Новости за 14.03.2020

Мақомоти Тоҷикистон то ба ҳол ягон ҳолати гирифтор шудани шахсе ба короновирус ва ё вируси “COVID-19”-ро дар кишвар тасдиқ накарданд. Аммо мавҷи таъсири бади хуруҷи ин вирус дар ҷаҳон то ба Тоҷикистон расид

Президенти Русия Владимир Путин қонун дар бораи тағйирот ба конститутсияро имзо кард. Акнун онро бояд додгоҳи конститусионӣ баррасӣ кунад ва барои овоздиҳӣ ба рефернедум ё ҳамапурсии мардумӣ гузорад. Матни қонун, ба ҷуз тағйироти дигар, инчунин тавозуни қудрат дар кишвар, имкони аз мақом барканор кардани додрасҳои Додгоҳи конститутсионӣ ва Додгоҳи олӣ, ба ҳеҷ ё сифр баробар кардани мӯҳлатҳои гузаштаи президентии Владимир Путин ва Дмитрий Медведевро дар назар мегирад. Ин тағйирот ба ҳардуи онҳо ҳақ медиҳад... Читать дальше...

Матбуоти ғарбӣ хабар дод, ки болои пойгоҳи нирӯҳои амрикоиву эътилофӣ дар шимоли Бағдод мушак партоб шуд. Ҳамлаи 14 март болои Кампи Тоҷӣ дар ҳоле рух дод, ки чанд рӯз пеш дар айни чунин ҳамла се нафар, аз ҷумла як сарбози бритониёӣ ва ду амрикоӣ кушта шуданд. Хабаргузории  АР аз қавли мақомоти ироқӣ гуфт, ки ба пойгоҳ даҳҳо мушак партоб шуд ва бархе аз онҳо ба қароргоҳи  эътилоф ва дигарҳо ба макони истиқрори нирӯҳои ироқӣ асобат кард. Ҳанӯз иттилое дар заминаи хисороти эҳтимолӣ дар даст нест. Читать дальше...

Паҳншавии босуръати коронавирус дар бисёр кишварҳои ҷаҳон ва ба “маркази коронавирус” табдил шудани Аврупо, ҷадвали парвозҳои бисёр ширкатҳои ҳавопаймоиро таҳрир кард ва боиси  коҳиши шумори мусофирон шуд. Аз ҷумла, ширкати ҳавоии “Turkish Airlines” шумори парвозҳояш  ба Душанберо як адад коҳиш дода ҳамакнун ҳафтае ду бор дар самти Душанбе-Истамбул парвоз анҷом медиҳад. Истамбул  нуқтаи муҳими транзитӣ барои сафар ба нуқоти дигари ҷаҳон мебошад ва мусофирон аз Тоҷикистон аз ин самт зиёд истифода мекунад. Читать дальше...

Додситони кулли Тоҷикистон Юсуф Раҳмон гуфт, соли гузашта дар Тоҷикистон беш аз як ҳазор ҷинояти марбут ба терроризму экстремизм ба қайд гирифта шуд, ки наздики 300 маврид бештар назар ба соле аз он пеш аст. Дар мусоҳибаи ихтисосиаш бо оҷонсии расмии “Ховар” додситони кули Тоҷикистон гуфт, соли 2019 дар Тоҷикистон “1029 ҷинояти  хусусияти террористию  экстремистидоштаро  ошкор ва ба қайд” гирифтаанд ва  “нисбат ба 395 нафар барои  шомил шудан ба ташкилоти фаромиллии  террористӣ ва  иштирок дар муқовиматҳои  мусаллаҳонаи кишварҳои  хориҷӣ... Читать дальше...

Дар як мулоқот бо дипломатҳои  хориҷӣ ва созмонҳои байналмилалии фаъол дар Тоҷикистон мақомоти ин кишвар  вазъи пешгирӣ аз паҳншавии коронавирусро шарҳ доданд. Вебсайти вазорати корҳои хориҷии Тоҷикистон рӯзи 14 март хабар дод, ки дар брифинг рӯзи ҷумъа дипломатҳои хориҷӣ дар бораи тадбирҳои мақомоти тоҷик зидди коронавирус огоҳонида шуданд. Тоҷикистон мегӯяд, дар ин кишвар то ҳол ҳеҷ ҳодисаи гирифторӣ ба коронавирус ба қайд гирифта нашудааст.  Дар брифинги дипломатҳои хориҷӣ масъулони Вазорати корҳои хориҷӣ... Читать дальше...

Рӯзи 14 март баъди ду рӯзи боздошт мақомоти интизомии  Туркия як фаъоли созмони дар Тоҷикистон мамнӯи   “Гурӯҳи 24”-ро озод карданд. Дар изҳороти интернетии ин созмон сабабу ҷузъиёти боздошти дурӯзаи Насимҷон Шарипов шарҳ дода нашудааст ва танҳо гуфта шудааст, ки худи ӯ базудӣ дар ин бора иттило медиҳад. “Гурӯҳи 24”, ки бо қарори соли 2014-и Додгоҳи Олии Тоҷикистон мамнӯъ ва ифротӣ эълон шудааст, дар рӯй додани “ин моҷаро” ҳукумати Тоҷикистонро гунаҳгор медонад. Мақомоти Тоҷикистон то ҳол дар бораи ин қазия изҳори назар  надоданд. Читать дальше...

Мақомоти беҳдошти Тоҷикистон мегӯянд, аз 1 феврал то 14 март дар ин кишвар 1603 нафар дар робита бо таҳдиди коронавирус бо карантин фаро гирифта шуданд ва аз инҳо 1280 нафарашон ба хонаҳояшон баргаштанд. Дар хабари вазорати беҳдошти Тоҷикистон аз 14 март гуфта мешавад, ки  дар баробари шаҳрвандони Тоҷикистон, инчунин онҳое, ки аз Чин, Кореяи Ҷанубӣ, Ҷопон, Италия, Эрон ва Афғонистон баТоҷикистон омаданд, бо карантин  фаро гирифта шудаанд. 323  нафарашон ҳамоно дар  беморхонаҳои сироятӣ нигаҳдорӣ мешаванд ва ба таъкиди мақомот... Читать дальше...

Намояндаи вазорати корҳои хориҷии Чин Чжао Литзян тахмин кард, ки коронавирус, ки омили пайдоиши инфексияи Ковид-19 мешавад, ба шаҳри чинии Вуҳан метавонист аз ҷониби низомиёни амрикоӣ ворид шавад. Дар саҳифааш дар Твиттер ӯ ба изҳороти интиқодии мушовири президенти ИМА Роберт О’Брайен вокуниш кард, ки Чинро дар вокуниши заъиф ба хуруҷи вирус ва адами шаффофият дар заминаи муқобила бо он гунаҳгор кард. О’Брайен тахмин кард, ки таъхири Чин “ду моҳи ҷаҳониёнро гирифт”, дар ҳоле, ки ин мӯҳлат барои омода шудан ба эпидемия лозим буд. Читать дальше...

Рӯзи охири машқҳои муштараки зиддитеррористии нирӯҳои Тоҷикистону Узбекистонро дар машқгоҳи низомии Фахрободи Тоҷикистон вазири дифои Узбекистон Баҳор Қурбонов ва ҳамтои тоҷикаш Шералӣ Мирзо назорат хоҳанд кард. Дар ин бора вебсайти  ИнфоШос хабар медиҳад, ки марбут ба Созмони ҳамкориҳои Шонгҳой аст. Машқҳои муштараки зиддитерористии нирӯҳои таъиноти махсуси вазорати дифои ду кишвари ҳамсоя 11 март шурӯъ шуда имрӯз натиҷагирӣ мешаванд. Инчунин қарор аст баъди анҷоми машқҳо вазирон дар бораи масоили... Читать дальше...

Департаменти давлатии ИМА “изҳори хоҳиш кард, ки ширкатҳои амрикоӣ билофосила бо қимати рақобатпазири бозорӣ ба Беларус нафт фурӯшанд”. Ин як аломати рӯшан ба Минск ва ҳамсояаш Русия аст, ки Вашингтон хостори тавсеаи тиҷорат бо ин ҷумҳурии собиқи шӯравӣ мебошад. Сухангӯи Департаменти давлатӣ рӯзи 13 март гуфт, ки котиби давлатӣ Майк Помпео дар сӯҳбати телефониаш бо вазири хориҷаи Беларус Владимир Макей ба “пуштибонии ИМА аз истиқлолияти Беларус таъкид карда” дар ин сӯҳбат “роҳҳои имконбахши тавсеаи... Читать дальше...

Ҳизби сотсиал-демократии Тоҷикистон (ҲСДТ) – ҳизбе, ки бори дигар дар остонаи интихобот ҳамчун ягона ҳизби мухолиф мавриди таваҷҷуҳи расонаҳои ҷаҳонӣ қарор гирифт, муборизаҳояшро бо шикаст ба поён расонд. Роҳбарият ва ҷонибдорони ҳизб таслим шуданӣ нестанд, аммо коршиносон мегӯянд, ҳизб тамоми нерӯяшро харҷ карда ва намешавад аз он интизории дигаре дошт. Шикасти пешгӯишаванда София Мусофир, яке аз ҷонибдорони собиқадори ҲСДТ, сарфи назар аз шикастҳои ҳизб дар тамоми интихоботҳои гузашта, ҳамоно ба порлумонӣ шудани он бовар дорад. Читать дальше...

Созмони Ҷаҳонии Беҳдошт рӯзи 13 март гуфт, Аврупо аз нуқтаи назари паҳншавии коронавирус аз Чин пеш гузашт ва ҳоло шумораи қурбониёни беморӣ дар ҷаҳон ба 5000 нафар расида, давлатҳо барои пешгирӣ аз вусъати он ба бастани марзҳо ва чораҳои изтиророӣ машғуланд.