Новости за 10.05.2019

Рӯзи 10 май дар пойтахти Тоҷикистон чаҳор троллейбусе ба гардиш даромад, ки набудани барқу канда шудани хатти барқ ба онҳо таъсир надорад.

Рӯзи 10 май дар пойтахти Тоҷикистон чаҳор троллейбусе ба гардиш даромад, ки набудани барқу канда шудани хатти барқ ба онҳо таъсир надорад. Ин троллейбусҳо ҳангоми ҳаракат бо сим, дар худ нерӯи барқро захира мекунанд. Ба гуфти ронандаҳо, дар ҳолати қатъи интиқоли нерӯи барқ, троллейбусҳо метавонанд, то 20 километр роҳро тай намоянд.

Дастаи мунтахаби наврасони то 16-солаи тоҷик дар гурӯҳи "А" бо дастаҳои Урдун, Непал Шри –Ланка ва  Кувайт ва тими интихобии то 19-солаи ба гурӯҳи "С" шомил шуда бо дастаҳои Сурия, Лубнон ва Малдив қувва месанҷанд

10 май президенти Тоҷикистон масъалаҳои ҳалталаби низоми молиявии кишварро ба миён гузошт. Ҷаноби Эмомалӣ Раҳмон тамоми нерӯ, обрӯ ва тавонашро ба он равона кардааст, ки кишвар рушд кунад, вале барои ҳамаи ин як система ё низоми доимӣ, усулӣ ва амалкунанда зарур аст.

Президент Эмомалӣ Раҳмон рӯзи 10 май дар Душанбе бо намояндагони бахшҳои молия, андоз, гумрук ва бонкдории Тоҷикистон мулоқот кард. Тафсилотро дар навори видеоӣ бубинед.

Амволи Нурулло Наимов, раиси собиқи "Манзили дастрас" ва чанде аз ҳамроҳонашро ба ҳабс гирифтаанд. Онҳо бо иттиҳоми қаллобӣ дар боздоштанд. Як манбаъ дар Додситонии кулли Тоҷикистон бо шарти фош нашудани номаш ба Радиои Озодӣ гуфт, амволи ҳабсшуда аз хонаву мошинҳо иборат аст ва тақрибан 20 миллион сомонӣ (муодили ду миллион доллар) арзиш дорад. То ҳол вакили мудофеи Нурулло Наимов ё наздиконаш ба ин масъала вокуниш накардаанд. Талоши мо барои пайдо кардани онҳо то ин дам бенатиҷа буд.

Хабарнигори Радиои Озодӣ "облава" шуд, дар Русия бар асари бархӯрд бо қатори роҳи оҳан як муҳоҷир фавтида, як нафари дигар маҷруҳ гашт, ҳукми ҷосусони рус дар Черногория, мулоқоти Президенти Тоҷикистон бо бонкдорону ходимони соҳаи молия ва матолиби дигар.

Созмони Хабарнигорони бидуни марз "сензураи сартосарии Интернет"-ро дар Қазоқистон маҳкум кард. Масъулони созмон рӯзи 10 май аз президенти муваққати Қазоқистон Қосимҷомарт Тоқаев хостанд, ки аз шеваҳои таъқибгароёнаи раисиҷумҳури пешин Нурсултон Назарбоев даст кашад.  Дар изҳороти созмон омадааст, ки субҳи 9 май дастрасӣ ба шабакаҳои иҷтимоӣ, аз қабили Facebook, Instagram, YouTube, паёмакрасони Telegram ва чанд сомонаи дигари хабарӣ дар Қазоқистон маҳдуд карда шуданд. Ба гуфтаи масъулони Хабарнигорони бидуни марз... Читать дальше...

Хабарнигори Радиои Озодӣ дар Кӯлоб Маҳмудҷон Раҳматзода мавриди "облава" қарор гирифт ва танҳо баъди исботи ин ки дар артиш хидмат кардааст, озод шуд.

Ихтиёр Абдуллоев, раиси пешини Хадамоти амнияти давлатии Узбекистон талош дошт, ки бо роҳи таъйин кардани шахсони боэътимоди худ дар ниҳодҳои қудратӣ фаъолияти сиёсии давлатро зери назорат гирад. Дар ин бора нашрияи интернетии Xabar.uz иттилоъ дод. "Вай ба он айбдор мешавад, ки ҳаваси фармонфармоӣ дошт ва аз доираи қонун берун рафта, дар фасод фурӯ рафта буд. Дар чунин ҳолат президент маҷбур буд, ки ба вай изҳори беэътимодӣ эълом кунад", - навишт Xabar.uz. Ба навиштаи ин расона, генерали ҳамакнун пешин дастур додааст... Читать дальше...

Крис Хюз, ҳаммуассиси Facebook, шабакаи иҷтимоиро инҳисорталаб ё монополист номид ва даъват кард, ки он ба далели хатар доштанаш ба демократия, тақсим карда шавад. Дар ин бора Хюз дар як матлабаш дар нашрияи The New York Times зикр кард. Ӯ мегӯяд, молики Facebook Марк Сукерберг бештар аз ҳар каси дигари аҳли тиҷорат ва ё ҳукуматдор нуфуз дорад. "Танҳо Марк метавонад, тасмим гирад, ки алгоритмҳои Facebook-ро тағйир диҳад. Вай қоидаҳоро муқаррар мекунад, муайян месозад, ки ин ва ё он навишта... Читать дальше...

Дар роҳи қатори барқӣ (электричка) дар шаҳри Маскав як муҳоҷири тоҷик ҳалок ва як тани дигар захмӣ шудааст.

Президент Эмомалӣ Раҳмон рӯзи 10 май дар ҷараёни мулоқот бо намояндагони бахши молияву бонкдорӣ аз қонуншиканӣ дар сохторҳои бонкӣ махсусан ёдовар шуд ва гуфт, ки санҷиши кори «Амонатбонк», як бонки давлатӣ дар даҳ соли гузашта (2009-2018) даҳҳо ҳолати азонихуд кардани нафақаҳои афроди фавтидаро ошкор кардааст. Ба гуфтаи президент, дар паи «беназоратӣ ва фориғболии шахсони масъул» бархе кормандони бонк ва Агентии суғуртаи иҷтимоӣ ва нафақа «дар 211 ҳолат нафақаи шахсони фавтидаро ба маблағи 360 ҳазор сомонӣ тасарруф кардаанд». Читать дальше...

Лағзиши кӯҳпора дар ноҳияи Ваҳдат заминҳои кишти сокинонро хароб ва сокинони як деҳаро аз хонаҳояшон гурезон кард.

Президенти Тоҷикистон аз Бонки миллӣ хост, ки дар фаъолияти ташкилоти қарзӣ "меъёрҳои қобили қабул” ҷорӣ кунад.

Мусобиқаи мазкур бо иштироки беҳтарин паҳлавонони  Тоҷикистон, Қирғизистон ва дастаҳои Узбакистон аз рӯи 10 категорияи вазнӣ дар маҷмааи варзишии "Ҳумо" доир  гардид

Дар робита ба ғайриқонунӣ озод шудани яке аз афроди маъруф дар олами ҷиноии Қирғизистон Азиз Батукоев се табиби кунунӣ ва пешини Хадамоти зиндонҳои ин кишварро боздошт карданд. Раҳбари Маркази миллии ҳушдор аз шиканҷа Нуриддин Сулайманов гуфт, гумонбарон ба боздоштгоҳ интиқол ёфта, масъалаи ба ҳабси пешакӣ гирифтанашон дар ҳоли баррасӣ аст. Вазорати умури дохилии Қирғизистон дар ҳоли ҳозир аз шарҳи қазия худдорӣ мекунад. Додгоҳи шаҳри Норин соли 2013 дар асоси хулосаи табибон Батукоевро пеш аз муҳлат озод кард. Читать дальше...

Президенти Туркманистон Қурбонгулӣ Бердимуҳаммадов рӯзи 7-уми май мудири телевизиони давлатии "Мирас"-ро аз мақом барканор карда, раиси Кумитаи радио ва телевизиони ин кишварро бори охир огоҳӣ додааст. Бино ба иттилои расмӣ, Бяшима Атаева ба хотири роҳ додан ба "камбудии ҷиддӣ" аз мақоми раҳбари телевизиони "Мирас" барканор шудааст. Қувватбердӣ Хеззиева иҷрокунандаи муваққати вазифаи раҳбари телевизиони мазкур таъйин гаштааст. Бердимуҳаммадов ҳамчунин ба раиси Кумитаи радио ва телевизиони Туркманистон... Читать дальше...

Даври шашуми қаҳрамонии футболи Тоҷикистон миёни дастаҳои лигаи олӣ рӯзи 9-уми май бо ду бозӣ бо ширкати пешсафони мусобиқот шуруъ шуд.

Провайдер ё фароҳамкунандагони Интернет дар Қазоқистон рӯзи 9-уми май дастрасӣ ба шабакаҳои иҷтимоӣ, амсоли Facebook, Instagram ва YouTube, инчунин паёмакрасони Telegram ва чанд сомонаи хабариро масдуд карданд. Дар ин бора гуруҳи NetBlocks хабар дод, ки озодии Интернетро мониторинг мекунад. Муаллифон мегӯянд, бархе аз шабакаҳо комилан аз кор монданд. "Масдудсозӣ субҳи рӯзи панҷшанбе ё шаби чаҳоршанбе роҳандозӣ шудааст",-хабар медиҳад гуруҳи NetBlocks. "Маҳдудсозии мазкур ба эҳтимоли зиёд баъди он роҳандозӣ шуд... Читать дальше...

Раиси ҷумҳури Амрико рӯзи панҷшанбеи 9-уми май гуфт, ки "эрониҳо бисёр таҳдидомез" будаанд ва дар айни ҳол гуфт, ки омодаи музокирот бо Теҳрон аст.

Дастаи мунтахаби ҷавонони Тоҷикистон бар асоси қуръакашӣ, ки 9-уми май дар қароргоҳи Конфедератсиони футболи Осиё – Куала-Лумпури Малайзия - доир гардид, дар марҳилаи интихобии қаҳрамонии Осиё-2020 миёни ҷавонони зери 19-сола дар гурӯҳи “С” бо тимҳои Сурия, Лубнон ва Молдив рақобат мекунад. Мусобиқаи ин гурӯҳ аз 6-ум то 10-уми ноябр дар шаҳри Душанбе баргузор мешавад. Дар марҳилаи интихобии қаҳрамонии Осиё-2020 миёни ҷавонони зери 19-сола 46 даста ширкат меварзад, ки тибқи қуръакашӣ ба 11 гурӯҳ тақсим шудааст. Читать дальше...

Ҳукумати Қирғизистон хабар дод, ки баҳси ба Узбекистон додани 4 истироҳатгоҳ дар соҳили Иссиқкӯл дар додгоҳ баррасӣ мешавад. Сарвазири вақти Қирғизистон Сафар Исҳоқов дар соли 2017 истироҳатгоҳҳои мавриди назарро дар ивази сармоя ва қатъи даъвоҳои додгоҳӣ ба Тошканд дод. Ҳукумати Қирғизистон ахиран хабар дод, ки баҳси истироҳатгоҳҳо дар Додгоҳи байналхалқии ҳакамӣ баррасӣ мешавад. Соли 2016 ҳукумати Қирғизистон бо роҳбарии сарвазир Темир Сариев тасмим гирифт, истироҳатгоҳҳои марбут ба Узбекистонро дар соҳили Иссиқкӯл миллӣ гардонад. Читать дальше...

Дастаи мунтахаби наврасони Тоҷикистон бар асоси қуръакашӣ, ки 9-уми май дар қароргоҳи Конфедератсиони футболи Осиё – Куала-Лумпури Малайзия - доир гардид, дар марҳилаи интихобии қаҳрамонии Осиё-2020 миёни наврасони зери 16-сола дар гурӯҳи “А” бо тимҳои Урдун, Непал, Шри-Ланка ва Кувайт рақобат мекунад. Мусобиқаи ин гурӯҳ аз 14-ум то 22-юми сентябр дар Урдун баргузор мешавад. Дар марҳилаи интихобии қаҳрамонии Осиё-2020 миёни наврасони зери 16-сола 47 даста ширкат меварзад, ки тибқи қуръакашӣ ба 11 гурӯҳ тақсим шудааст. Читать дальше...

Дар шаҳри Тошканди Узбекистон кормандони бонки "Давр" бо гумони дуздӣ боздошт шуданд. Ба иттилои мақомоти Узбекистон, як сокини вилояти Сирдарё шикоят кардааст, ки 9 ҳазор доллари вай ба суратҳисоби бонкиаш интиқол дода нашудааст. Ба ҷуз ин, 20 сокини дигар ҳам ба мақомот айни ин шикоятро бурдаанд. Бо гумони содир кардани ҷинояти дуздӣ кормандони бонки "Давр" Ю.Ж. ва М.Б. боздошт шудаанд. Нисбати онҳо бо моддаи "Қаллобӣ" парванда боз шудааст.