تمه ده چې د جرمني ولسمشر نن د ازبکستان له ولسمشر سره وګوري
د شټاین مایر درې ورځنی سفر پرون د مې په ۲۷ مه پیل شو.
دې سفر ته د هغو هڅو د یوې برخې په سترګه کتل کېږي چې په ۲۰۱۶ میلادي کال کې واک ته د میرضیایف له رسېدو وروسته د اصلاحاتو لپاره پیل شوي دي، ځکه د پخواني ولسمشر اسلام کریموف د واکمنۍ پرمهال ازبکستان د ډېرو کلونو لپاره په انزوا کې پاتې و.
د بشري حقونو د څار ټولنې هیومن رایټس واچ پر شټاین مایر غږ کړی چې د خپل سفر پرمهال ولسمشر میرضیایف ته په ډاګه کړي چې د ده د واکمنۍ پرمهال په ازبکستان کې مثبت بدلونونه د اوږده مزل پر لاره کوچني ګامونه دي.