موحد:د نشه يي موادو د ۱۵قاچاق وړونکو دوسیې تر څېړنې لاندې دي
له نشه يي موادو سره د مبارزې عدلي او قضايي مرکز ویاند خالد موحد د چهارشنبې په ورځ ازادي راډیو ته وویل چې د دوی مرکز ته په تېره یوه اوونۍ کې د نشه يي موادو د قاچاقو ۱۲ قضیې له ۱۵ تورنو کسانو سره يو ځای لېږل شوي او د څېړلو په حال کې دي.
د یادونې وړ ده چې له نشه يي موادو سره د مبارزې عدلي او قضايي مرکز ابتدائیه او استېناف محکمو د قضايي غونډو په ترڅ کې د نشه يي موادو ۱۹ قاچاق کوونکي چې یوه یې ښځه وه له یوه کال او شپږو میاشتو څخه نيولې بيا تر ۱۳ کلونو پورې په بند باندې محکوم کړي دي.