Новости за 23.03.2020

Бо фаъол шудани корхонаи “Саман” дар шаҳри Кӯлоб ва атрофи он қимати тухми мурғ поин рафт. Сӣ дона тухми ин корхона 21 сомонӣ қимат дорад. Қаблан як қуттӣ тухми мурғро дар инҷо 27 сомонӣ мефурӯхтанд.

Бар асоси пажӯҳиш, ки Маркази тадқиқоти стратегии Тоҷикистон дар ҳамкорӣ бо UNICEF, ё Бунёди ҳимоят аз кӯдакони Созмони Милали Муттаҳид анҷом додааст, 34 дарсади духтарони мактабхон гуфтаанд, табиб шудан мехоҳанд ва 23 фисад омӯзгориро бартарӣ доданд.

Кумитаи ҳолатҳои фавқулода дар вилояти Хатлон, садҳо сокини деҳоти Ҳалқаҷари ноҳияи Хуросонро ба ҷоий амн кӯчонидааст. 21 уми март бархе аз манзилҳои мардуми ин деҳа зери сел монданд ва як нафар ба ҳалокат расид.

Бархе аз ширкатҳо ва муассисаҳои Тоҷикистон барои ҷилавгирӣ аз паҳн шудани коронавирус фаъолиятро маҳдуд карда, кормандонашонро ба рухсатии бемузд фиристодаанд.  Ширкатҳои ҳавоии Тоҷикистон – "Сомон Эйр" ва "Тоҷик Эйр" ва чаҳор фурудгоҳи байналмиллалии кишвар бештаре аз кормандони худро ба рухсатии иҷбории бемузд фиристоданд. Намояндаҳои ин ширкатҳо ба Радиои Озодӣ рӯзи 23-уми март гуфтанд, ки чунин иқдом баъди он гирифта шуд, ки парвозҳои хориҷӣ ба Тоҷикистонро барои пешгирӣ аз ҷилавгирӣ аз сирояти коронавирус рӯйи даст гирифта шудааст. Читать дальше...

Як пажӯҳиш муайян кардааст, ки табибӣ ва омӯзгорӣ аз касбҳои серхаридор миёни духтарон будааст. Бар асоси пажӯҳиш, 34 дарсади духтарони мактабхон гуфтаанд, табиб шудан мехоҳанд ва 23 фисад омӯзгориро бартарӣ доданд.

Дар ҳоле ки тақрибан аксарияти кишварҳо марзҳои худро мебанданд, ҳанӯз ҳам гурӯҳе аз сокинони Тоҷикистон талош доранд ба хориҷа ва ё баръакс аз он ҷо ба ватан сафар кунанд.

Варзишкори номӣ Ҳабиб Нурмуҳаммедов якҷо бо командааш тарки Амрико карда, ба Русия баргаштааст. Ӯ дар ИМА дар толори варзишие тамрин мекард

Ба думболи сарсониву саргардонии мусофирони тоҷик дар фурудгоҳҳои Русия вазорати умури хориҷӣ гуфт, ки мақомоти расмӣ масъалаи ташкили парвозҳои чартерӣ барои бозгардонидани онҳоро баррасӣ дорад.

Вазорати умури хориҷии Тоҷикистон мегӯяд, ҷонибҳо дар мавриди қатъи муваққатии равуои шаҳрвандони ду кишвар, ҳаракати нақлиёти мусофирбару шахсӣ ба исниснои мошинҳои борбар, сӯҳбат намудаанд.

Дар шаҳри Кӯлоб нархи тухм поин омадааст. Таъсиси корхонаи нави парандапарварӣ дар ин минтақа барои сокинони Кӯлоб имконияти харидории тухмро бо нархи арзонтар аз бозор, фароҳам намудааст.

Як профессори амрикоӣ мегӯяд, роҳҳои монеъ шудан ба густариши бемории КОВИД-19 вуҷуд дорад. Лорен Энсел Мeйерс, профессори омору биология дар Донишгоҳи Остин дар Техас дар сӯҳбат бо Садои Амрико изҳори умедворӣ кард, ки кишварҳои ҷаҳон қодир ба кашидани лаҷоми ин беморӣ ҳастанд.

Саркашиши калисои ортодокси Русия Андрей Ткачев ба мавъизахонӣ бо ниқоби зидди газ (противогаз) ҳозир шуда, бо ин кораш онҳоеро, ки аз таҳдиди олудашавӣ ба коронавирус ниқоб ба рӯй мегарданд, ба масхара кашид. Дар ин бора рӯзи 23 март  Радио Свобода бо такя ба ТВ “Дождь” хабар дод. Баъди он ки намозгузорон ба ин кори кашиш бо ханда вокуниш карданд, ӯ ба намозхонӣ сар кард. Баъди чанд вақт ӯ ниқоби зидди газро аз рӯяш бадар кард ва телевизиону матбуоти дигарро барои нашри хабар дар бораи паҳншавии коронавирус “оби ифлос” номид. Читать дальше...

Додгоҳе дар Бишкек рӯзи 23 март муҳокимаи парвандаеро, ки яке аз гумонбаронаш собиқ президент Алмосбек Отамбоев аст, ба мӯҳлати дигар гузаронд. Қундуз Ҷолдубоева, яке аз гумонбарон ва собиқ ёвари Отамбоев гуфт, ки қарори ба таъхир гузоштани мурофиаи додгоҳӣ ба бад шудани саломатии собиқ президент рабт дорад. Ҷолдубаева гуфт, “баъд аз зӯҳр фишори хунаш паст шуд. Инро духтури боздоштгоҳи КДАМ, ки ӯро ҳамроҳӣ мекард, тасдиқ кард. Мурофиаи баъдӣ 30 март барпо мешавад”. Қаблан вакили дифоъ Замир Ҷоошев... Читать дальше...

Майк Помпео, вазири умури хориҷии Амрико рӯзи 23-юми март дар як сафари аз қабл эълоннашуда, ба Афғонистон сафар кард. Вазири умури хориҷии Амрико бо президент Ашраф Ғанӣ ва рақиби сиёсии ӯ Абдуллоҳ Абдуллоҳ дидору гуфтугӯ намуд. То ба ҳол ҷузъиёти ин гуфтугӯҳо эълон нашудааст. Дафтари матбуоти Абдуллоҳ Абдуллоҳ дар сафҳаи "Фейсбук" хабар дод, ки ду тараф дар бораи аҳамият ва муваффақияти раванди сулҳ ва зарурати ҳалли бӯҳрони сиёсӣ, ки аз интихоботи президентӣ сарчашма мегирад, баҳс ва табодули назар карданд. Читать дальше...

Эрон бори дигар пешниҳоди ИМА дар заминаи кӯмаки башариро рад кард. Президенти Ҷумҳурии Исломӣ Ҳасани Рӯҳонӣ гуфт, агар Вашингтон дар амри муқобила бо коронавирус мехоҳадк ба Эрон кӯмак кунад, бояд таҳримҳоро бекор кунад. Ӯ гуфт: “Раҳбарони Амрико дурӯғ мегӯянд... Агар онҳо дар фикри кӯмак ба Эрон бошанд, танҳо коре, ки бояд бикунанд, ин бекор кардани таҳримҳо аст... Баъди ин мо бо хуруҷи коронавирус муқовимат карда метавонем”. Рӯҳонӣ ин ҳарфҳоро рӯзи 23 март дар як изҳороти телевизиониаш баён кард. Читать дальше...

Котиби давлатии ИМА Майк Помпео дар талоши суръат бахшидан ба шурӯи иҷрои созиши моҳи гузаштаи сулҳи ИМА ва Толибон дар фазои таҳдиди паҳншавии коронавирус, ногаҳон рӯзи 23 март вориди Кобул шуд. Ӯ қарор аст бо президенти Афғонистон Ашраф Ғанӣ ва рақиби сиёсии ӯ Абдуллоҳ Абдуллоҳ дидору гуфтугӯ кунад.  Баҳси атрофи ин ки чӣ касе барандаи интихоботи президентии тирамоҳи порсол шудаааст, мояи ошуфтагии иловагии сиёсӣ гардид ва ИМА нигарон аст, ки сулҳи бадастомада бо Толибон таҳти хатар қарор мегирад. Читать дальше...

Рӯзи 23 март дар Бишкек мурофиаи додгоҳии собиқ президенти Қирғизистон Алмосбек Отамбоев ва 13 гумонбари дигар шурӯъ мешавад. Ин нафарон барои муқовимат ба ходимони полис дар соли гузашта дар як ихтилофи сари боздошти Отамбоев дар хонааш гумонбар мешаванд. Додгоҳи ноҳияи Якуми Маи шаҳри Бишкек қарор кард, ки мурофиа дар пушти дарҳои баста мегузарад. Алмосбек Отамбоев дар нақзи чанд моддаи Кодекси Ҷиноии Қирғизистон, аз ҷумла, барои дар соли 2003 аз зиндон озод кардани як раҳбари гурӯҳи муташаккили ҷиноӣ гумонбар мешавад. Читать дальше...

Хабаргузории русии ТАСС бо такя ба натиҷаҳои пешакии интихоботи такрории президентии Абхозистон – минтақаи ҷудоиталаби Гурҷистон навишт, ки раҳбари мухолифон Аслан Бжания барандаи ин сабқат шудааст. Дар нақли қавл аз як узви беноми комиссиюни марказии интихоботи Абхозистон, хабаргузорӣ гуфт, ки дар паи шумориши 56,5 дарсади овозҳо,  Бжания пештози ин сабқати сиёсӣ дониста мешавад.   Дар овоздиҳии рӯзи  22 апрел 71 дарсади овоздиҳандагон иштирок карданд. Интихобот дар сурати ширкати беш аз 50 дарсади ширкатдорон баргузоршуда маҳсуб меёбад. Читать дальше...

Нахуствазири Тоҷикистон бо ҳамтои узбекистониаш гуфтугӯи телефонӣ анҷом додааст. Дафтари матбуоти Вазорати умури хориҷии Тоҷикистон хабар дод, ки тамоси телефонӣ миёни Қоҳир Расулозода ва Абдулло Орипов рӯзи 22-юми март бо ташаббуси ҷониби Узбекистон сурат гирифтааст. Ба иттилои манбаъ, меҳвари гуфтугӯи ҷонибҳо, ҷилавгирӣ аз паҳншавии коронавирус ва "таъмини амният ва саломатии ҷомеа" будааст. Вазорати умури хориҷӣ мегӯяд, ки ҷонибҳо дар мавриди қатъи муваққатии равуои шаҳрвандони ду кишвар, ҳаракати... Читать дальше...

Як рӯз пас аз он, ки Кумитаи байналмилалии олимпӣ эълон кард, ки бинобар паҳншавии бемории корона дар саросари ҷаҳон, масъалаи баргузор шудан ё нашудани Бозиҳои олимпӣ дар Токиоро баррасӣ мекунад, нахуствазири Ҷопон эҳтимоли ба таъхир андохтани ин мусобиқотро матраҳ кард. Рӯзи 22-юми март дар ҷараёни нишасти ҳайати иҷроии Кумитаи байналмилалии олимпӣ, ин ниҳод эълон кард, то чаҳор ҳафтаи дигар дар мавриди ин, ки Бозиҳои олимпӣ-2020 дар Токио - пойтахти Ҷопон доир шавад ё на, тасмим хоҳад гирифт. Читать дальше...

Ангела Меркел, нахуствазири Олмон бинобар тамос бо табибе, ки озмоиши коронаи ӯ мусбат эълом шудааст, худро дар хона карантин кард. Тибқи иттилои расонаҳои Олмон, як табиб, ки рӯзи 21-уми март хонум Меркелро муоина карда буд, ба коронавирус мубтало будааст. Пас аз нишасти хабарии нахуствазири Олмон дар рӯзи якшанбе, ин мавзӯъ ба хонум иттилоъ дода шуд ва ӯ худро дар хона карантин кард ва қарор шуд, ки аз ӯ озмоиши корона гирифта шавад. Нахуствазири Олмон дар нишасти матбуотиаш тасмимҳои наверо... Читать дальше...

То 22-юми март бештари шумори гирифторони вируси корона дар кишварҳои Осиёи Марказӣ дар Қазоқистон сабт шудааст. Ба иттилои вазорати тандурустии Қазоқистон, 60 ҳолати гирифторӣ дар ин кишвар сабт шудааст, ки 31 ҳолат ба шаҳри Нурсултон, 25 ҳолат ба Алмато, ду ҳолат ба Қарағанда ва 1 ҳолат ба вилояти Алмато рост меояд. Як ҳолати дигар дар вилояти Оқтеппа сабт шудааст. "Дар Узбекистон шумори гирифторон ба 41 расид", хабар медиҳад вазорати тандурустии он кишвар. Чаҳор ҳолати нави гирифторӣ миёни касоне сабт шудааст, ки дар карантин ҳастанд. Читать дальше...

Сарфи назар аз паҳншавии вируси корона ҳукумати Узбекистон баргузории туйҳоро манъ накардааст. Аммо бархе аз сокинони Узбекистон бино бар эҳтимоли манъшавии маъракаҳо, туйҳои дар моҳи апрел тарҳрезишудаашонро дар моҳи март баргузор мекунанд. Ин ҳам дар ҳолест, ки тарабхонаҳо барои баргузории маъракаҳо дар моҳи оянда ҳам фармоиш мегиранд. Як сокини шаҳри Тошканди Узбекистон гуфт, вай маҷбур шуд, ки бо дархости тарабхона санаи туйи писарашро аз 1 апрел ба 31 март иваз кунад. "Соҳиби тарабхона гуфт... Читать дальше...

Муовини вазири маорифи Қирғизистон Нурлан Омуров 21-уми март дар як нишасти хабарӣ гуфт, таҳсили хонандагону донишҷӯён ба далели таътили ғайриинтизор дар пайи ошкор шудани коронавирус дар тобистон дароз нахоҳад шуд, зеро низоми таҳсили фосилавиро ба роҳ мондаанд. Ба гуфтаи ӯ, дар ҳоли ҳозир вазорат нақшаи чораҳои фавриро таҳия дорад ва бо назардошти вазъ эҳтимол аст, карантин тамдид шавад. "Вазифаи мо фаро гирифтани ҳамаи донишомӯзон ба дарсҳои фосилавӣ аст. Новобаста аз он ки дастрасӣ ба интернет доранд, ё не. Читать дальше...

Додгоҳи шаҳри Оқтеппа 21-уми март се фаъоли маданӣ Алибек Молдин, Асилхан Жаубатиров ва Айтжан Темиргазиевро барои нақзи "вазъи фавқулода" 10-рӯзӣ ҳабс кард. Ду фаъоли мадании дигар Карагоз Башигулов ва Аклим Туксиков 26 510-тангаӣ (ҳудуди 59 - долларӣ) ҷарима шуданд. "Ин шаҳрвандон бар асоси банди "Нақзи вазъи фавқулода" айбдор дониста шуданд. Онҳо 18-уми март дар назди додгоҳи Оқтеппа тазоҳурот баргузор ва вазъеро вайрон карданд, ки бо фармони президенти Қазоқистон Қосимҷомарт Тоқаев аз 15 марти соли равон ҷорӣ шуда буд"... Читать дальше...