Новости за 20.10.2020

Яхначу аьхка Австрехь вийначу политикан эмигрантах Умаров Мамиханах (Венера Анзор) йисинчу Умарова Заремас дIахьедина, шена социалан машанашкахула кхерамаш тийсина ца Iа, тутмIаьжиг юьхьах йоллу цхьа стаг чугIиртина шен хIусамна, аьлла. Умаровас дийцарехь, кхерамаш тийса болийна цунна цо Кадыров Рамзане социалан машанашкахула дIахьедар динчул тIаьхьа – бутт хьалха зудчо видео яржийра Нохчийчоьнан куьйгалхо шен майра верна бехкевеш. "ГIадужу-беттан 9-чохь, делкъе хуьллуш, сан петара чу кхача гIиртира суна вевзаш воцу стаг... Читать дальше...

Парижехь вен а вийна, корта баьккхинчу историн хеьхархочунна Пати Самюэлна Францехь уггаре лакхара ларалучу Ларамечу Легионан совгIат дийр ду. Оцу хьокъехь хаам бина BFM телеканалехула Францин дешаран министра Бланке Жан-Мишела. Орденан командор (совг1атан мехаллин кхоалг1а дарж) лур ду Патина – веллачунна наггахь бен ца ло иза. "Халкъан дуьхьа валаро хьакъвина иза", – дIахьедина министра. СовгIат ден барам хир бу Парижан центрехь Сорбоннехь кхана, кхаарин дийнахь. Историн а, георграфин а хьехархо Пати Самюэл вийра пIераскана. Читать дальше...

24 пациент велла уьнах, керла црмгуш хилларг ву 719. Иштта бу Къилбаседа Кавказера официалан ковид-хаамаш тIаьххьарчу дийнахь-буса. Оперативан штабо бахарехь, уьнах исс стаг кхелхина Дагестанерчу дарбан хIусамашкахь, пхиъ – Краснодар-махкахь, виъ – Ставропол-махкахь, кхоъ – ГIалгIайчохь, шиъ - ГIебарта-Балкхаройчохь. Пандеми йолаелчхьана уьнах велла регионехь 1948 стаг. Мехкашкара дийнахь-буса а, юьхьанца схьа а цомгуш хилларш: Ставропол-мохк +174 (19250) ГIебарта-Балкхаройчоь + 108 (9098)... Читать дальше...

Шемара цIадалийна 27 бер дIасаделла гергарчаьрга, шиъ ду Нохчийчуьра; ГIалгIайчоьнан экономика кхиоран министр жоьпе озийна гергарчунна ахча яздарна; Оьрсийчоьнан эскарера 100 000 дарж дIадаккхар хьоьху финансийн министралло

Iарбийн мотт а Iамийна, Цхьаьнатоьхначу Iарбийн Эмираташка яхана, цигахь ахча а даьккхина, Оьрсийчу юхаян - иштта лааамаш бара Санкт-Петербургерчу студентан Шмидтке Екатеринин. 2009-чу шарахь Димаьшкъарчу Iарбийн меттан Институте деша тасаелира иза. Амма бакъду, маьршачу масех шерачохь мотт шар ца белира цуьнан. Iарбойн мотт бийца декхаре йира иза гIаттамхойн тIамо а, Шемарчу набахтено. Оьрсийн Свобода Радионо а, Настоящее Время телеканало а юкъахь йолийначу "Iарбийн буьйса. Оьрсийчуьрчу зударийн Шемара истореш" ("Арабская ночь. Читать дальше...

Ичкерин векалш нохчех дIа а хадош, царна неIалт кхайкхийра дукха хан йоццуш Нохчийчоьнан муфтийс Межедов Салахьа. Къоман цIарах оцу кепара дIахьедан бакъо юй цуьнан? – аьлла дара оха хIоттийна дIадаханчу кIиранан хаттар.

2021-чу шарахь интернетан мах 10% лакхабала мега пачхьалкхо цунна тIехь терго латторца а, сом кхечу валюташца дуьстича дайдаларца а доьзна. Иштта ду TelecomDaily агенталло зIенан опраторшка динчу хеттарша гойту жамI. Интернетах бахархой бузучу хьукматаша мах бестор бу бохучух тешна бу Оьрсийчуьрчу зIенан компанийн 86% векалш. 60% жоьпаш деллачарна хетарехь, и мах 10-15% лакахбер бу. Ткъа зIенан белхахойх уьтталгIа дакъа тешна ду и процент 20-не хьалагIур хиларх. Хеттаршна жоьпаш деллачара бахарехь... Читать дальше...

Белхан низам талхорна таIзар кхайкхийна ГIалгIайчоьнан экономика кхиоран министранна. Зудчо шен урхаллехь болх бечу гергарчу стагана дика болх барна луш долу ахча яздина хилла. Ца хаийтина цо шел лакхарчу хьаькаме гергарлонехь волчу белхахочунна ша совгIат дойла. "2020-чу шеран Товбеца-баттахь, прокуратуро таллам болийча бен ца бахьийтина цо лакхарчу урхалле ша совгIат деш хиларх лаьцна хаам. Цо ахча яздина цуьнан гергара стаг шен лаамца дIавалийтина даржера", - боху Оьрсийчоьнан Инарла прокуратурин пресс-векалто. Читать дальше...

Нохчийчуьрчу гергара нахе дIаделла Шемарчу Эл-ХIол лагерера Москва кхачийна хилла ши бер. Дагестане дIакхачийна – 17. Пензе – 4. Шишша – Кемеровон а, Волгоградан а мехкашка. Кху беттан 16-чу дийнахь тIеман министраллерчу кеманца уьш Москва схьакхачийна хилар хаийтира Оьрсийчоьнан берийн омбудсмено Кузнецова Аннас. Цо бахарехь, берийн рогIера тоба а ю Шемара Оьрсийчу дIайига гулъеш. Малхбалерчу тIемаш лаьттачу мехкашкара кIелхаьардоккхуш кху шерашкахь Оьрсийчу дIадигана 224 бер.

Финансийн министралло Оьрсийчоьнан эскаро ен харж лахъен некъ лехна. Оцу хьокъехь кечдина документ хьажийна цо пачхьалкхан Кхерамзаллин кхеташоне, хаам баржийна кехатийн копина тIе а тевжаш, "Известия" газето. ТIеман министраллин векалша даредина и документ шайга кхаьчна хилар. Харж яцъеш бечу хьехамашкахь хьалхарниг бу эскарера даржаш 100 эзарна лахдар – 10%. Оцу Iалашонца, финансисташна гарехь, дIадаха тарло белхахой боцуш деса лаьтта а, эшначу хенахь тIаме хьовсош боцчийн а даржаш: медикийн... Читать дальше...