Новости за 10.11.2019

Оьрсийчоьнан дехарца украинхойн жигархо, Лакхарчу Радас адамийн бакъонаш Iалашъян векал йинчун секретариатан белхахо Мазур Игорь дIалаьцна Польшехь. Украинан официалан хьосташа бина цунах хаам. Донбассехь лаьттинчу тIемийн ветеран, нациналистийн УНА-УНСО (Оьрсийчохь йихкина ю) организацин цхьахволу лидер Мазур бехкево 1990-чу шерашкахь Нохчийчохь гIаттамхойн агIонехь тIемаш бина ву аьлла. Украинан чоьхьарчу гIуллакхийн министро Аваков Арсена дIахьедина ишта. Бух боцуш долийна гIуллакх ду аьлла... Читать дальше...

Зазадоккху-баттахь Магасехь митингехь латтарна лецначу гIалгIайн ЦIен жIаран куьйгалхочун Мальсагов Мусан а, "Опора Ингушетии" боламан хьалханчан Чемурзиев Барахан а адвокаташа Европан кхеле латкъамбина, церан бакъонаш йохорах. Чукхачийначу арз тIехь билгалдаьккхина, лецначийн маршонан а, нийса гIуллакх листаран бакъонаш а ларйина цахиларх. ГIалгIайн жигархой леца болийра Зазадоккху-беттан 26-чохь Магасехь митинг хIоттийначул тIаьхьа. Оцу гуламехь полисхошца дуьхь-дуьхьал беттабеллера митингой. Читать дальше...

Берлинан пен охьахарцийна 30 шо кхачар даздеш барамаш дIахьош бу Беринехь. Юккъерчу а, Малхбалерчу а Европехь коммунистийн режимаш йохийна, Германи а, йоллу Европа а вовшахтохаран символ хилла дIахIоьттина и хилам. Германин канцлеро Меркель Ангелас шен къамелехь билгалдаьккхира, Европа кхоьллина мехаллаш - маршо, демократи, бахархошлахь нийсо, адамийн бакъонаш ларар хилар. Германин президенто Штайнмайер Франк-Вальтера баркалла элира Юккъерчу а, Малхбалерчу а бахархошна, Малхбалерчу Германин бахархошца... Читать дальше...

Росстатан зерашца, йоллу пачхьалкхерчу 4 регионехь бен алсам дац божарийн терахь. Оцу рейтингехь нисъелла Нохчийчоь а, 49 процент бу цигахь боьрша нах. Ишта ю цу тептарехь Ханты-Мансийскан Автономин а, Ямало-Ненецкан гонаш а. Йисинчу регионашкахь 6-10 % сов бу зударий. ГIалгIайчохь 47 процент бу стегарий. Божарий ца тоьа Ярославскан, Ивановскан, Тульскан, Новгородскан кIошташкахь а, Санкт-Петербургехь а.

Шоьтан буса Шела-кIоштарчу Жимчу-АтагIахь Госхозная олучу урамерчу гIишло чохь эккхийтар хилла. Цу чохь дIатаръелла хиллачу фельшерийн амбулаторан пунктан пепнаш охьаэгна. Болчу хаамашца, лазийна, велла стаг вац.   Эккхийтар хиларан бахьанаш толлур долуш ду. "Комсомольская правда на Северном Кавказе" хьостано Нохчийчуьрчу орцан министраллехь къасторца, тарло цу гIишло чохь газ иккхина хила а.