Новости за 02.11.2019

Хьалхара ло даима а догIу "дагахь а доцуш". Амма кхушара Нохчийчохь дуьххьара деана ло ду алссам, комаьрша охьадиллина. Бакхийчарна Iаьнан белхаш тIеэгнехь а, берашна ло бу боккха кхаъ.

ГIалгIайчуьрчу полицин «Э» центран куьйгалхо Эльджаркиев ИбрахIим шоьтан сарахь Москварчу Тропарево-Никулино кIоштахь. Оцу хьокъехь баьржина хаам тIечIагIбина ТАСС а, «Интерфакс» а агенталлийн хьостанаша. Baza портало дийцарехь, машенахь веана киллер Эльджаркиев волчу метте, герз диттина цунна а, цуьнца хиллачу кхин а цхьанна а. Велла ший а. Цкъачунна йолчу информацица, «Э» центран буьйранчица Эльджаркиевца цхьаьна вийнарг хила тарлуш ву  цуьнан ваша. Киллер лохуш ю Москвара полици.

Кхарачойн къам махкахдаьккхина 76 шо кхачарца боьзна барамаш бу боьлхуш Кхарачой-Чергазийчохь. Тезетан барам хIоттийра бахархоша Карачаевскехь, бохам дагалоцуш хIоттийначу мемориалан хIолламна гергахь. Бахархошна хьалха вистхиллачу мехкан куьйгалхочо Темрезов Рашида элира, «депортацин политикехь дара, нах юуучух, цIийнах баьхна ца Iаш, адамийн бакъонех а бахар». "Тахана а хала ду хIра терахь дало: 22 эзар бер делла къам махкахдаккхар бахьана долуш, делла церан а, кхечу доьзалийн а дай Даймехкан тIамехь оьгучу юкъанна», - бохура Темрезовс. Читать дальше...

Ирландерчу ММА-латархочунна Макгрегор Конорна 1000 евро гIуда тоьхна кхело, цо ахшо хьалха Дублинерчу цхьана паб чохь дов а даьккхина, шел дуккха а воккхачу стагах  латарна. Хьалхо спортхочо къерахиллера шегара даьллачу зуламна. Кхело ларамбина цо тоьхнарг цунна дуьхьал тоьшаллаш дан ца хIоттар а, иза ша динчух дохковаьлла хилар а. Дов иккхинера бIаьста, Макгрегора шен цIарх дина виски довзуьйтуш барам хIоттийначу паб чохь. И малар мала дуьхьалхиллера цхьа воккха стаг, ткъа оцу бахьаница дов даьлча... Читать дальше...

КIира хьалха вийначу шен лидерах ал-БагIдади Абу Бакрах бисина меттиг «Исламан пачхьалкх» шех олучу тобано белла ал-Къураши ал-ХIашеми Аби ИбрахIиман кара, яздо The Washington Post газето. Керла куьйгалхо хаьржина ДАIИШ-ан Консультативан кхеташоно ал-БагIдади кхелхинийла хиинчул тIаьхьа, боху WP тIетевжинчу аудионо. Терроризмна дуьхьаллаьттачу эксперташна хетарехь, керлачу лидеран цIе псевдоним хила тарло. Гарехь, ХIашеми – иза даIишхоша шайлахь тиллина цIе ю, хаамбина ВВС радионо. ДАIИШ-ан керлачу куьйгалхочух кIезиг ю информаци ... Читать дальше...

Вехха цомгуш Iийначул тIаьхьа, Австрин коьртачу шахьарахь Венехь кхелхина вевзаш волу нохчийн бакъоларъярхо Банжаев Ваха. «Фильтрацин лагерийн тутмакхийн юкъаралла» кхоьллина жигархо вара иза. Банжаев Ваха гоьвелира Нохчийчохь оьрсийн-нохчийн хьалхара тIом боьдуш. 1995-чу шарахь, шен эзарнаш махкахой а санна, Оьрсийнчоьнан эскархо лаьцна Iийра иза. Ша фильтрацин лагерера араваьлча, дуьненан прессехула цо хаийтира нохчашка Оьрсийчоьнан эскарша хьоьгуьйтучу Iазапах, ечу гIелонех лаьцна. Массийтта фильм ю Банжаевх лаьцна яьккхина. Читать дальше...

Соьлж-ГIалахь, Талламан комитетехь, кхаа сахьтехь левина Кадыров Рамзанан маьхчин воI, Iедалан даржашкара мукъаваьккхина волу Кадыров Ислам. Оцу хьокъехь хаамбина «Грозный» телеканало, видео яржийна "Чп /Грозный" телеграм-канало а селхана сарахь. Йолчу информацица, Талламан комитетан республикерчу урхалле цо официалехь тIекхайкхарца вахана Кадыров Ислам. Бахьана ду ша Нохчийчоьнан коьртачу щахьаран мэр волчу заманахь цо электрошокерца зударшна ток етташ, гIалин бахархошца къиза хьийзаш яьккхина видео мехкан телевигойтийло йовзийтар. Читать дальше...