Роспотребнадзор: Ковидның дельта-штаммы йоккан очракта авыру озакка сузыла
(Казан, 30 июль, «Татар-информ»). Covid-19 коронавирусының дельта-штаммын йоктырганда авыру озакка сузыла, ә инкубация чоры, киресенчә, кыскара. «Яңа штамм инкубация чоры срогына төзәтмә кертте — ул кыскарды, ә авыру, киресенчә, озакка сузыла, чөнки инфекция авыр уза», — диде Россия Фәннәр академиясенең мөхбир-әгъзасы, Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Эпидемиология үзәк фәнни-тикшеренү институты директорының фәнни эш буенча урынбасары Александр Горелов. «Яңа штамм инкубация чоры вакытына кайбер төзәтмәләрне кертте — ул кыскарак булды, ә авыруның дәвамлылыгы, киресенчә, арткан, чөнки инфекция авыррак уза», — дип галим сүзләрен китерә РИА Новости. Шуның белән бергә, «дельта» штаммын йоктырганда, патогенның башка штаммнары кебек үк, авыруның авырлыгы вирус йөкләнешенә һәм иммунитет халәте белән билгеләнә, дип ачыклык кертте Горелов. Моннан тыш, тикшеренүче авырудан саклану өчен коронавирустан үз вакытында вакцинация узуның мөһимлеген искәртте. Россиядә Covid-19 инфекциясеннән күмәк вакцинация кампаниясе дәвам итә. Россия Президенты Владимир Путин да гражданнарны ковидтан прививка ясатырга өндәде.