Новости за 20.11.2019

ГIалмакхойн коьрта шахьарахь Элистахь мэр Iийна Намруев Вячеслав лаца магийна прокурораша, цо ша даржехь волуш нахера кхаъ эцарца йолчу шеконца. Хаам баржийна цунах лаьцна ГIалмакхойчуьрчу Талламан комитетан урхаллин пресс-гIоьнчалло кхаарийдийнахь. "Кхеле чуеллачу бехктакхаман материалашца а дузуш, изоляторе хьажийна Намруев», - аьлла ю информаци. Хаамехь бахарехь, Намруевца цхьаьна бехктакхаме озийна Элиста гIалин кхеташонан депутат Мальмаков Игор а – шен цIахь лаьцна латтор ву иза.

Оьрсийчоьнан Федерацин кхеташоно Нохчийчоьнан сенаторан дарже дIаэцна Ахмадов Мохьмад, дIахьедина Нохчийчоьнан куьйгалхочо Кадыров Рамзана. Пачхьалкхан гIуллакхехь дуккха а белхаш бина, шерашкахь къинхьегаман министр Iийна, алссам зеделларг долуш ву Ахмадов, боху Кадыровс ВКонтакте машанерчу шен агIонтехь. «Тешна ву, Мохьмад Исаевич жигара чувоьр ву Федерацин Кхеташонерчу балханна, Нохчийчоьнан хьашташка хьожуш, цунна боккха пайда бохьур бу цо цигахь. Ахмадов Мохьмадан кандидатурехьа хиларна... Читать дальше...

Латтанашна ревизи йийр ю Нохчийчохь, Полисхочунна урс деттарна – 6 шо, Мисарахь лецначу гIалгIайх (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Хьатташкара, хьаннашкара латта кара а эцна, цу тIехь дан леринарг кхочуш а ца деш бехачу хьолахошца ша бина хилла барт юхабаккха лерина ду Нохчийчуьра Iедал. И болх тIебогIучу беттан 15-чу дийнахь дIаболор бу, аьлла спикера Даудов Мохьмада министрашца, хьуьнан бахаман куьйгалхошца дIаяьхьначу кхеташонехь. Ялта, я даьхни шаьш кхиор ду, аьлла, латта кара а эцна, цунах, Iедалца бийцаребина а боцу пайда боккхучех лаьцна масалш далийра гулбеллачара. Латтанашна ревизи ян ша векалвинарг мехкан куьйгалхо Кадыров Рамзан а ву... Читать дальше...

Австрерчу «Нохчийн нанойн цхьаьнакхетаралло» (Netzwerk tschetshenischer Mütter in Österreich) Польшерчу Освенцим цIе йолчу концлагере экскурсе бигира Австрехь кхуьш болу нохчийн кхиазхой. Царна кхечу къаьмнаша шайн истори а, шайн къоман иэс а муха лардо гайтар яра проектан Iалашо. «Нохчийн нанойн цхьаьнакхетараллина» Iамо лаьара тIекхуьучу чкъуранна, шайн къомо лайна баланаш кхечу къоман нахе муха ларийта беза, къаьмнашна юкъахь лелачу уьйраша мел пайда бохьу. 14 шарера 19 шерашка кхаччалц хенаш йолуш дара Освенциме дахана нохчийн бераш. Читать дальше...

КъахIирехь лецна латточу гIалгIашна чохь бахко луш йолу хан дIаяхъяр луьстучу кхеле кхача бакъо яц Оьрсийчоьнан дипломатийн – иштта ду лецначех цхьаьннан дас, Аушев Мустафас, Оьрсийчоьнан арахьарчу гIуллакхийн министралле деллачу хаттарна дуьхьал кхаьчна жоп. ВоI лаьцначуьра мукъаваккхийта гIертачу дега дипломаташа аьлла, КъахIирехь лецна кхобучу гIалгIайн студенташна ( цаьрца ву Аушевн кIант) хьалхо чохь бахко яхйина хилла хан кхачало кху беттан 22-гIачу дийнахь. "Хьан воIца цхьаьна лаьцна... Читать дальше...

Материал вовшахтоьхнарг казахийн Азаттык Радио Азаттык Радиога Къоман Кхерамзаллан Комитето (КНБ) кхачийначу терахьашца, Иракъера а, Шемара а 277 зуда а, божарий а, 547 бер а цIа далийна. Ткъа и терахь мел а совъэккхаш ду, пачхьалкхан "Жусан" аьллачу леринчу операцица арабаьхначийн терахьца дуьстича. Кху карарчу заманчохь Шеман дозан тIехь 90 сов Казахстанан вахархо ву, шайлахь 63 процент зударий а болуш. Царех а 15 (ши борша стаг а цхьана) мухIажирийн каппашкахь а, набахтешкахь а сецош бу. Кхин а ялх зуда Иракъехь лаьцна ю. Читать дальше...

Москварчу Тверь-кIоштан кхело набахтехь 6 шо даккхийта сацам бина 18 шо долчу нохчочунна Бериев Илесна, хаамбо "Кавказ.Реалиино". Иза бехкевина Москвахь Словакин векалтна уллехь полицин белхахочунна тIе а летта, урс деттарна. Ткъа 9 шо дара Бериевна прокуроро «дехнарг». 2018-чу шеран аьхка Москварчу 1-ра Брестская урамехь, полисхочунна ша урс диттича, оцу меттера ведда хилла кIант, кара а вина, гергарчара дIавеллера Iедале. «Низам лардечу хьукматан белхахочунна дахарна тIекховдар» олучу бехкаца жоьпе озийра Бериев. Читать дальше...

Шинарийдийнахь Оьрсийчоьнан Пачхьалкхан Дума реза хилла «арахьарчу мехкийн агентех» долу низам шордан, адамаш а даха «агентийн» могIара. Масала, «арахьарчу мехкан  агент» шайх олуш хир бу журналисташ а, интернетехула хаамаш баржош болу блогерш а, проект низаме яьлча. Кхечу пачхьалкхерчу хаамийн гIирсашкара я дуьненаюкъарчу хьукматашкара «ахча я кхин хьал» а оьцуш, информаци яржош верг воккху оцу проекто «арахьарчу мехкийн агентийн» могIара. Думин информацин политикехула, информацин технологешкахула... Читать дальше...