Новости за 15.10.2020

Стаг вадорна а, нуьцкъала ахчанаш дахарна а, курхаллаш лелорна а бехкевина Кадыровн хилла векал. Азербайджанан агIор эрмалошна дуьхьал тIемаш бина Шемара 50 сов йолах лаьцна салтий вийна Карабахехь. Навальныйн тIехула санкцеш тоьхна Оьрсийчоьнан Iедалхошна

Японерчу суперкомпьютеро гайтина, адамо садоьIуш яьржа Iаь гонахарчу хIонан туьналлах йозуш хилар а, коронавирус Iай екъачу чоьнаш чохь атта яьржаш хилар а.

Оьрсийчоьнан оппозиционерна Навальный Алексейна дIовш даларца доьзна Евроберто санкцеш кхайкхийна Оьрсийчоьнан 6 хьаькамна а, цхьана организацина. Шаьш бина сацам а, санкцийн тептар а Евробертан официалан бюллетенехь зорбане даьккхина. Ву оцу тептарехь ФСБ-н директор Бортников Александр а, президентан администрацин урхалхочун хьалхара гIовс Кириенко Сергей а, президентан администрацин арахьарчу политикан департаментан урхалхо Ярин Андрей а, тIеман министраллан гIовсаш а, президентан Сибирскан федералан гонашкара векал Меняйло Сергей а. Читать дальше...

Азербайджанан агIор эрмалошна дуьхьал тIемаш беш хилла Шемара веана мел лахара а 50 йолах лаьцна салтий вийна Ломарчу Карабахехь. Washington Post гIирсо бина цунаъ лаьцна хаам, байъинчийн гергарчара дийцарехь, яздо оьрсийн Свобода Радионо. Washington Post газетано чIагIдо, Туркойчухула Шеман къилбаседане дукха хан йоццуш Азербайджанехь вийначу 53 йолахочун декъий кхачор. Буьйцурш бу Туркойчоьно гIо латтон Шемарчу оппозицин тобанаш. ХIора баттахь ши эзар долларшкахь ахча лур ду аьллера царна Карабахерчу тIамехь дакъа лацахь бохуш... Читать дальше...

ТIаьххьарчу дийнахь-буса Къилбаседа Кавказехь коронавирусах кхелхина 25 пациент, ун къаьстина кхин а 740 вахархочуьнца. Эпидеми дIаса ца яржийта Iалашонца вовшахтоьхначу оперативан штабан зерашца, Дагестанехь велла исс стаг, Ставрополан махкахь ялх, Краснодаран кIоштахь а, ГIалмакхойчохь а виъ-виъ, ГIебарта-Балкхаройчохь а, Адыгейхь а цхьацца къелхина. Верриг а Къилбаседа Кавказехь велла пандеми яьржичхьана COVID-19 вирусах 1 863 стаг. Къаьсттина дукха бу ун даьлла нах Ставрополан махкхаь- 163 стаг... Читать дальше...

Цхьахйолчу эвлана тIехула кеманашца кхераме молханаш тоьхнера аьлла, харц лоьй а хуушехь, информаци яржийначу Дагестанерчу вахархочунна дуьхьал дов айдина. Талламчийн версица, кху шеран Охан-баттахь социалан машанашкахула аудио хаам баржийна хилла цо, Дагестнерчу Карабудахкентан кIоштарчу Губден юьртана тIехула хьоьвзинчу кеманаша цхьа хIума чухецна дIасаяржийра, оцу бахьанашца адамаш а делира, зIакардаьхний а хIаллакхилира аьлла. Хаамбина Regnum агенталло. Карабудахкентан кIоштан кхеле хьажийна гIуллакх кхин дIа талла. Читать дальше...

Коронавирусан пандемин шолгIачу тулгIенца къийсам латторхьама Францехь комендантан сахьт юкъадоккхуш ду. Пачхьалкхан президенто Макрон Эммануэла дIахьедина, буса исс сахьт даьллачул тIаьхьа Iуьйранна ялх сахьт даллалц бахархошна чуьра арадовла мегар дац аьлла. COVID-19 вирус маса яьржачу Парижех а, кхин а 8 гIаланах а хьакхалуш бу тIеэцна сацам. Ю царлахь Марсель а, Лилль а, Сент-Этьен а, Руан а, Тулуза а, Гренобль а, Монпелье а, билгалдоккху "Би-би-сино". ТIедогIучу шоьтан дийнера схьа лардан дезар ду комендантан сахьт. Читать дальше...

Нохчийчоьнан куьйгалхочун Кадыров Рамзанан Украинехь хиллачу векалан Цицулаев Рамзанан гIуллакх теллина дели. Прокуратурано бехк хилар тIе а чIагIдина, гIуллакх Никулинан кхеле дIахьажийна. ТАСС агенталле бина и хаам кхелан пресс-гIуллакххоша. "Цицулаев Рамзанан гIуллакх кхеле кхаьчна, иза бехкевеш ву стаг вадорна а, нуьцкъала ахчанаш дахарна а, иштта баккхийчу барамашкахь ахчанашца курхаллаш лелорна а", - аьлла, дIахьедина пресс-гIуллакххоша. Цицулаевс шена дохку бехкаш тIе ца лоцу. Иштта, кхелан векало бахарехть... Читать дальше...