Новости за 10.05.2018

ЕУ не смее да го игнорира руското мешање во нејзиното соседство и мора да ја засили јавната дипломатија во регионот, советува германскиот институт „Конрад Аденауер“ во својот најнов извештај за ширењето на руското анти-западно влијание во Западен Балкан, а со тоа и во Македонија

Големите компании, особено европските би можело да загубат милијарди долари со откажување на трговските спогодби, по одлуката на Вашингтон да ги врати санкциите врз Иран. Одлуката на претседателот Доналд Трамп САД да се повлечат од нуклеарната спогодба со Иран значи дека компаниите во светот ќе мораат да ги прекинат договорените зделки со Иран или се соочуваат со парични казни и санкции од американската администрација. „Американските санкции врз Иран не ги погодуваат компаниите од САД, туку првенствено европските“... Читать дальше...

Одлуката на претседателот Доналд Трамп да ги повлече Соединетите држави од нуклеарниот договор со Иран ги зголеми тензиите на Блискиот Исток, каде што се интензивираа ракетните напади меѓу иранските сили во Сирија и израелската војска.

Израелската војска соопшти дека иранските сили стационирани во Сирија истрелале околу 20 ракети врз израелски воени цели на Голанската висормнина, на што било соодветно одговорено. Ракетите, како што се наведува, не предизвикале жртви и поголеми штети. Некои од ракетите биле пресретнати од израелските одбранбени системи. Сиријските државни медиуми денеска објавија дека израелската војска лансирала неколку ракети врз Дамаск и други делови на Сирија, уништувајќи радарски систем и отпад со воена опрема.

Американскиот претседател Доналд Трамп на состанокот со неговиот кабинет во Белата куќа го предупреди Иран да не ја обновува нуклеарната програма. Сепак, тој додаде дека бил отворен за преговори за нова спогодба. „Или ќе постигнеме навистина добар договор за светот, или нема да има никаков договор“, рече Трамп. Тој претходно донесе одлука САД да се повлечат од меѓународната спогодба со Иран и најави обновување на санкциите врз Иран, укинати по постигнувањето на спогодбата во 2015 година.

Во Македонија ќе биде променливо облачно, попладне на повеќе места нестабилно со пороен дожд и грмежи. Ќе дува слаб до умерен ветер од северен правец. Максималната температура ќе се движи од 14 до 25 степени. Во Скопје и околината слично време со температура до 24 степени.