Нохчийчохь коррупци яц аьлла статисташа
Карарчу шарахь Оьрсийчохь коррупци бахьана долуш 217 хьаькам даржера вохийна аьлла, хааме даьккхина тешам барца дIабаьхьначу пачхьалкхан белхахойн реестрна тIе а тевжаш "Би-би-си-но". И тептар вовшахтухург ю оьрсийн президентан аппарат.
Тептар дуьзна чоьхьарчу гIуллакхийн министраллан белхахоша а, тIеман дакъойн куьйгалхоша а, кIоштийн хьаькамаша а, депутаташа а. КIезиг бу цу тIехь билгалбаьхна федералан лаккхара даржахой.
Реестран хаамашца, коррупци яьржина Тюменан, Свердловскан кIошташкахь а, Москохахь а, Кубанехь а, ГIирмехь а, Петарбухахь а.
Нохчийчохь коррупци яц ала мегар ду боху бинчу талламаша.