Новости за 07.02.2020

Ысык-Көл облусунда күйөөсү өрт коюп, жабыркаган келин Сатина Бабаканова аны кечирген тосмо арызынан кайра баш тартып жатат. Бул тууралуу «Азаттык» радиосуна Бабаканованын жактоочусу Назира Абдумуминова билдирди. Адвокаттын айтымында, тосмо арыз жазылганы анык, бирок андай кадамга барууга ар кандай кысым көрсөтүү, коркутуп-үркүтүү түрткү болгон. «Түрдүү телефон номерлерден чалып, өлтүрүп кетүү, ден соолугуна зыян келтирүү жөнүндө опузалар болгон экен. Бирок ал өз арызынан баш тартып жатат, «колдобойм, мыйзам чегинде жоопко тартылсын» деп. Читать дальше...

Бортунда 172 жүргүнчүсү бар «Airbus A320» учагы Орусиянын Сириядагы «Хмеймим» аскердик базасына чукулунан конууга аргасыз болду. Бул тууралуу Орусиянын Коргоо министрлигинин расмий өкүлү Игорь Конашенков билдиргенин орус маалымат каражаттары 7-февралда жазып чыгышты. Маалыматка ылайык, мындай кырдаалга Сирия күчтөрүнүн Дамаскка коюлган чабуулдун мизин кайтаруу аракети себеп болгон. Конашенковдун айтымында, түнкү саат 2лер чамасында Израилдин «F-16» үлгүсүндөгү төрт учагы Сириянын аба мейкиндигине кирбестен Дамасктын конуштарына сокку урган. Читать дальше...

VIII кылымдагы араб аскер жортуулдары жана Кутейба ибн Муслимге таандык деп жоромолдонгон Ноокаттагы бейит тууралуу блог.

Билим берүү саясаты боюнча эл аралык эки адистин китептери кыргызчага которулду. Паси Сальбергдин “Фин керемети 2.0: Фин мектебиндеги ийгиликтүү реформалардан дүйнө эмнени үйрөнө алат?” жана Тимоти Уолкердин “Финдердей окуталы” деген китептеринин кыргызча котормолорунун бет ачары 7-февралда Бишкекте, И.Арабаев атындагы Кыргыз мамлекеттик университетте өттү. Сальбергдин китеби буга чейин 18 тилге которулган. Анда автор ортозаар Финляндия өлкөсү экономикасы менен мектептеги билим берүү системасын... Читать дальше...

Жарандык активист Мелис Аспеков «Бүтүн Кыргызстан» партиясынын лидери Адахан Мадумаровду соттон жарым-жартылай утту. Аспеков «Азаттык» радиосуна билдиргенине караганда, ал Бишкектин Биринчи май райондук сотуна бир жыл мурда «Кадыр-баркыма, абийириме, ар-намысыма шек келтирди» деп кайрылып, Мадумаровдон 5 миллион сом өндүрүп берүүнү өтүнгөн. «Жарым-жартылай уттум. Канатбек Исаев менен төңкөрүш жасоо аракети боюнча айыпталып камалганыбыздын эртеси Мадумаров «Сентябрь» телеканалынан чыгып мени «чагымчыл» деп жаман сөздөрдү айткан. Читать дальше...

Кылмыш ишинин материалдары жоголуп кетип, аялдардын абагында 11 жылдан бери өкүмү жок эле жазасын өтөп жаткан аял сот залынан 30-январда бошотулду. Учурда жазык ишинин жоголуп кетишине жол берген кызматкерлердин ишин Улуттук коопсуздук боюнча мамлекеттик комитет териштирип жатат.

Бишкектин мурдагы мэрлери Албек Ибраимов менен Кубанычбек Кулматовдун сотуна алардан жабыркады деген тараптын өкүлдөрү келген жок. Ошол себептен шаардык соттогу алгачкы отурум кийинки жума, 14-февралга которулду. Бул тууралуу “Азаттык” радиосуна адвокат Сергей Слесарев билдирди. Анын айтымында, мурдагы мэрлерге карата козголгон кылмыш иши боюнча жабыркаган тарап деп бир нече мекеме өтүүдө: - Билим берүү жана илим министрлиги, Бишкек мэриясы, “Дастан” ишканасы жана Мамлекеттик мүлк фонду. 2019-жылдын... Читать дальше...

Түндө Лас-Вегас шаарында аралаш мушташ боюнча UFC 247 турнирине катыша турчу мушкерлердин расмий маалымат жыйыны болуп өттү.

Бишкекте үч өлкөнүн достук концерти өтөт. Бул тууралуу 7-февралда Германиянын Кыргызстандагы элчилиги кабарлады. Мекеменин маалыматына караганда, 10-февралда Улуттук консерваторияда Бишкек мэриясынын симфониялык оркестри, консерватория менен Улуттук опера жана балет театрынын биргелешкен хору жана башка бир катар аткаруучулар немис, француз жана кыргыз музыкасын ойношот. Ахен келишиминин бир жылдыгына арналган маданий иш-чараны Германиянын жана Франциянын элчиликтери уюштурууда. 2019-жылдын... Читать дальше...

Бул тууралуу өткөн жылдын жыйынтыгын чыгарган облустук кеңешмеде айтылды. Маалыматка караганда, былтыркы жол кырсыктарында облуста 103 киши каза болгон. Алардын 14ү - жашы жете элек балдар. 365 өспүрүм оор жана жеңил жаракат алган. Жол кырсыктарында жалпысынан 709 киши жабыркаган. Ысык-Көл облусунда 2018-жылы катталган жол кырсыктарында 83 киши каза болгон. Бул каза болгондордун саны 2019-жылы мурдагы жылдагыдан 1,1% көбөйгөнүн билдирет. (KS)

Иран “Астана” сүйлөшүүлөрүнө кепил өлкөлөрдүн бири катары Идлиб боюнча Сирия менен Түркиянын ортосундагы пикир келишпестиктерди чечүү үчүн жардам берүүгө даяр.

Кыргыз өкмөтү «Манас» эл аралык аэропортун тышкы башкарууга берүүгө ниеттенүүдө.

Бишкекте белгилүү укук коргоочу Шералы Назаркуловду эскерүү иш-чарасы өттү. Уюштуруучулардын айтымында, ага маркумдун үй-бүлөсү, жакындары, укук коргоочулар катышты. Акция ал акчачылык жарыялаган жерде, Айыл чарба, тамак-аш өнөр жайы жана мелиорация министрлигинин жанындагы аянтчада жыл сайын өткөрүлүп келет. Быйыл Назаркуловдун көзү өткөнүнө 18 жыл болду. Шералы Назаркулов 2002-жылы Үзөңгү-Кууштун  Кытайга берилишине нааразылык билдирип, саясий ачкачылык жарыялаган. 16-январдан 7-февралга чейин ачкачылык кармап... Читать дальше...

Кыргызстан Индия менен аскердик продукцияны биргелешип модернизациялоого катышмай болду. “Дастан” ишканасы менен индиялык «Бхарат Форж» компаниясы кызматташтык тууралуу меморандум кабыл алышканын Кыргызстандын Индиядагы элчилиги кабарлады. Мекеменин маалыматына караганда, кыргыз делегациясы Индиянын Лакхнау шаарында өтүп жаткан Defence Expo-2020 эл аралык көргөзмөсүнө катышууда. Көргөзмө коргонуу өндүрүшүнө арналган. «Биз деңиз бизнеси сегментине кирип жатканыбызга абдан кубанычтабыз. “Индияда... Читать дальше...

Америка армиясынын мурдагы офицери АКШ өз аскерин Сирия менен Ирактан чыгарууга убакыт келип жеткенин жазды.

Дүйнөлүк соода уюму (ДСУ) бажы тарифтерин көтөрүүгө байланыштуу Кыргызстанды 300 миллион долларга чейин айыпка жыгышы мүмкүн.

Кыргызстандык спортчу, UFC уюмунун эң жеңил салмактагы (57 кг) чемпиону Валентина Шевченко америкалык Кетлин Чукагян менен көз караштар таймашын өткөрдү.

Бензинге күйгөн Сатина күйөөсүн кечирип, милицияга тосмо арыз жазды. Бул тууралуу Ысык-Көл облустук ички иштер башкармалыгынын басма сөз катчысы Сталбек Усубакунов айтты. «Январь айынын этегинде 33 жаштагы Сатина Бабаканова күйөөсү Н.Ч.га карата нааразылыгы жок экенин билдирип, тосмо арыз жазды. Анын айтымында, күйөөсү менен мындан ары үй-бүлөнү бузбай, чогуу жашоону уланткысы келет. Бирок аталган факт Каракол ШИИБдин КЖБРде катталып, Кыргыз Республикасынын Жазык кодексинин 39-130 беренесинин 2-бөлүгүнүн... Читать дальше...

Түркиянын тышкы иштер министри Мевлют Чавушоглу  Бакуда өткөн басма сөз жыйынында Түркиянын Сирияда сабыры түгөнүп бара жатканын айтып, бул Батыш Азия өлкөсүндөгү түрк күчтөрүнө каршы жасалган ар кандай аскердик чабуулдарга жооп кайтарабыз деп эскертти.

Студент кезибизде биз жашаган жатакана медициналык коллеждин жатаканасы менен коңшу эле. Кышында тумоолоп калган студенттер дарыгер жазып берген ийнени ушул коллежде окуган кыздарга барып сайдырып алышчу.

Бишкектин Ош базарындагы өрт толук өчүрүлдү, адамдардан эч ким жабыркаган жок. Бул тууралуу Өзгөчө кырдаалдар министрлиги кабарлады. Мекеменин маалыматына караганда, тилсиз жоо төрт соода павильонунан чыгып, жалпы аянты 270 чарчы метрди түздү. Таңга жуук башталган өрт эртең мененки саат 9га жакын өчүрүлдү.   Соңку бир сутка ичинде Кыргызстандын аймагында 14 өрт катталып, аларды өчүрүүгө 25 бөлүм тартылды. (RK)

5-февралда Вашингтон 2025-жылга карата Борбор Азия өлкөлөрү менен кызматташуунун жаңы стратегиясын жарыялады. Айрым эксперттер Ак үйдүн тышкы саясатында Борбор Азияга тиешелүү көңүл бурулбай жатканын белгилешет.

Мурдагы башкы прокурор Аида Салянованын иниси Уландын өлүмү боюнча сотто жаңы жагдайлар белгилүү болду.

«Союз МС-13» кемеси экипаждын үч мүчөсү менен Эл аралык космос станциясынан Казакстанга келип конду. 61-экспедициянын катышуучулары – орусиялык Александр Скворцов, италиялык Лука Пармитано жана АКШ жараны Кристина Кук.  Кук космосто 328 күн жүрүп, аялдар арасындагы рекордду жаңыртты. Мурдагы рекорд 2017-жылы космосто 288 күн жүргөн америкалык Пегги Уитсонго таандык болгон. Пармитано менен Скворцов космосто 201 күн болушту. Кеменин капсуласы Жезказган шаарынан 150 чакырым аралыктагы жерге келип конду. Читать дальше...

2019-жылы Кыргызстандын Мамлекеттик миграция кызматы Кытайдын 8900 жарынына иштөө үчүн уруксат документин берген. Бул тууралуу 6-февралда Жогорку Кеңештин жыйынында Мамлекеттик миграция кызматынын башчысы Болотбек Ибраимжанов маалымдады. Маалыматка караганда, учурда Кыргызстанда жумуш үчүн уруксат алган 1953 кытай жараны жүрөт. 2020-жылдын январь айында майрамга байланыштуу 5314 кытай жараны чыгып кетип, кайтып келе элек. 2019-жылы чет өлкөлүк жарандарга жумуш үчүн бөлүнгөн 17400 квотанын 12400ү пайдаланылды. Читать дальше...