Президенти Шӯрои Аврупо ба Тоҷикистон омад
Доналд Туск, президенти Шӯрои Аврупо, шоми 29-уми май вориди Душанбе шуд ва ӯро дар фурудгоҳи байналмилалии пойтахт Сироҷиддин Муҳриддин, вазири умури хориҷии Тоҷикистон пешвоз гирифт. Туск сафари худро ба чанд кишвари Осиёи Марказӣ аз Тоҷикистон оғоз кард. Вай рӯзи 30-юми май бо раисҷумҳур Эмомалӣ Раҳмон мулоқот ва аз чанд мавзеи кишвар дидан мекунад. Вале аз рӯи барномаи сафари ӯ мулоқоташ бо ҷомеаи шаҳрвандии Тоҷикистон дар назар нест. Ҳарчанд намояндагони созмонҳои иҷтимоӣ мегӯянд, ки ба ӯ дар бораи вазъи ҳуқуқи инсон ва дастрасӣ ба Интернет ва озодии баён гуфтании зиёд доранд. Доналд Туск пас аз анҷоми сафараш дар Тоҷикистон ба Қазоқистону Узбекистон меравад.
Тафсилоти бештарро дар бораи сафари Туск дар инҷо хонед