Новости за 22.04.2020

252 керла уьнхо ву Къилбаседа Кавказехь, БуьритIерачу гуламхошна – таIзар, велла Дубровкехь лаьцна хилла Талхигов Зоврбек

Полицех долу низам шорден, цуьнан белхахойн бакъонаш лакхайоху проект кечйина Оьрсийчоьнан министрийн кабинето. Полисхошна шайгарчу герзах пайдаэцар, гIишлошна гобар, машенаш еллар, гуламаш боьлху меттигаш гонелацар аттачу доккху Iедало кечдинчу документо. Оцу хьокъехь кечйина проект а йовзуьйтуш, хийцамех лаьцна хаам баржийна "Интерфакс" агенталло. Цо бахарехь, цкъачунна Пачхьалкхан Думе хьажонза ду документ. Проекто герз тоха бакъо ло полисхочунна ша лоцуш волу стаг шена тIекхета воллу аьлла хеттачу муьрехь. Читать дальше...

Къилбаседа Кавказерчу мехкашкахь тIаьххьарчу дийнахь-буса коронавирус кхетта билгалваьлла 252 вахархо. Коронавирусна духьалоечу Оперативан штабо бечу хаамца, уггаре дукха бу ун лаьцначаралахь дагестанхой. Охан-беттан 22-чу денна цомгуш хиллачех лаьцна Штабо яржийначу информацера ду хIара терахьаш: Дагестан - 46 ГIалгIайчоь - 43 Кхарачой-Чергазийчоь - 39 Къилбаседа ХIирийчоь - 34 ГIебарта-Балкхаройчоь - 23 Ставропол-мохк - 11 Краснодар-мохк - 20 Нохчийчоь - 20 Адыгей - 5 Верриг а уьно лаьцнарг ву Къилбаседа Кавказехь 2557 стаг.

Охан-беттан 21-чу дийнахь гоьбевллачу бакъоларъярхоша, юкъархоша Ганнушкина Светланас а, Шендерович Виктора а, Санникова Еленас а, Трепашкин Михаила а шайн фейсбукан агIонашкахь хаийтина Нохчийчуьра схьаваьлла волу, Дубровкера театран центр нохчаша дIалацарца доьзна ша цхьаъ бен бехкевина а воцу Талхигов Зоврбек кхалхарх лаьцна. Жигархоша яздарехь, 2002-чу шарахь Пачхьалкхан Думин депутатан Аслаханов Асламбекан дехарца Талхигов вахана лаьцна кхобу театр йолчу. Москвахь а, гонаха а бехачу нохчашка... Читать дальше...

Дагестанера а, Нохчийчуьра а, ГIалгIайчуьра а 230 вахархо ву, СаIуда Iаьрбийчохь Iумрат а дина, ХIинжа-ГIала кеманца юхабаьхкиначаралахь. Коронавирус яьржина хиларна, цIа ца бахкалуш, хьебелла Iийна уьш Малхбалехь. Кеманна дуьхьал бахара халкъан хьаштийн «Роспотребнадзор» урхаллин векалш. "Пассажирашна масканаш а йоькъур ю, уьш тергоне а оьцур бу. Тепловизорх чекхбевр бу массо а», - бохура "Кавказ.Реалиига" Роспотребнадзоран белхахочо. Тепловизорх чекхбаьхначул тIаьхьа, и нах хьовсор бу зен а... Читать дальше...

Тахана, Охан-беттан 22-чу дийнахь, Оьрсийчоьнан коронавирусна духьалоечу штабо бечу хаамца, тIаьххьарчу дийнахь-буса Къилбаседа Кавказехь уьнах велла 9 стаг: ГIалгIайчохь а, Краснодар-махкахь а – кхоккха, Нохчийчохь, Ставропол-махкахь, Адыгейхь – цхьацца. Коронавирус яьржичхьана схьа оцу уьнах Къилбаседа Кавказехь делла 49 адам. Уггаре дукха ду оцу цамгарх баларш ГIалгIайчохь – 12 стаг. Охан-беттан 21-чу денна COVID-19 ун кхетта дуьнентIехь 2 566 000 гергга наханна, велла 177 789, товелла 7 бIе эзар гергга стаг. Читать дальше...

Кхело лаца кхачийна БуьритIерачу Маршонан майданахь оршоьтадийнахь хIоьттинчу гуламан 13 декъашхо. 3-15 де-буьйса хенаш тоьхна царна лецна яха.   Административан кодексан 19.3 а (полисхочун я Къоман гвардин белхахочун буьйр кхочуш цадар, я царна болх бан новкъарло яр), 20.2.2 а ( юкъара низам а дохош, цхьана метте алссам бахархой гулбар) артиклийн буха тIехь диллина протестхошна дуьхьал гIуллакх. Кхаарийдийнахь луьстур ду санкци а йоцуш дIабаьхьначу гуламан кхечу декъашхошна дуьхьал айдина девнаш. Читать дальше...

2,5 миллион адам ду карарчу хенахь дуьненахь коронавирус хьакхаелла. ХIопкинс Джонсан цIарачу университетан хаамца, и ун кхетар бахьана долуш велла 170 эзар стаг, 654 эзар гергга - товелла.

Нохчийчоьнан куьйгалхочо Кадыров Рамзана, ша кIунзал а волуш, «ЦIена корта. Юхаяла коронавирус!» болам болийна шен гонашкахь, хаам бо "Нохчийчоь тахана" агенталло. Цуьнгара масал а оьцуш, кортош бошуш бу махкара хьаькамаш, Iедалхой. Оршотан дийнахь коронавирусна дуьхьалоечу оперативан штабан кхеташонехь цхьана вахархочо хаьттира Кадыровга, хIун дара-те махкахь парикмахерскеш схьайиллича, аьлла. Дика хир дара массара а кортош даьшча, жоп делира республикин куьйгалхочо. Шинарин дийнахь Инстаграмерчу шен агIонтIехь гучувелира Кадыров... Читать дальше...

КIира а дац, яздо "Настоящее Время" телеканало,  Москвахь леррина раж кхайкхийна, ткъа шахьаран бахархошна хIинцале а 100 миллион гергга сом ($1,3 млн) барамехь гIуданаш диттина. Ишта полисхоша дIалеца болийна изоляцин низамаш талхораш. Цхьаболчу лецначара дийцарехь, цхьа а бахьана а доцуш, сецош бу уьш. Шен цIенна гена йоццуш сацийнера, масала, Шубина Наталья. Цуьнан кIанта бахарехь, дIасаяха бакъо йолу электронан кепехь даьккхина кехат хиллера цуьнгахь, полисхочунна иза гайтина а хиллера цо. Читать дальше...

Коронавирусан ун даржарх Къилбаседа Кавказехь уггар хьалха эшам хилларш бу нехан хьашташ кхочушдаран сферехь къахьоьгу бизнесхой. Масала, Нохчийчохь а, Дагестанехь а гIуллакх дохарна дIачIагIа езачу хьолехь ю дуккха кафеш а, ресторанаш а, базарш а, махбаран меттигаш а.