Новости за 02.05.2019

Дар Тоҷикистон на танҳо сомонаҳои хабарӣ, балки бозори замимаҳои интернетии “Play market” ва “App store” ва ҳатто тарҷумони Google Translator баста шудаанд. Ин амал корбаронро дар пайи филтршикан ба сомонаҳои нав ба нав раҳсипор мекунад.

Додситони ноҳияи Шаҳритус, дар ҷануби Тоҷикистон мардеро бо итттиҳомӣ дидаю дониста олуда кардани дигарон ба ВНМБ СПИД (вируси норасоии масунияти бадан) боздошт намуда, дар боздоштгоҳ нигоҳ медорад. Ин марди 48-сола сокини  ҷамоати Холматови ноҳияи Шаҳритус дар тақзи  моддаи 125-и Кодекси Ҷиноии Тоҷикистон, қисми 3, яъне “Сироят кардан бо инфексияи ВИЧ нисбати ду ё зиёда шахс” гумонбар мешавад, ки  дар сурати исбот шудани гуноҳаш, аз 5 то 10 соли ҷазоро пешбинӣ мекунад. Марде, ки аз бо андешаҳои ахлоқӣ исми ӯ танҳо бо ҳарфҳои Н. Читать дальше...

Ҳаракат дар шоҳроҳи Душанбе-Хуҷанд, ки маркази Тоҷикистонро бо шимоли кишвар мепайвандад, аз сар гирифта шуд. Рӯзи 2 май ба далели нишеб шудани кӯҳпораи азим як қисмати шоҳроҳ фурӯ рафта, ҳаракати нақлиёт қатъ гардид.

Ноҳияи Нуробод як ҳафтаи ахир дар сархатти расонаву шабакаҳост. Бархе мегӯянд, дар ин ноҳия масҷидҳо баста ва намози ҷумъа манъ шуд. Бархи дигар ба инанд, ки аслан чунин воқеаҳо ҷой надошт. Радиои Озодӣ хост, ҳақиқатро пайдо кунад.

Нархи роҳкиро дар хатсайри Душанбе-Бохтар боло рафтааст

Мудири боғчаи бачагонаи "Звёздочка" дар Краснодар, ки кӯдакеро маҷбур кард, зону занад ва заминро бӯсад, аз кор меронанд. Дар ин бора нашрияи "Кубанские новости" ба нақл аз мудири шӯъбаи маорифи ин шаҳр Алексей Некрасов хабар додааст.

Кӯҳпора роҳи Душанбе-Чаноқро баст, ронандагони мусофирбарҳои Хатлон нархи роҳкироро боло бурдаанд, мушкили гирифтани шиносномаи русӣ, қазияи намози ҷумъа дар ноҳияи Нуробод ва матолиби дигар.

Ноҳияи Нуробод, тайи як ҳафтаи ахир бо сару садоҳо дар бораи манъи намози ҷумъа дар чанд масҷидаш расонаӣ шуд ва ба яке аз мавзуҳои аслии баҳс дар шабакаҳои иҷтимоӣ табдил шуд. Хабарнигорони Озодӣ барои маълум кардани асли ҳодиса ба ин ноҳия сафар карданд.

Кумитаи кор бо ҷавонон ва варзиши Тоҷикистон аз сокинони кишвар хоҳиш намудааст, ки барои як рӯз аз истифодаи мошинҳои шахсӣ даст кашанд ва аз дучархаҳо истифода намоянд

Маркази забономӯзии "Ҳикматли билим"-и шаҳри Тошканд 15-уми апрел дар натиҷаи як рейди муштараки кормандони Идораи пулиси ноҳияи Олмазор ва Хадамоти амнияти давлатии Узбекистон баста шудааст. Омӯзгори забони арабӣ Дилфуза Каримова мегӯяд, маркази забономӯзӣ пас аз он баста шуд, ки маъмурони интизомӣ ҳангоми санҷиш дар он китоби Қуръонро пайдо карданд. "Онҳо Қуръонро дар синфхонае пайдо карданд, ки ман дарс медодам. Онҳо гуфтанд, ки шумо дарси динӣ медиҳед ва бинобар ин, марказро бастанд", - афзуд ҳамсуҳбати мо. Читать дальше...

Дар Узбекистон 100 дарсади саҳмияҳои ширкати "EDEL VEYS-ALI"-ро, ки молики нахустин радиои хусусии "Радио Гранд" дар ин кишвар аст, ба фурӯш гузоштанд. Бино ба хабари расонаҳои Узбекистон, арзиши ширкат 4,1 миллиард сӯм (ҳудуди 480 ҳазор доллар) муайян шудааст. Музоядаи фурӯши ширкат 8 майи соли равон баргузор мешавад. Пештар Додситонии кулли Узбекистон хабар дод, ки шавҳари пешини духтари калонии президенти нахустини Узбекистон Гулнора Каримова - Мурод Мадумаров дар нақшаи коррупсионии Каримова даст дошта... Читать дальше...

Ноиб-сарвазири Қирғизистон Қуботбек Борон гуфт, ки ширкати "ЮрОсиё дар Қирғизистон" дар робита ба бозхонди иҷозатномаи фаъолияташ дар кони урани вилояти Иссиқкӯл шикояте надорад. "Мо бо ширкати "ЮрОсиё" гуфтугӯ кардем. Онҳо нигаронии ҷомеаро ба эътибор гирифтанд ва бе ҳеч даъвое розӣ шуданд", - гуфт Боронов. Эътирозҳо зидди истихроҷи уран дар Қирғизистон баъди он сар зад, ки хабари коркарди кони уран дар вилояти Иссиқкӯл расонаӣ шуд. Фаъолони маданӣ ба ҷамъоварии имзо шуруъ ва тасмими баргузории эътирозҳоро эълом карданд. Читать дальше...

Роҳбари мухолифон ва раиси порлумони Венесуэла Хуан Гуайдо гуфт, ки дар даргириҳо бо мақомоти ҳифзи ҳуқуқ ду эътирозгар - ҷавондухтари 27-сола ва ҷавонписари 24-сола кушта шуданд. "Ин кор бояд қатъ шавад ва қотилон бояд масъулияти амалҳояшонро эътироф кунанд. Ман зиндагиамро дар гарав мегузорам", - навишт Гайдо дар Твиттер. Хабаргузории Reuters иттилоъ дод, ки эътирозҳои 1-уми май дар Каракас аз тарси мақомоти интизомӣ хомӯш шуданд ва артиш ҳамоно аз Мадуро ҳимоят мекунад. Ахиран Гуайдо хабар дод... Читать дальше...

То анҷоми мӯҳлати иваз кардани шиносномаҳои коғазӣ ё намунаи соли 1996 бо шиносномаҳои пластикӣ (намунаи соли 2014) барои дарёфти симкорт чаҳор моҳи дигар мондааст, вале талоши мардум барои гирифтани санадҳои нав хеле суст ба назар мерасад.

Рӯзҳои 30-юми апрел ва 1-уми май бозиҳои аввали даври ниманиҳоии Лигаи қаҳрамонҳои УЕФА баргузор шуданд.

Додситони кулли ИМА Уилям Барр 1 май дар робита ба гузориши додситони махсус Роберт Мюллер дар бораи тафтиши робитаи атрофиёни наздики президент Доналд Трамп бо Русия дар Конгресс баёнот дод. Уилям Барр аз ҷумла гуфт, ки Трамп барои монеъ шудан ба адолат дар "тафтишоти дахолати Русия" ба ҷавобгарии ҷиноӣ кашида нахоҳад шуд. Эҳтимоли дахолати Русия ба интихоботи президентии Амрикоро дар соли 2016 додситони махсус Мюллер ду сол тафтиш карда, натиҷаи он 24 марти соли равон нашр шуд. Барр, ки раҳбари бевоситаи Мюллер аст... Читать дальше...

Президент Владимир Путин қонуни ҷудо сохтани интернети Русияро аз шабакаи ҷаҳонӣ имзо кард. Матни қонун дар сомонаи иттилои ҳуқуқии Русия нашр шуда, он аз 1 ноябри соли равон ба иҷро медарояд. Қонуни мазкур фароҳам кардани имкони техникии ҷудосозии бахши русии Рунетро аз интернети ҷаҳонӣ пешбинӣ мекунад. Иҷрои онро Роскомнадзор назорат ва тартиби насбу интиқоли таҷҳизотҳои лозимиро ҳукумати Русия тасдиқ хоҳад кард. Муаллифони лоиҳаи қонун раиси кумитаи Шӯрои федеролӣ дар умури қонунҳои конститутсионӣ Андрей Клишас... Читать дальше...

Як қисмати роҳи Душанбе-Хуҷанд-Чаноқ, шоҳроҳе, ки шимоли Тоҷикистонро бо маркази пайваст мекунад, субҳи чаҳоршанбеи 2-юми май фурӯ рафтааст. Фурӯравии як куҳпораи азим ҳаракати нақлиётро дар ин роҳ қатъ кардааст.

Осоишгоҳи Харангон дар ноҳияи Варзоб макони зисти даҳҳо кӯдаку навраси тоҷик шудааст, ки шаби 30-юми апрел аз зиндонҳои Ироқ ба Тоҷикистон оварда шуданд. Модарони бисёре аз онҳо барои узвият дар гуруҳи тундрави "Давлати исломӣ" зиндонӣ гардидаанд.

Хабарнигорони Радиои Озодӣ ба осоишгоҳи Харангон дар ноҳияи Варзоб рафтанд, ки онҷо кӯдаконеро нигаҳ медоранд, ки рӯзи 30-уми апрел аз Ироқ оварданд. Модарони бисёре аз онҳо барои узвият дар ДОИШ зиндонӣ шудаанд. Видео бидуни шарҳ аст.

Мақомоти Узбекистон гуфтанд, омодаанд, ҷасади Умеда Эгамуродоваро, ки дар вилояти Тулаи Русия кушта шуд, ба Узбекистон биоранд. "Вазорати шуғл ва муносибатҳои меҳнатии Узбекистон ба аъзои хонаводаи Умеда Эгамуродова изҳори тасаллият мекунад. Сарфи назар аз он ки вай шаҳрванди Русия буд, вазорат омода аст, ки барои интиқол додани ҷасадаш ба Узбекистон кумак расонад", - омадааст дар изҳороти расмии вазорат. Вазорати корҳои хориҷии Узбекистон низ ба наздикон ва пайвандони Умеда изҳори ҳамдарӣ баён кардааст. Читать дальше...

Мирзо Турсунзода, шоири шинохта, қаҳрамони Тоҷикистон ва раҳбари пешини Иттиҳоди адибон, рӯзи дувуми май 108-сола шуд. Дар ин рӯз хабарнигори Радиои Озодӣ бо Масъуд Турсунзода, писари калонии шоир, дар хона-музейи ӯ дар Душанбе сӯҳбат кард.

Дуюми май рӯзи таваллуди Мирзо Турсунзода, шоири маъруфи тоҷик аст. Агар умр вафо мекард, адиби маҳбуб, ки пас аз марг унвони Қаҳрамони Тоҷикистонро гирифт, 108-сола мешуд. Дар остонаи ин рӯз Радиои Озодӣ ба суроғи Масъуд Турсунзода, писари адиб рафт ва аз хотираҳои ӯ дар бораи падараш пурсид,

Дар ҳоли ҳозир дар Туркманистон ҷустуҷӯи ҷавонони 27-солае идома дорад, ки хизмати ҳарбӣ накардаанд. Намояндагони мақомоти ҳарбии Туркманистон ҷустуҷӯи ҷавононро барои даъват ба артиш сахттар карданд. "Хабарҳое ҳаст, ки аз ин ба баъд донишаҷӯёни дар хориҷ таҳсилкунандаро ба маҳзи расидан ба ватан аз фурудгоҳ мустақим ба қисмҳои низомӣ мебаранд. Волидон ба фарзандонашон дастур медиҳанд, ки то тамом шудани донишгоҳ ба ватан наоянд", - гуфт як сокини маҳаллӣ. Дар ҳоли ҳозир синни даъват ба артиш то 27-соларо ташкил медиҳад... Читать дальше...

Дар шаҳри Кӯлоб гурӯҳе аз довталабони кор дар ниҳодҳои давлатӣ танҳо баъди хондани суруди миллӣ ва адои савганди садоқат ба фаъолият оғоз карданд.