چازواکي: ترکیه کې د ویشتل شوي بېلاروسي ډپلوماټ وضعیت ښه نه دی
د بهرنیو چارو وزارت ویاند اناتول هلاز د ازادي راډيو مرکزي څانګې ته وویل چې ډاکټرانو د ده روغتيايي وضعیت ارزولی او ویلي يې دي چې عملیات یې بریالي وو، خو دی اوس هم په عاجل اوطاق کې بستر دی.
الکساندر پاهانشاو له خپل زوی سره کور ته روان وو چې د چهارشنبې په ورځ په ډزو وویشتل شو.
د ترکيې د بهرنيو چارو وزیر مولوت چاووش اوغلو ویلي چې د دې ډپلوماټ ګاونډي ورباندې حمله کړې وه.
ګاونډی یې تقاعد شوی نظامي افسر دی چې له پاهانشاو سره یې شخصي شخړه درلوده.
د چاووش اوغلو په وینا د دې حملې تر شا هېڅ سیاسي انګېزه نه وه.
ده ویلي چې له خپل بېلاروسي سیال اولادزیمير ماکي سره يې پهدې اړه خبرې کړي او دا چې ولسمشر رجب طیب اردوغان به پهخپله دا قضیه څاري.