Новости за 21.03.2020

Қатъи назар аз тавсияҳои Созмони Ҷаҳонии Тандурустӣ, мақомоти Тоҷикистон мегӯянд, ки маъракаи асосии ҷашни Наврӯз дар шаҳри Хуҷанд баргузор мешавад. Пештар Созмони Ҷаҳонии Тандурустӣ ба мақомоти Тоҷикистон тавсия дода буд, ки аз баргузории ҳамагуна маъракаҳои оммавӣ худдорӣ кунанд.   Музаффар Юнусов, сухангӯи раиси вилояти Суғд, ба Радиои Озодӣ гуфт, маъракаи расмии Наврӯз 22-юми март дар варзишгоҳи марказии Хуҷанд мегузарад. Варзишгоҳи “20-солагии Истиқлоли Тоҷикистон” гунҷоиши то 25 ҳазор нафарро дорад... Читать дальше...

Ширкати ҳавопаймоии "Сомон Эйр" эълон кард, ки дар як парвози вижа ё истисноӣ мусофирони бандмонда дар Истанбулро ба Душанбе меорад. Қарор аст, ҳавопаймо соати даҳи шаб ба вақти Туркия аз Истанбул ба самти Душанбе ҳаракат кунад. Оҷонси авиатсияи граждании Тоҷикистон аз 19-уми март бо мақсади пешгирӣ аз эҳтимоли паҳншавии коронавирус ҳамагуна парвозҳоро аз хориҷ ба Тоҷикистон манъ кард. Аммо ногаҳонӣ рӯзи 20-уми март ҳавопаймоҳои “Сомон Эйр” ва “Тоҷик Эйр” аз Душанбе ба Маскав ва аз онҷо дубора ба Душанбе парвоз анҷом доданд. Читать дальше...

Сабқати ҷумҳуриявии куштии миллӣ ҷоми "Пойтахт — 2020" насиби паҳлавони тоҷик Темур Раҳимов гардид. Варзишгар акнун соҳиби автомашинаи тамғаи "Toyota Avalon" гардид

Ҳукумати Қирғизистон бо пешниҳоди Шӯрои амният аз 22-юми март дар ин кишвар ба хотири паҳншавии коронавирус вазъи фавқулодаи саросарӣ эълон кард. Мақомҳои маҳаллӣ дар Қирғизистон пештар дар як минтақаи ҷанубии ин кишвар вазъияти изтирорӣ эълон карда буданд. Дар Қирғизистон то кунун 14 мавриди гирифторӣ ба коронавирус тасдиқ шудааст. Ду ҳолати онро дар шаҳри Бишкек сабт кардаанд. Бархе аз онҳое, ки дар Қирғизистон дучори ин вирус шуданд, ахиран аз Арабистони Саудӣ баргашта буданд. Аз замони кашфи... Читать дальше...

Беш аз 500 нафаре, ки субҳи 21-уми март аз Маскаву Дубай ба Тоҷикистон баргаштанд, дар Харангон ва лагери кӯдаконаи Зимчуруд дар ҳудуди ноҳияи Варзоб таҳти "карантин" қарор гирифтаанд. Чанде аз афроди таҳти карантин ва наздикони онҳо дар шабакаҳои иҷтимоӣ ва дар номаву наворҳои ҷудогона ба Радиои Озодӣ шикоят карданд, ки шароити лагерҳо барои нигоҳ доштани одамон муносиб нест ва, баръакс, метавонад одамонро бемор кунад. Наворҳо аз корбарон аст

Оташи олимпӣ тавассути ҳавопаймо аз Юнон ба префектураи шимолии шарқии Мияги, ба пойгоҳи Матсушимаи нерӯҳои ҳарбии ҳавоии худдифои Ҷопон расонида шуд. Дар ин бора шабакаи NHK хабар додааст. Субҳи рӯзи ҷумъа оташи олимпӣ аз Афина ба префектураи Мияги дар ҷазираи Хоншу расонида шуд. Рамзи Бозиҳои олимпиро қаҳрамони секаратаи олимпӣ оид ба ҷудо Тадаҳиро Номура ва қаҳрамони секаратаи олимпӣ оид ба гуштии озод Саори Йошида пешвоз гирифтанд. Оташ дар се префектураи кишвар - Мияги, Иватэ ва Фукусима намоиш дода мешавад. Читать дальше...

Беш аз 500 нафаре, ки субҳи 21-уми март аз Маскаву Дубай ба Тоҷикистон баргаштанд, дар Харангон ва лагери кӯдаконаи Зимчуруд дар ҳудуди ноҳияи Варзоб таҳти "карантин" қарор гирифтаанд.

Темур Раҳимов, паҳлавони шинохтаи тоҷик, дар мусобиқаи ҷумҳуриявӣ оид ба гуштии миллӣ бахшида ба Иди байналмилалии Наврӯз, ки 21-уми март дар “Наврӯзгоҳ”-и Душанбе бо ҳузури тамошогарони сершумор ба поён расид, бо шоҳҷоиза - мошини сабукрави тамғаи “Тoyota” – мукофотонида шуд.

Даҳҳо муҳоҷири тоҷик мегӯянд, ки чаҳор рӯз боз дар фурудгоҳҳои Маскав банд мондаанд ва на имкони ба Тоҷикистон баргаштанро доранд, на дар Русия монданро. Онҳо аксаран аз ширкатҳои ҳавопаймоии русӣ билет харидаанд. Ин ширкатҳо феълан иҷозаи парвоз ба Тоҷикистонро надоранд.

Шумори қурбониёни коронавирус дар ҷаҳон ба тақрибан 11 ҳазору 400 нафар расидааст. Бар асоси омори Донишгоҳи Ҷон Ҳопкинз, ки 21-уми март нашр шуд, теъдоди гирифторон ба ин вирус дар саросари ҷаҳон ба 275 ҳазору 434 тан мерасад.

Доналд Трамп, раиси ҷумҳури Амрико, дар паёме ҷашни Наврӯзро табрик гуфт ва дар ин паём барои ҳамаи онҳое, ки Наврӯзро таҷлил мекунанд, хушиҳоро орзу кард. Трамп рӯзи 20-уми март гуфт, ба намояндагӣ аз Иёлоти Муттаҳида, "гармтарин шодбошҳоро барои доштани наврӯзии саршор аз шодӣ ва сулҳ" тақдим мекунад. Раиси ҷумҳури Амрико таъкид кард, "нерӯҳои раҳоибахш ва озодиталаб ҳамвора ба бадиву саркӯб пирӯз хоҳанд шуд". Вай дар ин паёмаш "ояндаи рӯшантару озодтарро" ба мардуми Эрон ҳам орзу карда, вале... Читать дальше...

Созмони насарсанҷии Gallup мегӯяд, бар асоси нишондодҳои солҳои 2017-2019 Тоҷикистон аз рӯи шохиси хушбахтӣ дар миёни 153 кишвари ҷаҳон дар мақоми 71-ум қарор гирифт.

Маҷмааи тандурустии "Истиқлол", бузургтарин бемористон дар Душанбе рӯзи 20-уми март беморонашро ҷавоб дод. Онҳое ҳам, ки ҳанӯз ба табобат ниёз доштанд, ба шифохонаҳои дигар интиқол дода шуданд.

Мардуми Тоҷикистон ҷашни имсолаи Наврӯзро дар пасманзари нигарониҳо аз коронавирус таҷлил мекунанд. Мақомот мегӯянд. ҳанӯз дар кишвар ҳеч мавриди сироятёбӣ ба ин вирус ошкор нашудааст ва ба ин далел монеи таҷлили Наврӯз нашуданд.

Доктори илмҳои филологӣ, профессор Абдусаттор Нуралиев, ки ба аксар журналистони тоҷик ҳаққи устодӣ дорад, шаби 20-уми март дар 78-солагӣ даргузашт. Наздиконаш гуфтанд, маросими видоъ бо ӯ нимирӯзи 21-уми март дар Душанбе баргузор хоҳад шуд. Нуралиев дар ноҳияи Қӯшработи вилояти Самарқанди Узбекистон таваллуд шуда, факултаи журналистикаи Донишгоҳи давлатии Қазоқистонро хатм кардааст. Вай охири солҳои шастум ба Донишгоҳи миллии Тоҷикистон ба кор омадааст. Аз соли 1993 то 1996 декани факултаи журналистикаи Донишгоҳи миллӣ буд. Читать дальше...