Новости за 18.06.2021

Кумтөр кенин иштетүүдөгү коррупциялык иштерге байланыштуу Улуттук коопсуздук боюнча мамлекеттик комитет (УКМК) мурдагы биринчи вице-премьер-министр Тайырбек Сарпашевди кармады. Кумтөргө байланыштуу камалган Жогорку Кеңештин депутаттары Асылбек Жээнбеков менен Төрөбай Зулпукаровдун бөгөт чарасын өзгөртүү тууралуу арыз Бишкек шаардык сотунда каралбай калды.  Атайын кызмат 18-июнда тараткан маалыматка караганда, Тайырбек Сарпашев канадалык "Центерра Голд" компаниясынын өкүлдөрү менен жең ичинен... Читать дальше...

Президент Жо Байден Кошмо штаттарда кулчулук жокко чыгарылган 19-июнду федералдык майрам күн деп таануу боюнча мыйзам долбооруна кол койду. Бул тууралуу "Америка абазы" радиосу кабарлады. Өкүлдөр палатасындагы дебаттар учурунда Техастан демократ Шейла Жексон Ли Америкадагы кулчулук жоюлган күндү эскерүүнүн урматына 19-июнду федералдык майрам катары таануу боюнча мыйзам долбоорун иштеп чыкканын билдирген. АКШнын Техас штаты 1980-жылы 19-июнду расмий майрам деп жарыялаган. Анын артынан көпчүлүк штаттар аны тааныган. Читать дальше...

Бүгүн, 18-июнда, Жогорку Кеңештин имаратында Кыргыз эл жазуучусу, мамлекеттик жана коомдук ишмер Казат Акматовдун 80 жылдыгына арналган илимий-тажрыйбалык конференция өттү. Парламенттин басма сөз кызматы кабарлагандай, конференцияга илимий чөйрө өкүлдөрү, “легендарлуу парламенттин” депутаттары, маркумдун туугандары катышты. Алар Акматовду жылуу эскерип, анын адабиятка кошкон зор салымы жана адамдык бийик сапаттары тууралуу сөз кылышты. Эл жазуучусу, драматург, публицист, Токтогул атындагы мамлекеттик... Читать дальше...

Кыргызгидромет борбору кабарлагандай, 19-июнда Чүй, Талас, Ысык-Көл, Нарын облустарынын көпчүлүк аймактарында, Ош, Жалал-Абад, Баткен облустарынын кээ бир райондорунда өткүн өтүп, күн күркүрөйт. Бийик тоолуу райондордо кар жаашы мүмкүн. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетет. Абанын температурасы: Чүй облусунда түнкүсүн 15…20, күндүз 30…35; Талас жергесинде түнкүсүн 12…17, күндүз 29…34; Ош, Баткен, Жалал-Абад дубандарында ​түнкүсүн 14…19... Читать дальше...

Орусиянын Тышкы иштер министрлигинин расмий өкүлү Мария Захарова RTVI телеканалына курган маегинде, Москва менен Вашингтон камактагыларды алмашуу маселесин карап баштаганын билдирди. Владимир Путин Женевада Жо Байден менен жолуккандан кийин маалымат жыйында тараптар АКШда камалган орусиялыктар менен Орусияда жазасын өтөп жаткан америкалыктарды алмашуу боюнча мунасага келгенин айткан болчу. Захарова RTVI телеканалына камактагыларды алмашуу маселесинде бир топ жагдайлар болгондуктан ал коомдук талкууда болбошу керектигин белгиледи. Читать дальше...

Кыргызстандык футболчу кыздар төрт команда менен беттешип, эки ирет жеңүүчү болгон. Топтолгон алты упай байгелүү орунга илинүүгө мүмкүнчүлүк берди.

Саламаттык сактоо жана социалдык өнүктүрүү министрлиги ушул тушта өлкөдө коронавирус эпидемясынын үчүнчү толкуну жүрүп жатканын расмий билдирди. Кыргызстанда COVID-19га каршы эмдөө быйыл март айынын соңунда башталган. Вакцина каалоочуларга акысыз негизде сайылууда. "Азаттык" шаар тургундарынын коронавируска каршы эмдөө тууралуу пикирине кызыкты.

“Сапат” билим берүү мекемесинин президенти Орхан Инандынын тарапкерлеринин акциясы бүгүн 18-июнда да Өкмөт үйүнүн алдында уланды. Мекеменин өкүлү Чыңгыз Исманов "Азаттыкка" билдиргендей, Инандыны табуу талабы менен 200гө жакын адам чыкты. Орхан Инандынын жоголушу боюнча милиция Жазык кодексинин 170-беренеси ("Адам уурдоо") менен кылмыш ишин козгогон, Интерпол да издеп жатканы айтылган. Президент Садыр Жапаров тийиштүү мекемелерге аны издөө иштерин күчөтүүнү жана кошумча күч тартууну тапшырган. Бишкекте иштеп... Читать дальше...

Бишкекте бүгүн 18-июнда "Маалыматты манипуляциялоо жөнүндө" мыйзам долбоорун талкуулаган жыйын өтүп жатат. “Медиа полиси институту” жана “Интерньюс” уюмдары уюштурган талкууга медиа эксперттер, журналисттер, юристтер жана бийлик өкүлдөрү катышууда. Парламент бир жыл мурда кабыл алып, бирок президент кол койбой, кайра жөнөткөн мыйзам долбоору боюнча жооптуу мекеме катары Маданият, маалымат, спорт жана жаштар саясаты министрлиги аныкталган. Бүгүнкү жыйында аталган мекеменин жетекчисинин орун басары... Читать дальше...

Кумтөр кенин иштетүүдөгү коррупциялык иштерге байланыштуу Улуттук коопсуздук боюнча мамлекеттик комитет (УКМК) мурдагы биринчи вице-премьер-министр Тайырбек Сарпашевди кармады. Мекеме 18-июнда тараткан маалыматка караганда, Сарпашев канадалык "Центерра Голд" компаниясынын өкүлдөрү менен жең ичинен сүйлөшүп Кумтөр кенинде жайгашкан мөңгүлөрдүн экологиялык коопсуздугуна зыян келтирген. Тергөө ал өкмөттө иштеп турганда мөңгүлөрдүн сакталышын камсыз кыла турган мыйзам долбоорун иштеп чыгууга жана кабыл алууга тоскоолдук кылганын аныктады. Читать дальше...

Кыргызстандын футбол боюнча 20 жашка чейинки кыздардын курама командасы Борбор азиялык футбол ассоциациясынын чемпионатында (CAFAU-20) үчүнчү орунду алды. Кыргыз футбол союзу кабарлагандай, кыргызстандык спортчулар төрт оюнда эки жеңишке жетип алты упай топтоду. Биринчи орунду Өзбекстандын, экинчини Ирандын футболчу кыздары утту. Мелдеш Тажикстандын борбору Дүйшөмбү шаарында 11-17-июнь күндөрү өттү.    Борбор азиялык футбол ассоциациясынын чемпионатына беш өлкөнүн  - Кыргызстан, Өзбекстан, Иран... Читать дальше...

Кумтөр алтын кенин иштетүүдөгү коррупциялык иштерге байланыштуу камакка алынган Жогорку Кеңештин депутаттары Асылбек Жээнбеков менен Төрөбай Зулпукаровдун тарапташтары 18-июнда Бишкек шаардык сотунун алдына митингге чыгышты. Акциянын катышуучулары депутаттарга каршы саясий куугунтук болуп жатканын айтып, аларды эркиндикке чыгарууну талап кылып жатышат. Ушул тапта шаардык сотто Жээнбеков менен Зулпукаровдун бөгөт чарасын өзгөртүү тууралуу адвокаттардын арызы каралууда. Эки депутат 31-майда "Кумтөр иши" боюнча эки айга камакка алынган. Читать дальше...

Коронавируска каршы республикалык ыкчам штабдын бүгүнкү, 18-июндагы маалыматына караганда, кечээтен бери Кыргызстанда бул илдеттен төрт адам каза болду. Көз жумган бейтаптардын үчөө Бишкекте, бирөө Ошто катталды. Жалпысынан өлкөдө коронавирустан каза болгондордун расмий саны 1920 адамга жетти. Соңку бир күн ичинде вирус дагы 653 адамдан табылды. Алардын эң көбү Бишкек шаарында (269) жана Чүй облусунда (116). Өлкөдө бул оору жуккандардын расмий катталган саны 113 430 адамга жетти. Бир күндө 372 адам айыгып чыкты. Читать дальше...

Кыргызстандын эң башкы “Токтогул” ГЭСинде суунун көлөмү 10,8 млрд. кубга жетти. Бирок бул баары бир былтыркыдан 2-3 млрд. кубга аз. Жаратылыштагы суу азайган табыгый кубулуштан улам чөйчөккө суунун толушу бир-эки жылдан бери кемип жаткан. Быйыл кыштан ал болгону 8,6 млрд. куб көрсөткүч менен чыккан. Кыргыз бийлиги коңшу өлкөлөрдөн электр энергиясын сатып алуу менен аны көбөйтүүгө аракет кылууда. Бирок парадоксал жагдай, аларга кайра ток бериш үчүн сууну дагы агызууга туура келүүдө. “Азаттыктын”... Читать дальше...

Алексей Навальный жана анын санаалаштары президент Путиндин айтканын төгүндөштү.