جرمني نن ۲۶ افغان پناه غوښتونکي کابل ته را ولېږل
د جرمني ډي پي ای خبري اژانس وايي چې په جرمني کې د دغو افغانانو د پناه اخیستلو غوښتنه رد شوې وه.
د ۲۰۱۶ کال له ډېسمبر دا شپاړسم وار دی چې افغان پناه غوښتونکي په ډله ییزه توګه بېرته افغانستان ته رالېږل کېږي.
تر اوسه پورې ۵۶۵ نارینه افغان پناه غوښتونکي له جرمني را ایستل شوي دي.
منتقدین وايي چې پناه غوښتونکي باید ونه ایستل شي، ځکه د هغوی له نظره افغانستان خوندي نه دی.
د ملګرو ملتونو د تازه راپور په اساس د روان ۲۰۱۹ کال د جنورۍ او مارچ میاشتو تر منځ ۵۸۱ افغان ملکیان وژل شوي دي.