Новости за 17.03.2020

(Казан, 17 март, «Татар-информ», Наталья Рыбакова). Танылган Россия дипломаты Марк Энтин Россия Федерациясенең Люксембургтагы илчесе булып хезмәт иткән вакытта, Татарстан Республикасы Президенты Рөстәм Миңнехановның Көнбатыш Европада зур абруен раслаучы очракның шаһиты булган. Бу хакта ул «Татар-информ» агентлыгына биргән интервьюсында сөйләде.

(Казан, 17 март, «Татар-информ», Гөлнар Гарифуллина). 2024 елга Татарстанда югары һәм махсус урта уку йортларының 10 меңнән артык студентын, шулай ук 13 меңгә якын эшкә сәләтле халыкны цифрлы икътисад компетенцияләренә өйрәтәчәкләр. Бу хакта ТР Министрлар Кабинетында брифингта дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин әйтте.

(Казан, 17 март, «Татар-информ», Полина Шевчук). Коронавируска каршы көрәш штабы Татарстанда 245 кешенең әлеге авыруны йоктыруы турындагы хәбәрне ялган дип атады. Татарстан Премьер-министры урынбасары Ләйлә Фазлыева «Татар-информ» агентлыгына шул хакта хәбәр итте.

(Казан, 17 март, «Татар-информ», «Ватаным Татарстан», Камил Сәгъдәтшин ). Шәхси хуҗалыгында, ишегалды тутырып, терлек-туар асраган гаиләләрнең табыны да түгәрәк. Кем әйтмешли, үзләренә дә бар, күрше-күлән, дус-ишләргә да өлеш чыга. Андыйлар шәһәрдә яшәүче туганнарын да шатландырып яши… иде.

(Казан, 17 март, «Татар-информ»). Россия һәм Башкортстан Язучылар берлеге әгъзалары провинциаль рэп-мәдәнияттә Иосиф Бродский сүзләрен куллануга каршы чыкты. Бу хакта «Башинформ» агентлыгы хәбәр итә.

(Казан, 17 март, «Татар-информ»). Россия Мөфтиләр шурасы башлыгы Равил Гайнетдиннең хәер-фатихасы белән бүген Мәскәү Җәмигъ мәчетендә тәүлек әйләнәсе Коръән аятьләрен укый башладылар. Бу хакта «Интерфакс» агентлыгы хәбәр итә.

(Казан, 17 март, «Татар-информ», Гөлнар Гарифуллина). Татарстанның һәр районында ИТ-лицей ачылачак. Бу хакта Татарстан Хөкүмәте йортында брифингта ТР дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин хәбәр итте.

(Казан, 17 март, «Татар-информ»). Мәскәү шәһәренең Милли сәясәт һәм төбәкара элемтәләр департаменты 22 мартта башкалада планлаштырылган «Нәүрүз-2020» гомумшәһәр бәйрәменең үткәрелмәячәге турында белдерде. Бу хакта Татарстан Республикасының Россия Федерациясендәге Вәкаләтле вәкиллеге матбугат хезмәте хәбәр итә.

(Казан, 17 март, «Татар-информ», Гөлнар Гарифуллина). Әгәр коронавирус белән бәйле хәл дәвам итсә, ТР дәүләт идарәсен цифрлы нигездә үстерү, мәгълүмат технологияләре һәм элемтә министрлыгы мәктәп укучылары өчен дистанцион укытуны оештыруда актив катнашырга әзер. Министр Айрат Хәйруллин Татарстан Хөкүмәте йортында узган брифингта You tube каналында укыту мөмкинлеге турында сөйләде.

(Казан, 17 март, «Татар-информ», Рузилә Мөхәммәтова). Мәскәүдә «Зөләйха күзләрен ача» фильмын күрсәтүгә бәйле 20 мартка билгеләнгән хәйрия чарасы булмаячак. Бу хакта оештыручылар хәбәр итә.

(Казан, 17 март, «Татар-информ»). Татарстанның Республика клиник хастаханәсендә дәвалау учреждениесенә коронавирус инфекциясе йоктырган пациентлар китерелүе турындагы мәгълүматны кире кактылар. Бу хакта «Татар-информ» агентлыгына хастаханәнең матбугат сәркатибе хәбәр итте.

(Казан, 17 март, «Татар-информ», Эвелина Киселева). Гражданнарның хезмәтенә карата хөрмәтне Россия Конституциясендә беркетү һәм аларның хокукларын саклауны тәэмин итү эшче һөнәрләренең абруен күтәрү һәм илдә яшәүчеләрнең байлыгын арттыру өчен этәргеч булачак. «Һөнәри компетенцияләрне үстерү үзәге» коммерцияле булмаган автоном оешмасы генераль директоры Эмиль Гобәйдуллин «Татар-информ» агентлыгына шундый фикерен белдерде.

(Казан, 17 март, «Татар-информ», Гөлүзә Ибраһимова). Бөтендөнья татарлары конгрессының Башкортстандагы вәкиллегенә Татарстан Президенты Hyundai H1 автобусы бүләк итте. Бу хакта «Татар-информ» хәбәрчесенә Бөтендөнья татарлары конгрессының Башкортстандагы вәкиллеге җитәкчесе Альфред Дәүләтшин әйтте.

(Казан, 17 март, «Татар-информ», Эльвира Зәйнуллина). Коронавирус таралу куркынычы янау сәбәпле, «Тоталь диктант» Бөтенроссия акциясе көз көне узачак. Бу хакта акциянең рәсми сайтында хәбәр ителә.

(Казан, 17 март, «Татар-информ», Полина Шевчук). Чаллыда балык кибетендәге янгында һәлак булган ир-атның шәхесен ачыклыйлар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 17 март, "Татар-информ"). 22 мартта Көньяк–Сахалин шәһәрендә Нәүрүз бәйрәме үтәчәк. Аны «Халыклар дуслыгы» Сахалин халыклары ассоциациясе оештыра. Бу турыда Бөтендөнья татар конгрессы матбугат хезмәте хәбәр итте.

(Казан, 17 март, «Татар-информ»). Татарстан Хөкүмәте Татарстанның эш бирүчеләренә һәм республикага башка илләрдән әйләнеп кайткан туристларга коронавирусны кисәтү буенча киңәшләрен җиткерде. ТР Сәламәтлек саклау министрлыгы схема рәвешендәге гамәлләр алгоритмын Instagram социаль челтәрендәге үз сәхифәсендә урнаштырган.

(Казан, 17 март, «Татар-информ», Оксана Романова). Режиссер Илдар Ягъфәровның «Исәнме сез?!» фильмы (аны февраль аенда төшерә башладылар) трейлеры инде быелның апрелендә үк чыгачак. Илдар Ягъфәров «Татар-информ» агентлыгына биргән интервьюсында шул хакта һәм май аенда картинаны төшерү дәвам итәчәге турында сөйләде.

(Казан, 17 март, "Татар-информ"). 18 мартта Россия Федерациясендә Бөек Ватан сугышы елларында Ватан өчен гомерләрен биргән гражданнар истәлеген мәңгеләштерүгә багышланган «Хәтер бакчасы» халыкара акциясе башлана. Татарстан Республикасында акцияне уздыру апрель ахырында планлаштырыла. Бу турыда Татарстан Урман хуҗалыгы министрлыгының матбугат хезмәте хәбәр итте.

(Казан, 17 март, «Татар-информ»). Үзбәкстан мөселманнары Диния нәзарәтенең Голәмәләр шурасы, илдә коронавирус таралуын булдырмас өчен, дин тотучыларны мәчетләргә бармаска һәм намазны өйдә укырга чакырды. Бу хакта «Интерфакс» агентлыгы нәзарәтнең матбугат хезмәтенә сылтама белән хәбәр итә.

(Казан, 17 март, «Татар-информ», Гөлнар Гарифуллина). Татарстанда дәүләт хезмәтләренең 70 проценты цифрлы форматта булуына 2022 елга ирешү ниятләнә. Хәзер бу сан 42,5 процент дәрәҗәсендә. Бу хакта Татарстан Министрлар Кабинетында брифингта Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин хәбәр итте.

(Казан, 17 март, «Татар-информ»). Россия Хөкүмәте Рәисе урынбасары Марат Хөснуллин һәм Россия Үзәк Банкы рәисе Эльвира Нәбиуллина Россия Министрлар Кабинеты әгъзалары катнашындагы киңәшмәдә торак базарын үстерү турында доклад белән чыгыш ясаячак. Киңәшмәне Россия Президенты Владимир Путин үткәрә. Бу хакта Кремльнең рәсми сайтында хәбәр ителә.

(Казан, 17 март, «Татар-информ»). Татар авыл хуҗалыгы фәнни-тикшеренү институты селекциясендәге шәмәхә орлыклы Надира сортлы бодай дәүләт сынавын уза. Әлеге сортны Арча районында үстерә башлаячаклар. Бу хакта «Татар-информ» агентлыгына Татар авыл хуҗалыгы фәнни-тикшеренү институтының әйдәп баручы фәнни хезмәткәре Нурания Василова хәбәр итте.

(Казан, 17 март, «Татар-информ»). Башкортстанда педагогларның һөнәри осталык бәйгесе дәвам итә. «Ел укытучысы-2020», «Башкорт теле һәм әдәбияты ел укытучысы», «Урыс теле һәм әдәбияты ел укытучысы», «Татар теле һәм әдәбияты ел укытучысы» һәм «Елның иң яшь укытучысы» конкурсларында җаваплы турларны үткән бишәр финалистның исемнәре билгеле булды. Бу турыда «Кызыл таң» сайты язды.