د بې پولې خبريالانو سازمان: تېرو دوو لسيزو کې د نړۍ په کچه ۱۷۰۰ خبريالان وژل شوي
ددې سازمان راپور ښېي، په دې موده کې په اوسط ډول هر کال تر اتیاو زیات خبریالان وژل شوي دي.
په تېرو ۲۰ کلونو کې عراق او سوریه کې د ۵۷۸ خبریالانو په وژل کېدو سره د بې پولې خبریالانو د راپور پر بنسټ دا هېوادونه د خبریالانو لپاره تر ټول خطرناک بلل شوي دي.
له عراق او سوریې وروسته ډېر خبریالان په شپږو نورو هېوادونو له هغې ډلې په مکسیکو کې ۱۲۵، فلیپین کې ۱۰۷، په پاکستان کې ۹۳، افغانستان کې ۸۱ او په سومالیا کې ۷۸ خبریالان په تېرو دوو لسیزو کې وژل شوي.