Новости за 29.10.2020

Ниццерчу килса чохь нахана уьрсаца тIелетта; ОМОН-н эскархо бехкевина стаг верна; Полицин полковникна дуьхьал гIуллакх долийна Адыгейхь

Францин хаамийн гIирсаша яздарехь, Ниццехь уьрсаца динчу тIелатарехь дийна кхо адам - ши зуда а, цхьа стаг а. Iедалан векалша тIечIагIбина боцчу цхьаболчу хаамашца, тIелатар динарг ву МагIрибан мехкашкара схьабевллачу нахах.

Бакъо йоцуш Нохчийчохь лечкъийна бигина, бертаза латтон нах дIахецар тIедожош цхьаммо хIоттийна пикет юкъахъяьккхина Москварчу полисхоша. Тахана, ГIадужу-беттан 29-чохь акци дIаяхьа сацам хиллера 28 шо долчу Москварчу яхархочун Омарова Лианин.   Лубянкерчу къайлахчу сервисийн гIишлона герга йоьдуш хиллера иза, амма дуьхьалваьллачу полисхочо карара плакат схьадаьккхинера цуьнгара. "Кадыровн Нохчийчоь - Оьрсийчоьнан полигон ю" аьлла, тIеяздина хиллера цунна. Кавказ.Реалиин корреспонденте Омаровас хаамбарца... Читать дальше...

Францехь школан хьехархо Пати Самюэл Нохчийчуьрчу вахархочо вийча, пачхьалкхан президенто Макрон Эмануэла динчу дIахьедарна комментари йитинчу Нохчийчоьнан куьйгалхочунна Кадыров Рамзанна тIехIуттуш, йистхилла адамийн бакъонашкахула йолчу Кхеташонан декъашхо Саратова Хеда. "ХIинца тIекхаьчна, хIора а мила ву хуу зама. Шен амалехь, диллина, шога Кадыровс дош хазийна, шегарчу даржал а, шен дахарал а деза дерг Iалашдеш", - боху Саратовас. Бакъоларъярхо цецъюьйлу махкал а арахьара блогерш тапъаьлла Iарна... Читать дальше...

Къилбаседа Кавказехь тIаьххьарчу дийнахь-буса коронавирусан уьнах велла 21 пациент, ун къаьстина 886 стагаца. Эпидемица къийсам латто вовшахтоьхначу оперативан штабан зерашца, Краснодаран кIоштахь кхелхина ковидах 6 стаг, Ставрополан махкахь а, Кхарачой-Чергазийчохь а велла кхоккха, Дагестанехь а, ГIебарта-Балкхаройчохь а, ГIалмакхойчохь а шишша, ГIалгIайчохь а, Адыгейхь а, Нохчийчохь а цхьацца дархо велла. Пандеми яьржичхьана верриг а Къилбаседа Кавказехь велларг ву 2 135 стаг. ТIаьххьарчу 24 сахьтехь динчу зерашца... Читать дальше...

Нисло, вай нохчийн дешан префикс (дешхьалхе) йохош, нийса ца олуш. Ларло оцу гIалатех, хуьлда уьш, масала, "хьа-", "схьа-", "чу-" я "тIе-".

Ниццехь уьрсаца тIелетта вевзаш воцу стаг. Францин хаамийн гIирсаша яздарехь, вийна кхо стаг. Цхьаннан корта баьккхина, яздо Reuters агенталло. КуьйгакIел нисвеллачу масех стагана чевнаш йина. ТIелеттарг лаца аьтто баьлла полицин. Цкъачунна хоуьйтуш дац, мила ву зуламхо. ГIалин мэро динарг терроран тохар ду аьлла. Антитерроран прокуратурано шен тергоне эцна дина зулам талла Iалашонца. Парижехь хьехархо Пати Самюэль вийна масех де даьллачул тIаьхьа хилла ду Ниццехь дина тIелатар. 47 шо долу историн а... Читать дальше...

Полицин полковникна дуьхьал гIуллакх долийна Адыгейхь: ши шо сов хан хилла цуьнан белхахо балха ца лелаш, амма шен-шен хенахь алапа оьцуш волу. Мехкан Талламан урхалло хаамбарца, 2018-чу шеран Стигалкъекъа-баттахь балха эцна хилла вуьйцу полисхо. ХIетахь дуьйна кху шеран Марсхьокху-батте кхаччалц балхахь гучуволуш ца хилла, йа цуьнан цIахь сацар балхаца доьзна а ца хилла. Делахь а, хIора баттахь алапа яздеш хилла цунна- дерриг а цо эцнарг ду 900 эзар сом. Хьалхо хьарамлонаш лелорца бехктакхаман гIуллакх даьккхина хиллера цунна дуьхьал. Читать дальше...

Герзаш детташ конфликт хиллачул тIаьхьа лаьцна, стаг верна бехке ву аьлла ОМОН-н тIемало Марзабеков Шамхан. "Коммерсанто" бо и хаам шайн хьосташна тIетевжина. Билгалдаккхарехь, кху беттан 27-чохь ТIехьа-Мартанан кIоштахь СОБР-н эскархошца хиллачу кхийсаршкахь лазийначу Марзабеков Шемалан ваша ву Марзабеков Шамхан. Талламчаша сацийна ницкъахо, амма цкъачунна къаьстина дац меллалц латтор волуш ву. Талламан урхалла йоцург а, гIуллакх талла тIеозийна Къилбаседа Кавказан гонашкарчу къоман гвардин комисси а... Читать дальше...