Кытай АКШ менен соода сүйлөшүүлөрүн токтотту
Бээжин мындай чечимди АКШнын президенти Дональд Трамптын администрациясы кытай товарларына төлөмдөрдү жогорулаткан соң кабыл алды. Бул тууралуу The Wall Street Journal кабарлады.
Басылманын маалыматына караганда Кытай Вашингтонго барчу эки делегациясынын сапарын токтоткон. Жолугушуулар жакынкы күндөргө белгиленген.
Трамп 18-сентябрда Кытайдын товарларына жаңы төлөмдөрдү киргизген. Алар кийинки жумадан тартып күчүнө кирип, Кытайдын 200 миллиард долларлык экспорттук товарына таасир этмек. Трамп өзүнүн мындай чечимин Кытайдын адилетсиз соода саясаты менен түшүндүргөн.