د پيسو نړيوال صندوق مصر ته درې ميليارده ډالره پور ورکوي
دا موافقه پرون ناوخته وروسته له هغه اعلان شوه چې د مصر مرکزي بانک د بانکي سود د دوه سلنه لوړولو په ګډون د یو لړ مهمو اصلاحاتو خبر ورکړ.
د مصر اقتصاد د کووید ۱۹ د وبا له خپرېدو وروسته سخت زیانمن شو او په دې هېواد کې د لومړنیو اړتیاوو بیې لوړې شوې دي.
مصر د نړۍ د غنمو لومړی لوی واردوونکی هېواد دی چې تر ډېره له روسیې د غنمو پر وارداتو اتکا لري.
IMF ویلي دي چې تمه ده دا پور به د نورو اړخونو له خوا مصر ته د شاوخوا ۱۴ میلیارد ډالرو پور د ورکولو امکان هم برابر کړي.