Ялтада селден улам өзгөчө кырдаал жарыяланды
Ялтада 18-июндагы селде бир адам курман болду. Бул тууралуу "Интерфакс" расмий булактарга таянып кабарлады.
Орусия аннексиялап алган Крымдын курорттук аймагы саналган Ялтада нөшөрдөн улам чукул кырдаал жарыяланды. Амактагы орус администрациясынын башчысы Янина Павленко видеокайрылуу жасап, шаарга кирүүгө тыюу салынганын айтты.
Катуу жаан-чачындан улам Ялтада жума күнү арык-каналдардан суу ташып, шаар көчөлөрүндө сел жүргөн. Павленко табигый кырсыкты "көзөмөл кылуу мүмкүн эмес" деп сыпаттады.