د متشبثینو بورډ: د تورخم لار د افغاني محصولاتو پر مخ خلاصه شوه
د دغه بورډ مشر رحم الدین حاجي اغا نن د چهارشنبې په ورځ ازادي راډيو ته وویل چې دغه لار د کمېشن کارۍ او فساد له امله د پاکستان له لوري تړل شوې وه:"د تورخم هاخوا لوري باندې د پاکستان لهخوا پر کمېشن کارانو د یو موټر محصول پر سر ۶ یا ۷ لکه کلدارې ټکس لګول شوی وو، خو نن دا ستونزه حل شوه او دا دی د تورخم بندر د ټولو ټرانزیټي چارو پر مخ خلاص شو."
ښاغلی حاجي اغا وایي، پهدې موده کې هره ورځ سل ـ سل د افغاني محصولاتو موټر درول شوي وو چې افغان سوداګرو ته یې ګڼ مالي زیانونه اړولي دي.