د جرمني ولسمشر خپل ازبک سیال سره پر دوه اړخېزو اړیکو غږېدلی
میرضیایف له شټاین مایر سره تر کتنې وروسته وویل چې ازبکستان ته د جرمني د ولسمشر سفر به د دواړو هېوادونو دوه اړخېز روابط لا ښه کړي.
میرضیایف په ۲۰۱۶ میلادي کال کې د ازبکستان ولسمشر وټاکل شو.
داسې ګڼل کېږي چې د میر ضیایف حکومت به هغه انزوا چې د منځنۍ اسیا دا جمهوریت د مخکني ولسمشر اسلام کریموف په واکمنۍ کې ورسره مخامخ و، کمه کړي.
ازبکستان ته د جرمني د جمهور رئیس سفر هم اصلاحاتو ته د ازبکستان د هڅولو یو ګام بلل شوی دی.
د بشري حقونو مدافع سازمان، هیومن رایټس واچ د جرمني پر جمهور رئیس غږ کړی چې پر میرضیایف ټینګار وکړي چې په ازبکستان کې مثبت بدلون پر یوه ډېره اوږده لاره څو ګامونه دي.