Новости за 16.11.2019

Гуларехь арахецна кехаташ яздина Нохчийчоьнан а, Дагестанан а имама Шемила 1836-1886 шерашкахь. Iаьрбийн маттара уьш гочдина Оьрсийчоьнан Iилманан академин Дагестанерчу талламан центран белхахочо Шехмагомедов Мохьмада, яздо Кавказ.Реалиино.   Книга хIоттийнарг ву Дагестанан халкъан поэт Гамзаев Мохьмад. Цо дийцарехь, зорбане даьхнарш доцурш кхина а арахеца кечдина ду имам Шемилца доьзна 200 кехат.

Instagram-хь сурташ даьржина ГIалгIайчохь маьждигехь ахча лачкъийначу стеган. Цу постан авторо чIагIдарехь, къола дина Несар-Коьртахь. Цунах лаьцна хаам бо "Регион online" сайто. "ХIокху сурта тIехь долчу "адамо" ахча лачкъийна жимачу баьццарчу маьждиган кассера… Ахча юхадерзо хан ю хьуна, Лахьана-беттан 19-гIа де чекхдаллалц. Цхьа а воцчу хенахь, хьой къола дан веана ма хиллара юха а волий, оццу кассана чукхосса юханехьа (ахча). Тхо хьовсур ду цу чу 20-хь, нагахь ахча ца хилахь Интернетехь видео гучуяларе хьоьжуш Iе"... Читать дальше...

Оьрсийчоьно дIалур ду Керчан хидоькъенхь ша дIалаьцна Украинин тIеман хIордан 3 кема. Иза хир ду ГIуран-беттан 9-хь хила езаш йолу «Нормандин виъ декъашхо» олучу, Германи, Франци, Оьрсийчоь, Украина юкъайогIучу пачхьалкхийн вовшахкхетараллан саммит хилале.   2018-чу шарахь Лахьанан-баттахь Оьрсийчоьнан дозанхоша нуьцкъала дIалецира Керчан хидоькъенехула Азовн хIорда кхача гIерташ долу украинахойн "Бердянск" а, "Никополь" а катерш а, ткъа иштта "Яна Капа" бурам текхо кема а. Оьрсаша дIалаьцнера 24 Украинин эскархо - цу кеманийн экипаж. Читать дальше...

ТIаьхьарчу дийнахь-бусий 2 некъан хьовзам хилла Нохчийчохь, цхьа стаг а вуьйш, 7 стаг а лазош. Цунах лаьцна хаам бина чоьхьарчу гIуллакхийн министраллан меттигерчу урхаллан зорбан сервисо.   Иштта, Соьлж-ГIалара Шуьйта боьдучу некъа тIехь тIеттIакхетта ВАЗ ши машен. Цу бохамехь вийна 34 шо долу машенлелорхо. Вукха машенна урхалла деш хилла стаг а, кхин а 3 некъахо а охьавиллина дарбанан хIусаме. Кхин цхьа некъан хьовзам хилла Соьлж-ГIалахь 3 стаг а лазош - шина машенна хьалха хиъна хилла ши стаг а, некъахо а.

Нохчийчоьнан куьйгалхочо Кадыров Рамзана ша телефон тухур ю аьлла Москварчу дизайнере Лебедев Артемийга, цо шен видеокхайкхамехь шена йинчу критикана жоп луш. "Соьга телефон туьйхира пресс-секретаро Каримов Iаьлвис, ткъа охашимма барт бира маца къамел дийр ду ас Кадыров Рамзанца", - хаам бина Лебедевс RTVi-н YouTube-каналехь "На троих" программехь, яздо Инфо24 сайто.   Дизайнеро дийцарехь, нохчийн хьалханча "дуьххьара хуьлуш вац микрофонан хьалха", цунна карор хир ду шена йинчу критикина дал жоп. Читать дальше...

Мексикера Цхьаьнатоьхначу Штаташка кхача гIоьртина Оьрсийчоьнан махкахочун чов йина Iамеркан дозанхочо. Инцидент хилла Аризона штатехь кху беттан 14-чу дийнахь, амма хаам бина цунах тахана. Цу хаамехь билгалдоккхуш ду ша схьалоцуш оьрсий дуьхьало ян гIоьртина хиларх лаьцна. Техас штатерчу Оьрсийчоьнан консульство бинчу хаамца, чов хиллачу стеган цIе ю Глущенко Евгений. Цуьнан ду 37 шо.   ТАСС агенталло Аризона штатан Iедалшна тIе а тевжаш дийцарехь, и стаг лерринчу центрехь латтийна хилла стохка Гезгмашин-баттахь дуьйна... Читать дальше...

Украинин кхерамазаллин сервисо дIахьедина, Киевна гергахь "Исламан пачхьалкх" тобан хьалханчех цхьаъ волу Шишани Ал Бара лаьцна шаьш аьлла. "Украинин кхерамазаллин сервисо а (СБУ), Гуьржийчоьнан чоьхьарчу гIуллакхийн министралло а (МВД), Iамеркан Коьртачу талламан урхалло а (ЦРУ) цхьаьна дIаяьхначу операцехь Киевн кIоштахь лаьцна "Исламан пачхьлкх" терроран вовшахтохараллан коьртачу куьйгалхойх цхьаъ", - аьлла ду СБУ-н хаамехь.     Дийцарехь, Шишани "Исламан пачхьалкхан" декъашхо хилла 2012-чу шарахь дуьйна. Читать дальше...

Иттаннаш миллионаш сом ахча лачкъийна хилар гучудаьлла Нохчийчохь тIеман дакъош кхуллуш Къилба тIеман гонан прокуратурина. Талламхоша къасторца, гIишлош яран вовшахтохаралло алсамбохуш хилла ша бинчу белхан барамаш, ткъа иштта лелош хилла бу аьллачул а лахара мах болу коьчаллаш, яздо "Коммерсанто".   Газетехь болчу хаамашца, цу кепара Пятигорскерчу "ООО 419 УНР" цIе йолчу гIишлошъяран вовшахтохаралло зен дина пачхьалкхана 35 миллион сом барамехь. Курхалла лелорна бехкатакхаман гIулллакх долийна прокуратуро.