Новости за 08.11.2019

Кремло бехказваьккхина Кадыров, артистийн кочабахар, ингалсхо нохчийн зударшка вистхилар.

ХIуман билгало (бос, чам, куц, иштта дIа кхин башхаллаш а) гойтучу дашах олу билгалдош.

Гафурова Марият Ша урхалла дечу пачхьалкхо къаьмнийн меттанаш лечу кхачийнехь а, оьрсийн маттах сагатдо Оьрсийчоьнан президента «Оьрсийчоьнан меттан кхеташонехь» шинарийдийнахь къамелдеш Оьрсийчоьнан президента Путин Владимира гезбехира «оьрсийн маттаца «тIом беш хьийза», «хьехаш чуьра русофобаш» а, «маргиналаш» а. "Вайна го, леррина, ас къасттийна боху, маьттаза, дукха хьолехь, эхь ца хеташ, оьрсийн меттан аре гатъян гIертарш. Мотт аратаса гIертарш. Хьехаш чуьра русофобаш хилла ца Iа оьрсийн маттаца тIом бийраш ... Читать дальше...

Терроризмна ахча латтийна аьлла, бехкейина лаьцна Дагестанехь ши зуда, хаамбина "Кавказ.Реалии" портале Талламан комитетан зорбанчаша. Полисхойн версица, интернетехула Шемахь тIемаш бечу "Исламан пачхьалкх" шех олучу тобанан декъашхошца уьйраш тасаелла хилла цушиннан. "Радикалан хьежамаш болуш, царна тIетайначу  шина зудчо террорхойн организацина ахчанаш латтош хилла", - аьлла ю Талламан комитетан информаци. Шаьшиннан банкан картанех пайда а оьцуш,  390 эзар сом вовшахтоьхна хилла цара. Дерриг... Читать дальше...

Филиппович Екатерина Стенна туьйсу Кадыров Рамзана "сий бехдечарна" кхерамаш? Ишта хаттар дира "Кавказ.Реалиино" эксперте «Грозный» телекомпанино кху деношкахь шен хаамийн программехь Нохчийчоьнан куьйгалхо Кадыров Рамзан гайтира интернетехула шен а, шен гонан а «сий бехдечарна» лоьш. «Эладитанаш даржораш», «маьттаза хIуманаш яздийраш» хIалакбан беза, бохура цо. (Кхузахь а лахахь а Кадыровн къамел ма-дарра довзуьйту редакцино). "Барт галбоккхуш лелаш йолу хIуманаш юккъехь, питанаш, эладитанаш... Читать дальше...

Ингалсан пачхьалкхера Нохчийчу кхаьчначу туристо-блогеро Бенжамина шена гечдар дехна Нохчийчуьрчу зударшка. Дукха хан йоццуш Нохчийчоьнан хазаллех дуьйцучу хенахь, поездан купечуьра дийца волавеллера иза. "Со тешна ву, цкъа мацца а цхьана сарахь, цхьахйолчу социйлехь, кху поезда хиъначу нохчийн йоIа хIара чоь соьца йоькъур ю аьлла. Романтикаллин чиркхаш латор ду ас. Салам Iалайкум, йиша, луур дарий хьуна соьца цхьана "Балтика 7" дIамала?", - олу цо шен социалан аккаунтехь Iораяьккхинчу ролик тIехь. Читать дальше...

ГIалгIайчуьрчу юстицин министралло республикан Лакхарчу кхеле кехат дахьийтина, "ГIалгIайн къоман тайпанийн Кхеташо" дIакъовла аьлла. "Медиазона" хьостано Iорабаьккхина и хаам. Шаьш хьалхо дIанисде аьлла, тIедехкина кхачамбацарш нисдина дац, цундела министралло тIедожийна тайпанийн Кхеташо пачхьалкхан реестр юкъара а дIаяккха аьлла. Кху шеран Стигалкъекъа-баттахь Оьрсийчоьнан юридикан министралло гIалгIайн тайпанин Кхеташонан болх юкъахбаьккхира. Организацин векалш тешна бу, Халкъан гуламан депутаташка... Читать дальше...

Читана гергарчу тIеман декъехь шеца цхьана гIуллакх деш хилла бархI стаг вийна Шамсутдинов Рамиль Москва хьажор ву психиатрин экспертизех чекхваккха. КIентан дега Шамсутдинов Салиме бина цунах хаам талламчас. "1,5 баттана экспертизех чекхваккха хьажор ву иза", - аьлла, дийцина Шамсутдиновс 72.RU сайте. Мича бахьанашца карзахваьккхина хилла салти къастор ду экспертизан жамIаша. Дас дийцарца, пIераскандийнахь Рамилца цхьанакхетар волуш ву цуьнан ваша Риян. Цул тIаьхьа доьзал шаьш дехачу Вагай юхабоьрзур бу. Читать дальше...

Махкарчу културан урхаллашца а, хьукматашца а дIадаьхьначу цхьанакхетарехь синбахамаллин министро Дааев Хож-Баудис дийцаредина иллиалархойн хотIах а, репертуарах а. "Инстаграмехь шайн дахарера суьрташ а, видеош а, комментареш а зорбане йохучу заманчохь нохчийн этика ларъеш хила. Културан белхахочо тидам бан беза ша нахала йоккхучу контентан, хIунда аьлча, къоман синбахамаллин векалш хиларе терра, цара масала гойту тIекхуьучу тIаьхьенна", - аьлла министро. Ишта декхаребина нохчийн артисташ, шаьш дIаала кечдинчу иллийн тексташ йийцареян а. Читать дальше...

Социалан машанашкахь стаг аьшнашвеш комментареш юьту нах совцо беза "байина а, чубоьхкина а, кхерийна а" бохуш, Нохчийчоьнан куьйгалхочо Кадыров Рамзана бина кхайкхамаш хезна бац Кремлна аьлла, дIахьедина Оьрсийчоьнан президентан пресс-секретаро Песков Дмитрийс. "Новости" агенталло яздо цунах лаьцна. Оьрсийн Би-би-си-но Iорадаьхна цуьнан дешнаш толлур дуй аьлла, журналисташа хаьттича: "Би-би-син хаамаш юьхьарэцна, хIуммаъ дуьйцийла дац", - аьлла Песковс. Кадыровс динчу къамелан оригиналаш шена гина яц аьлла, тIе а тухуш. Читать дальше...

Шемин къилбаседа декъерчу набахтеш чохь воллу «Исламан пачхьалкх» шех олучу тобанехь хилла 12 эзар стаг. Набахтешна тIехьожучу курдойн тIемалоша дийцарехь, тутмакхашлахь шемахой, иракъхой хилла ца Iа – бу 54 пачхьалкхера нах. Ши кIира хьалха Франс-Пресс агенталлин корреспонденто цигарчу цхьана набахтехь даьхна хIара сурташ.