شهباز شریف په امنیتي بدرګه کې د قامي اسمبلۍ غونډې ته ولاړ
د پاکستان مسلم لیګ ن او په پارلېمان کې د اپوزیشن مشر شهباز شریف نن چارشنبه په امنیتي بدرګه کې د قامي اسمبلۍ غونډې ته ولاړ. نننۍ غونډه د متحده اپوزیشن په غوښتنه رابلل شوې. دوی تور پورې کوي چې حکومت له اپوزيشنه د سياسي انتقام اخیستو په هدف د مسلم ليګ (ن) مشر شهباز شريف نيولی دی. پر نوموړي تور دی چې د ۱۴ اربه روپیو ارزښت لرونکې اشیانه اقبال هاوسینګ سکیم کې یې درغلۍ کړې دي خو نوموړی دا تور نه مني.