Новости за 07.05.2019

Сокинони ҷамоати Навобод дар ноҳияи Ҷалолуддини Балхӣ хабар доданд, ки мақомот ба хотири даъвати ҷавонон ба артиш ба дари панҷ масҷид муҳр задаанд. Мақомот мегӯянд, барои тарс додани мардум чунин нақша доштанд, вале амалӣ накарданд.

Додгоҳи ноҳияи Сино як гурӯҳ аз сокинонеро, ки дар назди ширкати “Фароз” гирдиҳамоӣ карда буданд, аз 10 то 15 рӯз ба ҳабс маҳкум кардааст. Додгоҳи Душанбе аз ин ҳукм пуштибонӣ намуд, вале наздикони маҳкумшудаҳо гуфтанд, ки бо он розӣ нестанд.

Истад Қурбонова, зани 68-солае, ки бо ҳукми додгоҳи шаҳри Хуҷанд дар моҳи апрел  барои ғасби замин шартан ба як соли ҳабс маҳкум шудааст,  бозбинии ин қарорро талаб кард. Файзулло Насруллоев, вакили дифои ӯ гуфт, шикоятро ҳамин ҳафта ба додгоҳи вилоятӣ супурда бозбинӣ шудани ҳукмро дархост кардаанд. Ӯ рӯзи 7 май дар суҳбат бо Радиои Озодӣ афзуд: “Дар шикоят пуле, ки зерҳимояам барои харидани он қитъаи замин ба ширкати “Сохтмон СТД” додааст, 32 ҳазор сомонӣ, бекор кардани 17,5 ҳазор сомонӣ ҷуброни... Читать дальше...

Котиби давлатии ИМА Майк Помпео  гуфтааст, ки Амрико ҳузури худро дар Қутби Шимол пурзӯр мекунад, то  аз рафтори ба гуфтааш  “пархошгарона”-и Русия ва Чин дар ин минтақаи ғанӣ аз сарватҳои табиӣ  пешгирӣ шавад. “Минтақа  як майдони  қудрат ва мусобиқа шудааст ва ҳашт аёлати Қутби Шимол бояд ба ин ояндаи нав  мутобиқ шаванд”, гуфт Помпео рӯзи 6 май дар суханрониаш дар Филандия, пеш аз вохӯриаш бо вазирони корҳои хориҷии Шурои Қутби Шимолӣ. Шурои Қутби Шимол кишварҳои мисли ИМА, Русия, Канада, Дания... Читать дальше...

Пешниҳоди боло бурдани ҷарима барои вайрон намудани қоидаи роҳ, раҳоии хабарнигорон аз зиндони Мянмар, мушкили муҳоҷирони тоҷик дар Латвия, сабаби баста шудани масҷиде дар Хатлон ва дастури шаҳрдории Душанбе дар давраи Рамазон.

Котиби давлатии ИМА Майк Помпео ногаҳон ва чанд соат пеш аз сафараш ба Берлин бо далели, ба гуфтаи сухангӯяш “масоили муҳим” барномаи боздид аз Олмонро бекор кард. Морган Ортагус, сухангӯи Департаменти давлатӣ гуфт, ки “мутаассифона, ба хотири бархе масоили муҳим, мо бояд нақшаи сафари Берлинро бозбинӣ кунем”. Ортагус гуфт, ки нақшаи дидору гуфтугӯҳо бо садри аъзам Ангела Меркел ва вазири хориҷии Олмон Ҳейко Маас бознигарӣ мешавад. Помпео феълан дар Финляндия буда, дар ҷаласаи Шӯрои Қутби Шимол иштирок мекунад. Читать дальше...

Президенти Туркия Раҷаб Таиб Эрдуғон рӯзи 7 май як амри ниҳоди аршади интихоботии ин кишварро ситоиш кард, ки баъди пирӯзии ғайримунтазираи мухолифон дар моҳи март ба баргузории дубораи интихоботи мири шаҳри Истамбул  амр додааст. Эрдуғон гуфт, ки ин амр ба тақвияти демократия дар ҷомеаи Туркия нигаронида шудааст. Ҳизби ҳокими Адолат ва тараққиёти Эрдуғон пирӯзии номзади мухолифонро аз ҳизби Ҷумҳуриявии мардумии Туркия зери суол бурда иддао кардааст, ки дар ҳисобу китоби натиҷаҳо  “нақзи қонун ва коррупсия” ҷой дошт. Читать дальше...

Попи Рум Франсис рӯзи 7 май бо сафари нахустини таърихаш вориди Македонияи Шимолӣ шуд. Франсисро дар пойтахти ин кишвар президенти рафтаистода Гиорги Иванов ва мақомоти дигари давлативу чеҳраҳои ҷамъиятӣ пазироӣ карданд. Сафари нахустини раҳбари католикҳои ҷаҳон ба Скопйе дар шароите баргузор мешавад, ки баъди даҳсолаҳо баҳсу ихтилоф бо Юнон кишвар тоза тағйири ном кард ва роҳи худро ба узвияти НАТОву Иттиҳодияи Аврупо боз намуд.  Қарор аст попи Рум дар майдони марказии Скопйе намози ҷамъӣ баргузор кунад. Читать дальше...

Додситони ҳарбии шаҳри Душанбе ба артиш бурда шудани як сокини ноҳияи Фирдавсиро, ки ба қавли наздиконаш ягона саробони оила буда, то соли 2022 аз хидмат озод аст, қонунӣ донист.

Сафири ИМА дар  Украина моҳи май ва ду моҳ пеш аз анҷоми мӯҳлати расмии кораш мақомашро тарк мекунад. Чор нафари огоҳ аз ин тасмим рӯзи 6 май ба Радиои Озодӣ гуфтанд, ки Мери Йованович дар миёнаҳои моҳи май аз мақом канор меравад. Бар асоси иттилое, ки тавассути имейли ирсолшуда ба Радиои Аврупои Озод/Радиои Озодӣ нашр шудааст, Йованович қарор аст 20 май аз мақом канор равад. Вале чор мусоҳиби Радиои Озодӣ сабаби тарки мақом кардани сафири Амрикоро фош накарданд. Зоҳиран то таъин шудани сафири нав... Читать дальше...

Шаҳрдории Душанбе дар рӯзи аввали моҳи Рамазон дастуре дод, ки дар сурати риоя нашудани он, алайҳи моликони ошхонаву тарабхонаҳои пойтахт чораандешӣ мешавад.

Дар остонаи Рӯзи Ғалаба дар Витебски Беларус раҳпаймоии "Бессмертный полк"-ро манъ карданд, дар Минск ҷояшро иваз. Дар Оқтеппаи Қазоқистон низ чунин маърака баргузор намешаад.

Ду хабарнигори зиндонии оҷонии Reuters, ки барои пӯшиши бӯҳрони мардуми роҳинҷа дар Мянмар муҷозот шуданд, рӯзи 7 май бар асоси афви президентӣ ва дар паи маъракаи сартосарӣ бо даъвати раҳоии онҳо ба озодӣ баромаданд. Хабарнигорон Ва Лони 32 ва Сое Оои 28-сола баъди 16 моҳи ҳабс аз зиндони Инсейни  воқеъ дар шаҳри Янгони Мянмар озод шуданд. Онҳо моҳи сентябри соли 2018 бо иттиҳоми фош кардани асрори давлатӣ ба ҳангоми гузориш додан аз маъракаи зиддишӯришиён ба 7 соли ҳабс маҳкум шуданд. Амалиёти артиши Бирма... Читать дальше...

Падаре, ки барои дур мондани духтараш аз таҳсил ҷарима шудааст, бо кумаки ҳамдеҳаҳо ба сохтани мактаби хурде оғоз кардааст.

Сомон Маҳмадбеков, Комроншоҳ Устопириён ва Шакармамад Мирмамадов ба шаҳри Бокуи Озарбойҷон мераванд ва аз 10 то 12 май дар мусобиқаҳои “Baku Grand Slam-2019” иштирок хоҳанд кард

Дастаҳои «Равшан»-и Кӯлоб ва «Локомотив-Помир»-и Душанбе, ки дар ду даври аввали мусобиқаи лигаи аввали футболи Тоҷикистон пирӯз шуданд, дар ҷадвал бо шашимтиёзӣ пешсафанд.

Вазорати умури дохилии Қазоқистон эълом кард, ки аз 6 то 12-уми майи соли равон тадобири амниятӣ дар ин кишвар пурзӯр хоҳад шуд. "Пулис ба хотири таъмини амният ҳангоми баргузории роҳпаймоии "Полки абадӣ" дар шаҳрҳои кишвар чора хоҳад андешид. Дар робита ба ҳама гуна навъи нақзи тартибот ва амалҳое, ки ба иштирокчиёни роҳпаймоии мазкур нороҳатӣ эҷод мекунанд, дар доираи қонунгузорӣ вокуниши сареъ карда мешавад",-омадааст дар иттилоияи вазорат. Ба огаҳии манбаъ, шумори кормандони пулис дар кӯча ва ҷойҳои ҷамъиятӣ афзоиш дода шудааст. Читать дальше...

Вакили дифои пешини президенти ИМА Доналд Трамп -- Майкл Коэн рӯзи 6-уми май ба зиндони Отисвилл, воқеъ дар 100-километрии шаҳри Ню-Йорк интиқол ёфт. Ӯ дар онҷо се соли муҳлати ҷазояшро адо мекунад. Коэн дар як суҳбати кутоҳ ба рӯзноманигорон гуфт, "рӯзеро, ки метавонад ҳақиқатро ифшо кунад, бесаброна мунтазир аст". Вай ҳамчунин афзуд, бадбинии нажодӣ, фиребгарӣ ва ноадолатиеро, маҳкум мекунад, ки дар раҳбарияти кишвараш дида мешаванд. Додгоҳ моҳи декабри соли гузашта Коэнро дар нақзи қоидаҳои... Читать дальше...

Як иштирокчии задухурдҳои мусаллаҳонаи Донбасси Украина хабарнигори "Настояшее Время" дар Киев Владимир Рунетсро шаби 5-уми май паронд. Рӯзноманигор аз ноҳияи пояш захмӣ шуда, ба беморхона интиқол ёфт. Ба гуфтаи табибон, дар ҳоли ҳозир ҷони ӯ дар хатар нест, вале бояд ду ҷарроҳиро паси сар кунад. Аз нафари ҳамлагар ихтиёрии артиши Украина Владимир Регеши 45-сола ном бурда мешавад. Ба гуфтаи Рунетс, низомӣ аз духтаре, ки шиноси рӯзноманигор аст, қарздор буда, пайваста ӯро таҳдид мекардааст. Регеш шаби 5-уми май бо силоҳ ба майхонае... Читать дальше...

Манзили ҳомии ҳуқуқ Азимҷон Аскаров, ки ба зиндони якумрӣ маҳкум шудааст, дубора ба ҳабс гирифта шуд. Дар ин бора вакили мудофеи вай Валерян Вахитов хабар дод. Ба гуфтаи вакил, бори нахуст манзили Аскаровро дар соли 2010 ба ҳабс гирифтанд, аммо бо талошҳои ҳомиёни ҳуқуқ ва вакилони мудофеъ, манзил аз ҳабс раҳо шуд. Соли 2012 додгоҳ Аскаровро вазифадор кард, ки ба ҳамсари пулиси кушташуда бештар аз 2400 доллар ҷуброн пардозад. "Манзил ба Азимҷон Аскаров мерос мондааст. Дар робита ба он ки Аскаров ба ҳабси якумрӣ маҳкум шудааст... Читать дальше...

Дар 3-моҳаи аввали соли ҷорӣ Узбекистон дар ҷаҳон аз рӯи фурӯши ҳаҷми тилло дар мақоми аввал қарор гирифт. Дар ин бора дар ҳисоботи World Gold Council (Шӯрои ҷаҳонии тилло) зикр шудааст. Бино бар ин ҳисобот, Узбекистон аз моҳи январ то март 6 тонаву 200 кило тило фурӯхтааст. Мақоми дувумро Муғулистон бо 3,4 тона ва мақоми севумро Тоҷикистон бо фурӯши 1 тона тилло касб кардааст. Русия - бузургтарин кишвари харидори тилло унвон шуд. Аз моҳи январ то марти соли ҷорӣ Бонки марказии Русия 55,3 тона тилло харидааст. Читать дальше...

Дар мусобиқоти байналмилалии ҷудо “Baku Grand Slam 2019”, ки рӯзҳои 10-12-уми май дар шаҳри Бокуи Озарбойҷон баргузор мешавад, се паҳлавони тоҷик ширкат меварзад.

Бисту панҷ муҳоҷири тоҷик, ки бо даъвати як ширкати латвиягӣ барои кор ба ин кишвар рафтанд, мегӯянд, корфармо музди корашонро намедиҳад ва талош дорад, онҳо ихроҷ шаванд.