштады. Окурмандар жана китеп соодасы менен алектенгендер бул көрүнүшкө кандай баа берет?

Жогорку Кеңештин депутаты Асел Кодуранова КСДП фракциясынын лидери Иса Өмүркуловдун фракция лидерлигин убактылуу депутат Өмүрбек Бакировго өткөрүп бергени мыйзамсыз экенин билдирди. “Фракцияны чогултуп, анан убактылуу лидерди шайлайлы деш керек эле. Иса Өмүркулов 2020-жылы парламенттик шайлоонун астында "КСДП партиясынан чыктым" деп арыз жазган. Арыздын түп нускасы бар. Анын фракция лидерлигинин мыйзамдуу экени талаштуу. Фракция лидерлигинен кетсе орун басарына өтүш керек болчу. Орун басары Төрөбай Зулпукаров, ал камакта. Читать дальше...

Евробиримдик 4-июнда беларус авиакаттамдарына шаркеттин аба майданы аркылуу учууга жана биримдиктин аэропортторуна конууга тыюу салды. Бул чара Беларустун 23-майда "Ryanair" учагын күч менен кондуруп, журналист Роман Протасевичти камакка алышына байланыштуу кабыл алынды. Евробиримдик өз авиакомпанияларына Беларустун аба майданынан айланып өтүүгө чакырды. Беларустун «Белавиа» улуттук авиакомпаниясы Беларус менен Европанын 20 аэропортунун ортосунда каттамдарды жүргүзүп келет. Алардын арасында Хельсинки... Читать дальше...

Башкы штаб Ош облусунун Ноокат районунда кырсыкка учураган тик учак тууралуу кошумча маалымат таратты. Анда 4-июнда саат 12:45 аралыгында Куралдуу күчтөрүнүн тик учагы Ош облусунун Ноокат районунун Кичи-Алай айылынын аймагында аргасыз конгону, катуу конуунун жыйынтыгында тик учактан өрт чыкканы айталат. Башкы штаб акыркы маалыматтар боюнча учактагы 15 адамдын (12 киши жана 3 экипаж мүчөлөрү) ичинен үчөө ар кандай деңгээлде күйүк алышканын билдирди. Буга чейин Коргоо министрлиги кырсыктаган тик учакта он адам болгонун... Читать дальше...

Вашингтондун 80 миллион доза коронавируска каршы вакцинаны башка мамлекеттер менен бөлүшүү планынын алкагында, Өзбекстанга дагы препараттар жөнөтүлүшү мүмкүн. Бул маселе Өзбекстандын Кошмо Штаттардагы элчиси Жавлон Вахабовдун АКШ вице-президентинин атайын кеңешчиси Лиза Сойер менен жолугушуусунда сөз болду. Тараптар Өзбекстандын парламент спикери Танзила Нарбаева менен Американын вице-президенти Камала Харрис менен алдыда боолгонуп жаткан жолугушуусун да талкуулашты. Өзбекстанда эмдөө 1-апрелде башталган. Читать дальше...

Жогорку Кеңештин КСДП фракциясынын жана көпчүлүк коалициясынын лидери алмашты. Жогорку Кеңештин депутаты КСДП фракциясынын лидери Иса Өмүркулов чет өлкөгө узак убакытка дарылануу үчүн кетип жатканына байланыштуу фракция лидерлигин убактылуу депутат Өмүрбек Бакировго, Жогорку Кеңештин көпчүлүк коалициясынын лидерлигин убактылуу “Республика-Ата-Журт” фракциясынын лидери Жыргалбек Турускуловаго өткөрүп бергени тууралуу КСДП фракциясынын депутаттарына кат жолдоду. Иса Өмүркулов былтыр октябрда жыйынтыгы... Читать дальше...

Жогорку Кеңешке шайлоонун күнү дагы деле белгисиз болууда. Саясий чөйрөдө быйыл октябрь айында өтөт деп айтылганы менен датасы расмий бекитиле элек. Президенттин администрациясы муну жаңы шайлоо мыйзамдарын кабыл алуу зарылдыгы менен байланыштырды. Шаштыны кетирген шайлоо мыйзамдары Легитимдүүлүгү талаш жараткан Жогорку Кеңештин VI чакырылышы кайрадан талкуунун чордонуна чыкты. Буга парламенттик шайлоонун датасына байланыштуу маселе себеп болду. Былтыр 22-октябрда Жогорку Кеңеш мөөнөтүн узартуу... Читать дальше...

“Азаттык” радиосунун “Бийлик сырлары” берүүсүнүн бул жолку коногу Нарын, Талас облустарынын мурдагы губернатору Бейшен Болотбеков болду.

“Азаттык” радиосунун “Бийлик сырлары” берүүсүнүн бул жолку коногу Нарын, Талас облустарынын мурдагы губернатору Бейшен Болотбеков болду. Ал маекте эки облуска жетекчи болгон кездеги интригалар, себептери, үй-бүлөлүк башкаруунун курмандыгы болгону, саясатчылар Акаев, Ашыралиев, Чынгышев, Бакиев менен мамилеси ж.б. маселелерди кеп кылат.

Беларустун мамлекеттик телеканалы журналист Роман Протасевичтин көзүнө жаш алып, өзүнө коюлган айыптарды "мойнуна алганын" айткан видеосун жарыялады. Бул видео журналист Беларуста кысымга кабылып жатканы тууралуу тынчсызданууну күчөттү.

Бишкекте жүргүнчү ташыган кичи автобустар үч күн катары менен каттамга чыккан жок. Алар жол кирени 15 сомго чейин көтөрүп берүүнү талап кылып, иш таштаган. Шаар мэриясы болсо жергиликтүү өкмөттүк мекемелерди элди акысыз ташууга милдеттендирип жатат. Ал эми шаар тургундары жол киренин көтөрүү тууралуу пикири кандайт? Бул суроону Лазат Жаныбек кызы шаардыктарга узатты.

Кыргыз-тажик чек арасындагы соңку жаңжалдан бери бир айдан ашык убакыт өтсө дагы Исфара-Аксай-Ворух жолунун боюндагы Таш-Тумшук айылынын тургундары үйлөрүнө толук кайтып келе элек. Алар президентке кайрылуу жолдоп, көчүрүп кетүүнү суранып жатышат. Тажикстандын Кожалы айылынын курчоосунда турган Таш-Тумшукта мурда 150 үй болсо, азыр 38 эле түтүн калган.

Футболчу бул голун чемпионаттын тогузунчу турунда киргизген. Мыкты голдун автору социалдык тармактардагы добуш берүүнүн жыйынтыгы менен аныкталган.

Мелдеш 15-майда өтүп, акыркы жыйынтык чыкты. Ардагерлер арасынан биринчи орунду алган казакстандык спортчу эреже бузганы аныкталган.

Чоң-Алай районунда кыргыз-тажик чек арасында абал чыңалып турат. Бул тууралуу мамлекеттик чек ара кызматы маалымдады.

Улуттук коопсуздук комитетинин (УКМК) Чек ара кызматы саат 14кө карата Ош облусунун Чоң-Алай районундагы кыргыз-тажик чек арасынын Унжу-Булак аймагында абал туруктуу экенин билдирди. Анда “Тийиштүү кызмат адамдары жеринде жана абалды жөнгө салуу боюнча чараларды көрүүдө. Чек ара кызматынын бөлүктөрү күчөтүлгөн тартипте кызмат өтөөдө”, - деп айтылат. УКМКнын төрагасы Камчыбек Ташиев 4-июнда эртең менен Ош облусуна караштуу Чоң-Алай районуна чукул учуп кеткен. Мунун алдында Чек ара кызматы аталган... Читать дальше...

Японияда борборлоштурулган оюндар келерки аптада башталат. Улуттук команда Монголия, Мьянма жана Япония менен беттешет.

Айсулуу Тыныбековадан тышкары төрт спортчу, анын ичинде эл оозуна алынып калган Мээрим Жуманазарова менен Айпери Медет кызы жөнөтүлөт.

Афиныдан Вильнюска бараткан жүргүнчү учактын Минскиге күчтөп кондурулуп, борттогу оппозициялык журналисттин кармалышы Беларус менен Батыштын мамилелерин ого бетер курчутту. Александр Лукашенко бийликте турган маалда Курманбек Бакиевдин Бишкекке экстрадициясы мүмкүнбү?