Новости за 30.07.2021

(Казан, 30 июль, «Татар-информ», Гөлнар Гарифуллина). Төмән өлкәсе татар иҗтимагый оешмаларының координацион советы рәисе, Бөтендөнья татар конгрессының Төмән өлкәсендәге вәкиле Ринат Насыйров фикеренчә, Татарстан башка төбәкләр белән яңа элемтә корырга тиеш. Ул «Татар-информ» агентлыгында матбугат конференциясендә бүген Татарстан белән мөнәсәбәтләр юридик, икътисади яктан ныгытылмаганын әйтте. «Төбәк мәгарифне үстерү институты килә монда, ләкин консультатив орган буларак кына. Икътисади бәйләнмәгәч эшләп булмый бит. Читать дальше...

(Казан, 30 июнь, «Татар-информ», Гөлүзә Ибраһимова). «Фестиваль» бульварында «Массакүләм матбугат чаралары» урамы фестивале оештырылды. Фестивальдә «Татмедиа» басмалары, татарча китаплар, радио, телевидение эшчәнлеге белән танышырга була. Анда шулай ук туклану нокталары эшли, балалар өчен мастер-класслар үткәрелә. Бәйрәмне Илмир Ямалов алып бара. «Мондый чаралар бик кирәк дип уйлыйм. Үзем өчен бик күп яңалык белдем, мәсәлән, "Китап" радиосы турында ишеткәнем булса да, анда кемнәр эшләгәнен белми идем, алар белән таныштым. Читать дальше...

(Казан, 30 июль, «Татар-информ», Гөлнар Гарифуллина). Татарстанда себер татарлары мәдәнияте көннәре узарга мөмкин. Төмән өлкәсенең «Яшь буын» яшьләр татар оешмасы рәисе Фәрит Корманов «Татар-информ» агентлыгында матбугат конференциясендә себер татарларының дәрәҗәсен күтәрәсе иде, дигән теләген җиткерде. Себер татарлары мәдәнияте көннәре әлегә төгәл кайчан узачагы билгесез, әлегә төп сөйләшүләр булмаган, үзләре көз булыр дип ниятләп торалар. «Күп кенә талантлы яшьләребез бар. 4-5 укучыбыз Казанда укый. Читать дальше...

(Казан, 30 июль, «Татар-информ», Рифат Каюмов). Татарстан Фәннәр академиясе президенты Мәгъзүм Сәлахов археолог, академик Фаяз Хуҗинга Татарстан Фәннәр академиясенең «Фәндәге казанышлары өчен» алтын медален тапшырды. Алтын медаль академиянең иң югары бүләге санала. «Без сезне күренекле галим, публицист, фән популяризаторы буларак беләбез. Татарстан археология фәне сезнең фәнни казанышларыгыз белән горурлана. Фәнни дөньяда сез урта гасыр археологиясе өлкәсендә күренекле белгеч буларак киң танылган. Читать дальше...

(Казан, 30 июль, «Татар-информ», Эвелина Киселева). Татарстанда өлкәннәрнең 27 проценты Covid-19 коронавирусына каршы вакцинация узды. «Татарстанда өлкәннәрнең якынча 27 проценты вакцина ясаткан», — диде «Татар-информ» мәгълүмат агентлыгында узган матбугат конференциясендә Татарстан сәламәтлек саклау министры урынбасары Владимир Жаворонков. Министр урынбасары сөйләгәнчә, хәзер төбәктә планлаштырылган 60 проценттан да артыграк кешегә вакцина ясарга тырышалар. Россия Кулланучы хокукларын яклау һәм... Читать дальше...

(Казан, 30 июль, «Татар-информ», Полина Шевчук). Казанда Finiko финанс оешмасына нигез салучыларның берсе — Кирилл Доронинны тоткарладылар. Билгеле булганча, Татарстан буенча Эчке эшләр министрлыгының Икътисади иминлек һәм коррупциягә каршы көрәш идарәсе оперативниклары аны бүген берничә сәгать элек тоткарлаган. Агентлык мәгълүматлары буенча, Кирилл Доронинны министрлыкның Губкин урамындагы Баш тикшерү идарәсенә сорау алуга чакыртканнар һәм шул вакытта тоткарлаганнар. Узган елның декабрь аенда... Читать дальше...

(Казан, 30 июль, «Татар-информ», Эвелина Киселева). Казанда мәдәният йортларында һәм мәдәни үзәкләрдә сынау режимында коронавирустан вакцинация пунктлары эшли башлады. «Без өстәмә вакцинация пунктлары ачабыз. Бүгеннән Казан шәһәрендә өстәмә вакцинация пунктлары эшли башлый. Ленин исемендәге мәдәният йортында, «Мәскәү», «Залесный», «Сәйдәш» мәдәни үзәкләрендә андый пунктлар сынау режимында эшли», — дип сөйләде Татарстан сәламәтлек саклау министрының урынбасары Владимир Жаворонков. Владимир Жаворонков сүзләренчә... Читать дальше...

(Казан, 30 июль, «Татар-информ»). Татарстан Президенты Рөстәм Миңнеханов бүген Казан федераль университетының лаборатория корпусларын карады. Аны КФУ ректоры Илшат Гафуров озата йөрде. Республика җитәкчесенең матбугат хезмәте хәбәр иткәнчә, башта Татарстан Президенты Геология һәм нефть-газ технологияләре институтының лаборатория корпусында булды. Биредә нефть һәм газ-конденсат ятмаларының геологик-гидродинамик модельләрен булдыру, ятмаларны эшкәртүгә мониторинг ясау, нефть-газ өлкәсендә нейрочелтәр алгоритмнарын булдыру һәм куллану... Читать дальше...

(Казан, 30 июль, «Татар-информ», Гөлнар Гарифуллина). Төмән өлкәсе татар иҗтимагый оешмаларының координацион советы рәисе, Бөтендөнья татар конгрессының Төмән өлкәсендәге вәкиле Ринат Насыйров фикеренчә, Төмәндә себер татар телен факультатив итеп кертергә, ә әдәби татар телен ФГОС (федераль белем бирү стандартлары) буенча көчәйтергә кирәк. Аның сүзләренчә, себер татар теле өчен борчылырга кирәкми. «Алар телләрен безгә караганда яхшырак саклый, авыл җирендә себер татарлары туган телләрен белә, ә әдәби тел буенча проблемалар арта»... Читать дальше...

(Казан, 30 июль, «Татар-информ», Гөлнар Гарифуллина). Төмән өлкәсе татар иҗтимагый оешмаларының координацион советы рәисе, Бөтендөнья татар конгрессының Төмән өлкәсендәге вәкиле Ринат Насыйров җанисәп нәтиҗәләре буенча себер татарлары кимемәс дип фаразлады. «Гомумән, татарлар шул санда калачак», — диде ул «Татар-информ» агентлыгында матбугат конференциясендә. «Төмән өлкәсендә Ямал, Ханты, Төмәндә 350-360 мең татар яши, шул исәптән — 60 меңнән артык себер татары. Иң күп татарлар шушында яши. Ул сан барыбер Хөкүмәт теләгәнчә булыр инде»... Читать дальше...

(Казан, 30 июль, «Татар-информ»). Татарстанда беренче миллион тонна ашлыкны җыеп алганнар. 30 июльгә 1 129 168 тонна ашлык суктырылган. 676 194 гектардан уңыш җыеп алынган. Республика буенча гектардан уртача уңыш 16,7 ц тәшкил итә. Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр иткәнчә, һава шартлары начар булуга карамастан, Татарстан хуҗалыклары эш темпларын киметми. Уңдырышлылык буенча Тукай районы алда бара — анда уңыш гектарыннан 24,1 ц тәшкил итә. Муниципалитет... Читать дальше...

(Казан, 30 июль, «Татар-информ», Гөлнар Гарифуллина). Төмән өлкәсе татар иҗтимагый оешмаларының координацион советы рәисе, Бөтендөнья татар конгрессының Төмән өлкәсендәге вәкиле Ринат Насыйров татар теле укытучыларының дәрәҗәсе түбән булу проблемасын күтәрде. «Татар-информ» агентлыгында матбугат конференциясендә ул онлайн режимында катнашты. «Татар теле укытучысына түләү тарифлары, башка фән укытучыларына караганда, 25 процентка кимрәк. Авылда татар теле укытучысы дәрәҗәсе бүтән укытучыга караганда түбәнрәк. Читать дальше...

(Казан, 30 июль, «Татар-информ», Эвелина Киселева). Татарстанда белем көнендә мәктәп линейкалары һәр сыйныф өчен аерым ачык һавада узачак. Төрле сыйныфлар һәм бигрәк тә мәктәпләр катнашында уртак массакүләм чаралар тыела. «Роспотребнадзорның таләпләре узган елгыга охшаш. Бу - 1 сентябрьдә ачык һавада сыйныфлар яисә параллельләр буенча бәйрәм чаралары уздыру. Ата-аналар шәхси саклану чараларын кулланырга тиеш», — дип сөйләде «Татар-информ»да матбугат конференциясендә Россия Кулланучы хокукларын яклау... Читать дальше...

(Казан, 30 июль, «Татар-информ»). 2023 елның 1 гыйнварында Россиядә яңа үрнәктәге хезмәт кенәгәләре кулланыла башлаячак, әмма элеккегеләрен дә кулланырга мөмкин булачак. «2023 елның 1 гыйнварыннан Россиядә яңа үрнәктәге хезмәт кенәгәләре кулланыла башлаячак. Бу карарны хөкүмәт рәисе Михаил Мишустин имзалады», дип хәбәр итә Россия Министрлар Кабинеты хәбәренә сылтама белән РИА Новости. Шул ук вакытта хезмәткәрләр элеккеге хезмәт кенәгәләрен файдалана алачак, дип билгеләп үтелә. Бу эш бирүчеләрдә... Читать дальше...

(Казан, 30 июль, «Татар-информ»). Алтай крае Углов районы Бөкер авылында татар мәдәнияте музее ачылды. Бөтендөнья татар конгрессы матбугат хезмәте хәбәр иткәнчә, бөтен экспонатларны клуб хезмәткәрләре һәм авыл халкы бик озак һәм җентекләп җыйды. Анда Алтай крае татарларының көнкүреш һәм традицион мәдәниятенең уникаль предметлары тәкъдим ителә. Музей авыл клубында урнашкан. «Бу вакыйгага өч ел әзерләндек. Бөкер авылында музей ачылу — якташларыма чиксез хөрмәт күрсәтү», — дип сөйләде авыл клубын оештыручы Рәшит Мөселманов.

(Казан, 30 июль, «Татар-информ»). 29 июль көнне Башкортстанның Стәрлебаш шәһәрендә мәгърифәтче, дин әһеле, Уфа губернасыннан Россия империясенең 2 нче һәм 3нче чакырылыш Дәүләт Думалары әгъзасы Мөхәмәтшакир Тукаевның һәйкәле тантаналы рәвештә ачылды. Бөтендөнья татар конгрессы матбугат хезмәте хәбәр итүенчә, һәйкәл Ягафәр Хисаметдинов һәм Хисаметдин Исмәгыйлевләрнең көче белән эшләнелде. Бөтендөнья татар конгрессының Башкарма комитеты җитәкчесе урынбасары Илгиз Халиков һәм Бөтендөнья татар конгрессының... Читать дальше...

(Казан, 30 июль, «Татар-информ»). Covid-19 коронавирусының дельта-штаммын йоктырганда авыру озакка сузыла, ә инкубация чоры, киресенчә, кыскара. «Яңа штамм инкубация чоры срогына төзәтмә кертте — ул кыскарды, ә авыру, киресенчә, озакка сузыла, чөнки инфекция авыр уза», — диде Россия Фәннәр академиясенең мөхбир-әгъзасы, Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Эпидемиология үзәк фәнни-тикшеренү институты директорының фәнни эш буенча урынбасары Александр Горелов. Читать дальше...

(Казан, 30 июль, «Татар-информ»). Бүген ТР Хөкүмәте Йортында Татарстан Президенты Рөстәм Миңнеханов Үзбәкстан делегациясе белән очрашты. Бу хакта республика җитәкчесенең матбугат хезмәте хәбәр итә. «Әңгәмә барышында сәүдә-икътисади хезмәттәшлекне үстерү һәм агросәнәгать өлкәсендә уртак проектларны гамәлгә ашыру мәсьәләләре каралды», - дип билгеләп үтелә матбугат хезмәте хәбәрендә. Татарстан ягыннан очрашуда шулай ук Татарстан Республикасы Премьер-министрының беренче урынбасары Рөстәм Нигъмәтуллин... Читать дальше...

(Казан, 30 июль, «Татар-информ», Полина Шевчук). Массакүләм мәгълүмат чараларында Казанның Чуйков урамында өч яшьлек баланың люк астына төшеп китүе турында хәбәр чыкты. «Татар-информ» агентлыгына Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр иткәнчә, өч яшьлек бала әтисе белән бергә ишегалдында йөргән. Бала люк капкачына баскан. Ата кеше улына анда уйнамаска кушкан, әмма бер мизгелдә люк капкачы әйләнгән һәм бала төшеп киткән. Ата кеше шаһитлар белән бергә баланы тартап алган. Читать дальше...

(Казан, 30 июль, «Татар-информ», Гөлнар Гарифуллина). Россиядә яшүсмерләргә коронавирустан вакцинация башланган. KazanSummit-2021 форумында З. Башляева исемендәге Балалар шәһәр клиник хастаханәсе баш табибының инфекцияләр буенча урынбасары Эльмира Сәмитова ковидның балаларга да кагылганы турында сөйләде. «Беренче дулкында балалар җиңел һәм симптомсыз авырый дисәк, икенче дулкын балалар шактый нык авырганын күрсәтте, өченче дулкында да шул хәл. Балаларда вирус 10 көннән артык саклана. Аларның бронх-үпкә системасы... Читать дальше...

(Казан, 30 июль, «Татар-информ», Эвелина Киселева). Узган тәүлектә Татарстанда яңа коронавирус инфекциясенең 53 очрагын ачыклаганнар. «Республикада узган тәүлектә яңа коронавирус йоктыруның 53 очрагы теркәлде. Республикада барлыгы 23 876 тапкыр ковид диагнозы куелган», дип сөйләде «Татар-информ»да матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Татарстан буенча идарәсе (Роспотребнадзор) матбугат секретаре Миләүшә Җамалиева. ... Читать дальше...

(Казан, 30 июль, «Татар-информ»). Кичә Вильнюста Литва татарларының Тарих һәм мәдәният елын ачу тантанасы булды. Чарада РФ мөселманнары Диния нәзарәте рәисе вазифаларын башкаручы, Мәскәү ислам институты ректоры Дамир Мөхетдинов катнашты. Ул тантанада катнашучыларны һәм кунакларны Мөфти Шәех Равил Гайнетдин һәм Халыкара мөселман форумының генераль секретаре исеменнән котлады. Россия Мөфтиләр шурасы хәбәр иткәнчә, Литва Республикасы Президентын тантанада аның киңәшчесе тәкъдим итте, премьер-министр исеменнән аның ярдәмчесе катнашты. Читать дальше...

(Казан, 30 июль, «Татар-информ»). Кичә, 29 июльдә, күренекле галим, геохимик, профессор, Россия Фәннәр академиясе академигы Эрик Михайлович Галимовның тууына 85 ел тулды. Татарстанның Тулы вәкаләтле вәкиллеге хезмәткәрләре аны Троекурово зиратында искә алдылар. Бу хакта вәкиллекнең матбугат хезмәте хәбәр итә. Эрик Галимов узган елның ноябрендә вафат булды. Эрик Галимов Россия фәннәр академиясе профессоры, академик, 20 елга якын В.И.Вернадский исемендәге Геохимия һәм аналитик химия институтының фәнни җитәкчесе иде. Читать дальше...

(Казан, 30 июль, «Татар-информ»). «Финико» финанс пирамидасына нигез салучы Кирилл Доронин Instagram аккаунтын бетергән. Моңа кадәр Доронин популяр социаль челтәрдә сораштыру һәм турыдан-туры эфирлар уздырган, шулай ук вкладчыларның компаниядәге вазгыять буенча сорауларына җавап биргән.

(Казан, 30 июль, «Татар-информ»). «Бөтендөнья хәләл көне» ислам бизнес-форумы (World Halal Day) 2022 елда Казанда узачак. Бу хакта әлеге форумга нигез салучы Мөхәммәд Джинна хәбәр итте дип яза Интерфакс. «Мин бүген Бөтендөнья хәләл көнен 2022 елның июлендә Казанда узачагын игълан итүемә шатмын», — диде Джинна. Бөтендөнья хәләл көне җир шарының төрле почмакларында 2014 елдан бирле ел саен үткәрелә. Форумның төп максаты - хәләл продукцияне алга этәрү. 2019 елда World Halal Day Россиядә беренче тапкыр... Читать дальше...