Новости за 27.03.2020

Дар Ҳиндустон шумораи гирифторони бемории Ковид 19 садҳҳо нафарро ташкил медиҳад. Кормандони полис дар ин кишвар онҳоеро ки талаботи карантиниро риоя намекунанд, ба мисли ҷинояткорон бархӯрд менамоянд. Баъзан барои тарбия калтак ҳам истифода мешавад.

Наздикони як сокини 27 солаи Душанбе ки чанд рӯзи пеш акси ҷасадаш дар шабакаҳои иҷтимоӣ мечархид, аз мақомоти интизомӣ муҷозоти омили марги ӯро талаб доранд. Ҷасади Диловаршоҳ Шомировро дар кӯча пайдо карда буданд.

Кумитаи тадорукоти Бозиҳои Осиё дар Аичӣ-Нагая (AINAGOC) рамзи расмии 20-ум Бозиҳои Осиёро дар соли 2026 муаррифӣ кард

Ҳамон тавре интизор мерафт, дар қатори 24 нафари дигар аз вилоятҳо аз Душанбе писари Президенти Тоҷикистон бо аксарияти овозҳо узвият ба қабати болоии парлумонро соҳиб шуд.

Би-би-сӣ хабар дод, ки ташхиси тиббии сарвазири Бритониё, Борис Ҷонсон, "мусбат" баромад ва ӯ бо сабаби олудагӣ ба коронавирус ба "карантин" гузашт. Ҷонсон ҳам рӯзи 27-уми март инро тасдиқ кард ва гуфт, "нишонаҳои сабук"-и гирифторӣ ба вирусро эҳсос мекунад ва қарор кард, корро дар хона идома диҳад. Нахуствазири Бритониё дар саҳифааш дар Твиттер ба пизишкон, ходимони полис, ихтиёриён ва онҳое, ки ба ҷабҳаи мубориза бо коронавирус ҳамроҳ шудаанд, сипосгузорӣ кард. Ӯ изҳори бовар намуд, ки агар... Читать дальше...

Вазорати тандурустӣ ва ҳифзи иҷтимоии аҳолии Тоҷикистон ба ҳадафи пешгирӣ ва назорати сирояти коронавирус, телефони боварӣ фаъол кардааст. Тибқи иттилои ин вазорат, ин телефон таҳти рақами 511, бисту чаҳор соат фаъол мебошад. Ин вазоратхона мегӯяд, ки сокинон метавонанд бо ин шумора дар тамос шуда, ба суолҳои худ посух дарёфт кунанд. Вируси нави корона, ки то ин дам боис ба марги беш аз бист ҳазор нафар шуд, нигарониҳои ҷиддиро дар саросари ҷаҳон, аз ҷумла дар Тоҷикистон ба миён овардааст. Мақомоти тоҷик мегӯянд... Читать дальше...

Интихоби 25 узви Маҷлиси Миллӣ, палатаи болоии порлумони Тоҷикистон, аз тарафи вакилони халқи шаҳру ноҳияҳо ва вилоятҳои кишвар ба поён расид.

Дар вилояти Хатлон дар пасманзари бемории коронавирус хунсупорӣ коҳиш наёфтааст. Масъулини тандурустӣ мегӯянд, дар ҷануби кишвар баръакс ихтиёран барои дигарон супоридани хун зиёд шудааст.Барои донорҳои собиқадорро барои ин хизаматшон қадрдонӣ мекунанд.

Чунонки маълум аст, Бозиҳои тобистонаи олимпии соли 2020 дар Токио ба иллати пандемияи коронавирус дар ҷаҳон ба соли 2021 гузаронида шуданд. Ин тасмим аз ҷониби Кумитаи байналмилалии олимпӣ ва Кумитаи тадорукоти бозиҳо гирифта шудааст. Мавқуф гузоштани Бозиҳои XXXII тобистонаи олимпӣ ба як сол дар ҷомеаи варзишӣ мавриди баҳс қарор гирифтааст. Мураббии варзидаи бокс Аббос Неъматуллоев, ки шогирд ва писараш Шаббос Неъматуллоев, муштзани маъруфи тоҷик, дар вазни то 81 кило соҳиби роҳхат ба Олимпиадаи Токио гардидааст... Читать дальше...

Шумори гирифторон ба коронавирус дар Амрико аз 83 ҳазор нафар зиёд шуд ва ин кишвар аз рӯйи теъдоди мубталоён аз Чин (беш аз 81 ҳазор нафар) пеш гузашт.

Имрӯз дар бораи бепарвоӣ ба сиҳатии худ ва нодида гирифтани тавсияҳои табибон сӯҳбат мекунем.

Имрӯз дар бораи бепарвоӣ ба сиҳатии худ ва нодида гирифтани тавсияҳои табибон суҳбат мекунем. Ва як пули хатарнокеро мебинем, ки солҳои дароз таъмир нашудааст ва мардум вақти гузаштан аз он метарсанд.

Вебсайти хабарии ej.by дар Беларус хабар дод, ки раис ва сардабири ин расона   бо иттиҳоми порагирӣ боздошт шуд. Департаменти таҳқиқоти молӣ рӯзи 26 март дар изҳороте хабар дод, ки Сергей Сатсук рӯзи 25 март дар як амалиёти вижаи ин ниҳод боздошт шуд. Анҷумани журналистони Беларус гуфт, ки баъди боздошти Сатсук идораи вебсайти хабарӣ ҳам кофтукоб шуд ва мақомот санадҳоеро мусодира карда бо худ бурданд. Аляксандр Сатсук, бародари Сергей Сатсук иттиҳомотро “дурӯғин ва беҳуда”  номида, дар сӯҳбат... Читать дальше...

Чӣ гуна тоҷикони Амрико каратинро пушти сар мекунанд?

ИМА  гуфт, ки алайҳи  20 ширкати воқеъ дар Эрону Ироқ ва ҳам чанд мақомдору шахсиятҳои ҷудогона, ки барои пуштибонӣ аз гурӯҳҳои террористӣ муттаҳам мешаванд, таҳрим ҷорӣ мекунад.  Рӯзи 26 март вазорати молияи ИМА гуфт, ки таҳримҳо ширкату мақомдорони баландпоя ва шарикони тиҷоратии  Сипоҳи посдорони инқилоби исломии Эрон  ва ҳам бахши хориҷии он – нирӯҳои Қудсро ҳадаф қарор додаанд.  Ширкату шахсиятҳои алоҳида “инчунин барои ирсоли ёриҳои марговар ба террористон дар Ироқ, назири гурӯҳҳои Катойиб Ҳизбуллоҳ ва Асойиб Аҳл-ал-Ҳақ... Читать дальше...

Вазорати тандурустии Қазоқистон иттилоъ дод, ки дар шаҳри Атирауи ин кишвар се ҳолати нахустини мубталошавӣ ба коронавирус сабт шудааст. Мақомоти қазоқ имрӯз дар бораи ошкор шудани 8 ҳолати нави дигар дар шаҳри Алмато низ хабар дода буданд. Ба огаҳии Вазорати тандурустии Қазоқистон, то нимаи рӯзи 27-уми март шумори мубталоён ба коронавирус дар ин кишвар ба 124 нафар расидааст. Мақомоти қазоқ дирӯз хабар доданд, ки зани 64-сола бар асари гирифторӣ ба коронавирус фавтидааст. Даурен Абаев, вазири... Читать дальше...

Президенти Афғонистон Ашраф Ғанӣ фармон дод, ки ба хотири пешгирӣ аз паҳни коронавирус то 10 ҳазор маҳбус аз зиндонҳо озод карда шаванд. Додситони кулли Афғонистон Муҳаммад Фарид Ҳомидӣ 26-уми март дар як нишасти хабарӣ дар шаҳри Кобул гуфт, тасмими мазкур "бо мақсади ҳифзи саломатии мардум" гирифта шуда, ба занон, беморони вазнин ва маҳбусоне дахл хоҳад дошт, ки синашон аз 55 боло аст. Фармон маҳбусонеро фаро намегирад, ки зидди амнияти давлат ва байналмилалӣ ҷиноят содир кардаанд. Фармони... Читать дальше...

Президенти Узбекистон Шавкат Мирзиёев 26-уми март фармони ворид кардани тағйиру иловаҳо ба кодексҳои маъмурӣ ва ҷиноии ин кишварро имзо кард. Дар ин бора Вазорати адлияи Узбекистон иттилоъ додааст. Тағйироти ахир барои паҳни иттилои бардурӯғ аз 4,7 ҳазор доллар то 9,4 ҳазор доллар ҷарима, ё уҳдадор шудан ба иҷрои корҳои ҷамъиятӣ ба муҳлати аз 300 то 360 соат, ё корҳои ислоҳӣ ба муддати аз 2 то 3 сол, ё то 3 сол маҳрум шудан аз озодиро пешбинӣ мекунад. Ҳамчунин барои нақзи талаботи қонунгузорӣ... Читать дальше...

Раҳбари Бюрои федеролии тафтишот Крис Рей гуфт, ин ниҳоди интизомӣ ҳеҷ гоҳ талошашро барои пайдо кардани иттилоъ дар бораи сарнавишти агенти собиқ Роберт Левинсон аз даст намедиҳад. ИМА бовар дорад, ки Левинсон дар зиндони Эрон даргузашт. Дар як имейле, ки хабарнигори оҷонсии Ассошейтед Пресс рӯзи 26 март дидааст, Рей ба кормандони Бюрои федеролии тафтишоти ИМА навиштааст, ки бо оилаи Роберт Левинсон мулоқот карда ба онҳо шарҳ додааст, ки  “бар асоси далелҳои ҷамъшуда дар давоми 13 соли гузашта мо ба хулосае  омадем... Читать дальше...

Шӯрои мудирони Сандуқи байналмилалии пул розӣ шуд, ки ба таври оҷил ба Қирғизистон дар амри муқобила бо паҳншавии коронавирус ёрии молӣ ироа кунад. Ин аввалин қарор аст, ки кӯмак ба як кишварро дар заминаи паҳншавии пандемияи сартосарӣ пешбинӣ мекунад. Кристалина Георгиева, мудири иҷроияи СБП бо нашри изҳороте рӯзи 26 март гуфт,  пандемияи коронавирус ба иқтисоди Қирғизистон таъсири амиқ мерасонад ва ҳолати изтирории тавозуни хароҷотро ба миён овардааст. Ӯ гуфт, дар шароите, ки барои хатми паҳншавии вирус тамоми нирӯҳо равона шудааст... Читать дальше...

Рустами Эмомалӣ, шаҳрдори Душанбе ва писари калонии раиси ҷумҳури Тоҷикистон, узви Маҷлиси Миллӣ -- палатаи болоии порлумон -- интихоб шуд.

Узбекистон рӯзи 27-уми март эълон кард, ки як нафар бар асари бемории коронавирус дар ин кишвар ҷон бохтааст. Ин нахустин мавриди фавти як нафар дар Узбекистон бар асари ин беморӣ мебошад. Дар Қазоқистон ҳам нахустин ҳолати фавт бар асари ин беморӣ сабт шудааст. Бахши узбекии Радиои Озодӣ рӯзи 27-уми март бо такя ба мақомоти Вазорати тандурустии Узбекистон хабар дод, ки шахси фавтида як марди 72-солаи сокини шаҳри Намангон мебошад, ки қабл аз гирифторӣ ба  коронавирус, аз дигар бемориҳо низ ранҷ мебурдааст. Читать дальше...

Вазорати тандурустии Тоҷикистон ба зарурати таъсиси гурӯҳҳои волонтёрҳо барои пешгирӣ аз паҳншавии бемории коронавирус, таъкид кардааст. Ин мавзӯъ дар ҷаласаи Ситоди ин вазорат оид ба пешгирии сирояти коронавирус, ки 26-уми март баргузор шуд, матраҳ шудааст. Тайи ҳафтаҳои ахир мухолифон ва намояндагони ҷомеаи шаҳрвандӣ пешниҳодҳое ироа карданд, ки аз эълони таътил дар мактабҳо то сабукии андоз ва пардохтҳоро дар бар мегирифт. Аммо мақомот гуфтанд, то ҳол дар кишвар ҳолатҳои сироят ёфтани одамон... Читать дальше...

Тибқи охирин гузоришҳо, шумораи гирифторон ба вируси корона дар ҷаҳон рӯзи панҷшанбеи 26-уми март аз 510 ҳазор нафар гузашт ва шумораи қурбониён ҳам ба беш аз 23 ҳазор нафар расидааст. Тайи 24 соати гузашта ҳудуди 40 ҳазор нафар ба ин беморӣ гирифтор шуда, 750 тан бар асари ин беморӣ ҷон бохтанд. Бештарин шумораи қурбониён дар Италия ва Испания будааст. Дар Италия то рӯзи панҷшанбе бар асари ин беморӣ 8165 нафар ба ҳалокат расидаанд. Шумораи қурбониёни коронавирус дар Испания ба 4145 нафар расидааст. Читать дальше...