Новости за 19.05.2019

Бино ба хабарҳои расида, дар маҳбаси шаҳри Ваҳдат ("Кирпичний") задухӯрд рух додааст. Як манбаъ дар ниҳодҳои интизомӣ гуфт, даргирӣ байни маҳкумшудаҳо ва маъмурони зиндон шаби 19-уми май иттифоқ афтод.

Баҳсҳо дар мавриди зарурати ҳифзи забонҳои помирӣ ва яғнобӣ дар Тоҷикистон аз замони ба даст овардани истиқлол то кунун давом дорад.

Рӯзи якшанбе селаи шоҳпаракҳо дар Душанбе пайдо шуд ва сокинони пойтахтро ба ҳайрат овард. Чандин нафар дар "Фейсбук" аз пайдо шудани он хабар доданд. Баъзе аз зебоии он гуфтанд ва баъзеи дигар аз зарар доштан ё надоштанаш пурсиданд. Яке аз корбарон навишт, "ин чӣ навъ шоҳпарак аст? Якбора чунон зиёд шуд, ки ҳайрон ҳастем. Боз заҳрдор набошад?" Неъматулло Сафаров, доктори илми билогия, рӯзи 19-уми май гуфт, “ин навъи шоҳпаракҳоро “бонуи наққошишуда” ҳам  меноманд ва онҳо бар асари гармӣ ва ҳамзамон намии зиёд пайдо шудаанд”. Читать дальше...

Вазорати умури дохилии Тоҷикистон чаҳор нафарро бо гумони даст доштан дар сӯхтори гази моеъ дар хиёбони Айнӣ, яке аз кӯчаҳои марказии Душанбе, дастгир кардааст.

Қазияи Гулбегим Раҳмонова, сокини Душанбе, ки бо нияти кор ва хариди хона ба Русия рафт, вале аз онҷо тобуташро оварданд, баҳс дар бораи муҳоҷирати занони тоҷикро дубора доғ кард.

Қазияи Гулбегим Раҳмонова, сокини Душанбе, ки бо нияти кор ва хариди хона ба Русия рафт, вале аз онҷо тобуташро оварданд, баҳс дар бораи муҳоҷирати занони тоҷикро дубора доғ кард. Хабарнигори Радиои Озодӣ аз роҳгузарон дар Душанбе пурсид, ки ба назари онҳо занони тоҷик ба муҳоҷирати корӣ раванд ё нараванд?

Арабистони Саудӣ муттаҳидони худро дар минтақа ба ду нишасти фаврӣ даъват кардааст. Шоҳи Саудӣ рӯзи 18-уми май аз раҳбарони Шӯрои Ҳамкории Халиҷ ва Иттиҳодия ё Лигаи Араб хост, ки рӯзи 30-юми май дар Макка ҷамъ оянд. Мавзӯи асосии нишастҳо Эрон хоҳад буд. Мақомоти Арабистони Саудӣ ҳам гуфтанд, ки дар музокирот ҳамла ба чаҳор киштӣ дар соҳили Имороти Муттаҳидаи Араб ва силсилаи ҳамлаҳо бо дрон ба маҳалли тавлиди нафт дар наздикии Риёз баҳс хоҳад шуд.  Эрон даст доштани худро дар ҳамла ба киштиҳо рад кардааст. Читать дальше...

Наздики 30 000 нафар сокинони маркази вилояти Суғд, кормандони ташкилоту идораҳо, соҳаҳои фарҳангу маориф ва ҷавонону варзишгарон дар Дави миллӣ ширкат карданд

Бино ба гузоришҳо, ширкати бузурги нафти Exxon Mobil панҷоҳ корманди амрикоии худро аз Ироқ берун кардааст. Ин иқдом дар пасманзари танишҳои афзоянда миёни Амрикову Эрон ва бо "нигаронӣ аз низои ҳарбии билқувва" сурат мегирад. Вашингтон бо ишора ба таҳдидҳои эҳтимолӣ аз сӯи Эрон ба афзоиши дороиҳои ҳарбии Амрико дар Ховари Миёна ва Халиҷи Форс дастур додааст. Вазорати умури хориҷии ин кишвар ҳам хостааст, он кормандони сафорати Амрико дар Бағдод, ки ҳузурашон дар сафорат ҳатмӣ нест, Ироқро тарк кунанд. Читать дальше...

Ёдгор Файзов, раиси Вилояти Мухтори Куҳистони Бадахшон дар дави миллӣ, ки ҳамасола дар саросари кишвар баргузор мешавад, иштирок намуд

Имрӯз ҳазорону ҳазорон боз девони шеъри Лоиқро мекушоянд. Аммо, ангор, дафтари шеъри ӯ ҳамеша, чи айёми буданаш ва чи баъди рафтани андӯҳбораш, дасти ба даст будааст. Наслҳое бо ин шеър ба воя расиданд ва наслҳое ба воя мерасанд.

Дар Душанбе як крани борбардор аз баландии беш аз 30 метр чаппа шуда, ба чанд хона зарар расондааст. Ин кран дар сохтмони бинои баландошёнаи ширкати "Дунёи Анвар", дар маҳаллаи наздик ба бозори "Корвон", кор мекард.

Додгоҳи олии Узбекистон рӯзи 16-уми май қарори зинаи поёнӣ дар бораи мусодираи хонаи Ғайрат ва Шӯҳрат Бобоҷоновҳоро бекор кардааст. Ин қарор соли 2018 содир шуда буд. Хабарнигорони Радиои Озодӣ чанд сол пеш ба тарки хонаҳои худ дар Узбекистон маҷбур шуданд ва ҳоло дар хориҷа зиндагӣ мекунанд. Соли гузашта додгоҳе дар вилояти Хоразм қарор кард, ки хонаи Бобоҷоновҳо "бесоҳиб аст" ва бояд ба тавозуни ҳукумати маҳаллӣ гузаронда шавад. Бо вуҷуди пофишории ҳукумат, Додгоҳи олии Узбекистон ҳуқуқи хабарнигорони Радиои Озодиро ба манзил тасдиқ кард.

Дар рақобатҳои имсолаи Eurovision, ки шаби 18-уми май дар шаҳри Телавиви Исроил баргузор шуд, Дункан Лауренс – намояндаи Ҳолланд – ҷойи аввалро касб кард. Бар асоси муқаррароти Eurovision, Ҳолланд соли оянда мизбони ин ҷашнвораи мусиқӣ хоҳад буд. Даҳҳо миллион нафар дар сартосари ҷаҳон рақобати Eurovision-ро аз тариқи телевизионҳои худ ба гунаи зинда тамошо карданд. Мақоми дувумро Итолиё ва ҷойи севумро Русия гирифт.

Рӯзи 19-уми май дар Тоҷикистон дави миллӣ ва марафони дучархаронӣ ё веломарафон доир гардид. Дар ин чорабиниҳо, ки ба Рӯзи ҷавонони Тоҷикистон бахшида шуд, ҳазорҳо одамони сину сол ва касбу корашон гуногун ширкат карданд.  Ба иттилои Раёсати кор бо ҷавонон ва варзиши шаҳри Душанбе, дар дави миллӣ ва веломарафон дар пойтахти кишвар ҳудуди 50 ҳазор кормандони вазорату идораҳо, ва донишгоҳҳо иштирок карданд. Ба ғолибон ва иштирокдорони фаъоли дави миллӣ ва марафони велосипедронӣ дар манотиқи мухталифи кишвар ҷоиза супурда шуд. Читать дальше...

Кумитаи миллии олимпии Тоҷикистон, ки роҳбарии онро Эмомалӣ Раҳмон ба уҳда дорад, ҳафтаи равон роҳбарони комиссияҳои доимамалкунандаи ин ниҳодро таъин кард

Мақомоти Тоҷикистон мегӯянд, дар се моҳи аввали имсол беш аз 3 ҳазор оила аз ҳам пошидааст, ки баъзе аз онҳо навхонадор ва баъзеи дигар соҳиби чанд кӯдак ҳастанд. Дар Идораи сабти асноди ҳолати шаҳрвандӣ ё ЗАГС гуфтанд, ин рақам дар муқоиса ба се моҳи аввали соли гузашта тақрибан 150 ҳолат зиёд ва нигаронкунанда аст. Мақомот сабабҳои талоқу ҷудошавии оилаҳоро ба зӯроварӣ, муҳоҷират ва дахолати тарафи севум медонанд. Коршиносон ҳам мегӯянд, зиндагии якҷояи чанд оила дар як ҳавлӣ, камбизоатӣ, издивоҷҳои бармаҳал... Читать дальше...

Президенти ИМА Доналд Трамп ин ҳафта тарҳи ислоҳи сиёсати муҳоҷирати кишварашро эълом дошт, ки дар он ба ҷои хешовандӣ ба шоистагӣ бартарӣ дода мешавад ва шеваи кори толеъномаи Green Card тағйир мекунад.

Мақомоти расмӣ дастур додаанд, мақбараҳои бузургеро, ки дар оромгоҳҳои Тоҷикистон бидуни иҷоза сохта шудаанд, вайрон кунанд.