Новости за 30.10.2020

Абдурахманов Тумсона тIелатар дина аьлла, шеконашца лаьцначу шинна дуьхьал официалехь бехкаш дехкина Швецино; Соьлж-ГIаларчу футболан матчехь арбитрана йиттинарг "Ахмат" клубан хилла вице-президент Алханов Хайдар хилла; Ниццерчу килса чохь урс диттина зуламхо вовзийтина

Францехь 47 шо долу историн а, георграфин а хьехархо Пати Самюэл вийна Анзоров IабдуллахI Нохчийчохь дIавуллуш яьккхина ю аьлла, яржийна видео лела интернетехула. Теллича гуш ду иза фейк хилар.

Бакъоларъяран "Мемориал" центро йиллина кхиош а, карлайоккхуш а лелайо Оьрсийчуьрчу политикан тутмакхийн база. 300 сов стаг ву чуязвина. Бакъоларъярхойн тептарахь таханенна ву политика бахьанехь Iедало таIзарна кIел кхобу 649 стаг. Муха хийцаелла кху тIаьххьарчу 30 шарахь пачхьалкхера репрессийн система, стенах кхоьру Iедал – оцу хьокъехь ду Idel.Реалиица "Мемориал" центран кхеташонан декъашхочо, Regina Gimalovaчо Давидис Сергейс ден къамел. — ХIора шарахь кхуьуш ю "Мемориало" политикан тутмакхийн терахь гойту база. Читать дальше...

Мухьаммад-пайхамар вина де даздеш бу бусалбанаш дерриг а дуьнентIехь. Нохчийчохь дуккхаа адамаш цхьаьнакхеттера Шеларчу Пайхамаран цIарахчу рузбан-маьждигехь. Йоккхачу Новгородехь нохчаша а, кхечу бусалба къаьмнийн векалша а мовлад дийшира Делан Элча хестош, шайн коьртехь оцу гIалин а, Новгородан мехкан а имам Абубакар а волуш. Цунах лаьцна ю Маршо Радион корреспонденто яьккхина хIара видео.

UFC-н чемпионо Нурмагомедов Хьабиба бехкбиллина Францин президентана Макрон Эммануэльна, "цхьа миллиард ах миллиард сов бусулба нах аьшнашбарна дешан маршонан лозунгана бухахь". "Дала юьхьIаьржа хIоттавойла хьо тахана а, кхана догIур долчу къематадийнахь а! Дала кхел сиха йо, хьуна гур а ду", - яздина Нурмагомедовс инстаграмерчу шен агIона тIехь. Иштта боьхачу маттахь а йоза дитина латархочо францхойн куьйгалхочун цIарах. Йоьдучу урокехь дешан маршонех дуьйцуш, Шарли Эбдо сатирикан журнало... Читать дальше...

Маса хаьхкинчу машенахь вогIучо полисхойн Lada Granta а, Skoda Octavia а олу ши автомобил йохийна ГIалгIайчуьрчу Экажевохь. Лазийна полицин виъ белхахо аьлла, хаамбина Кавказ.Реалиига ГIалгIайчуьрчу ницкъаллийн структурашкарчу хьостано. Дийцарехь, урхалла деш хилла 15 шо долу кхиазхо. Инцидент хилла еарин сарахь, некъан полисхой кхиазхо тIехь волу Porsche машен сацо хьийзачу хенахь. Инспекторша бохург ца деш, машен дIахьовзочу хенахь церан машенех кхетта кхиазхочо урхалла ден автомобил. Сурхахи... Читать дальше...

Украинан бIаьхо, лор Окуева Амина йийна кхо шо кхечи тахана. 2017-чу шеран ГIадужу-беттан 30-чохь Киевна гергарчу Глевахехь цабевзачу наха герзаш диттира шен цIийндеца Осмаев Адамца цхьаьна иза чохь йолчу машенна. Коьртах кхеттачу герзо йийра Окуева. Евромайданан декъашхо яра Окуева Амина. Дебальцево маьрша йоккхуш дакъалаьцна ю иза. Иштта, Луганскан кIоштахь тIеман декхарш кхочушдина а ю. Украинин чоьхьарчу гIуллакхийн министран (МВД) хьехамча лаьттинчу, "Народный фронт" фракцин халкъан депутато... Читать дальше...

Кху шеран Чиллан-баттахь нохчийн оппозицин блогерна Абдурахманов Тумсона тIелатар дина аьлла, шеконашца лаьцначу шинна дуьхьал официалехь бехкаш дехкина Швецин кхерамзаллан полицино. Лецнарш "кхечу Оьрсийчоьнан пачхьалкхерчу (Нохчийчоь) режимца боьзна хиларна Швецерчу къайлахчу сервисаша толлуш дара и гIуллакх. Арахьара иччархой шайн пачхьалкхехь жигараллица хьийзар санна зуьйш дара зулам, яздо "Кавказский узел" агенталло, иччархойн декъан куьйгалхочун Стенлинг Дэниэлна тIетевжина. Оьрсийчоьнан... Читать дальше...

"Ахматан" а, "Спартакан" а матчехь арбитрна йиттинарг Соьлж-ГIаларчу клубан экс-вице-президент Алханов Хайдар хилла аьлла, дIахьедина Оьрсийчоьнан Контролан-дисциплинаран комитетан куьйгалхочо Григорьянц Артура. Таханалерачу дийнахь Нохчийчоьнан куьйгалхочн Кадыров Рамзанан хьехамча ву иза. Яздо цунах лаьцна Sports.ru гIирсо. "Тхайн кхеташонехь оха лерина листина матчан доллу кехаташ. Алханов Сайд-Хьусайна (Алханов Хайдаран кIант) санитаран регламент йохош, майданахь хила йиш йоцу нах чубитинера. Читать дальше...

ТIаьххьарчу дийнахь-буса Къилбсаседа Кавказехь коронавирусан уьнах велла 18 дархо, кхин а тIе цомгаш хилла 897 стаг. Оперативан штабан зерашца, Красгодаран кIоштахь велла COVID-19 вирусах ворхI стаг, Дагестанехь пхиъ, Ставрополан кIоштахь виъ, ГIебарта-Балкхаройчохь шиъ. Верриг а къилбаседа Кавказехь кхелхина  пандеми яьржичхьана ковидах 3 032 пациент. ТIаьххьарчу 24 сахьтехь динчу лараршца, къаьсттина дукха бу цомгаш нах Ставрополан кIоштахь – 195 стаг: Ставрополан махкхаь +195 (21 085... Читать дальше...

Ниццерчу килса чохь рс диттина кхо стаг вийна зуламхо вовзийтина полицино. Иза ву 21 шо долу тунисхо Аусауи БрахIим. Европе веана иза Италерчу Лампедуза гIайри тIера бутт хьалха, куьйга леладечу хинкеманца я бурамца, боху Iедало. Карарчу беттан юьххьехь Италера дIаваха тIедожийна хилла цунна, дехьаваьлла Франце. Талламчашкара хиина цунах йолу информаци AFP агенталлина. Аусауица ца карийна паспорт, амма хилла цуьнгахь Италехь ЦIечу ЖIаро делла кехат. Лампедуза – нелегалехь Европе богIу мухIажирш тIеоьцу центр ю. Читать дальше...