Новости за 01.04.2020

Нохчийчоьно Оханан-беттан 4-хь дуьйна дIачIогIур ду шен дозанаш. Къевлина хир ду некъаш, лелар дац кеманаш. Цунах лаьцна шен Instagram-хь хаам бина Кадыров Рамзана, яздо РИА Новости агенталло. Цхьаъ арадаккха оьшуш меттиг нислахь цунах лаьцна сацам бийр бу COVID-19 вирусца къийсам латто кхоьллинчу оперативан штабо, ткъа белхахошна лур ду леррина кехаташ, боху Кадыровс.

Коронавирус кхетта зуда елла, Дархойн терахь алсамдаьлла, Кадыров реза вац губернаторшна, Песков: Путин генаваьлла (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Воронин Иван,                                                                                                                  Маршо Радио, орсийн сервис Казанехь жигархочунна Шоетова Маринина геннара дIа – видеозIенехула – кхел еш, 150 эзар сом гIуда тоьхна, цо дина доцу зулам тIе а хьарчош. Кхело шен болх дIабаьхьина дистанционан кепехь, ткъа таIзардархой дIагулбелла хилла полицин декъан цIенна бухарчу чоьне. «Хьуна со вовза ма вевза? Ялол соьца!» - аьлла, шен машена хаийра «Э» центран белхахочо меттигера жигархо Шоетова Марина. Читать дальше...

Филимонов Андрей,                                                                                    "Сибирь.Реалии" ТIаьххьарчу хенахь ца хеддаш етта телефон Нетесов Сергейга, Новосибирскерчу университетан вирусологин лабораторин куьйгалхочуьнга. Хаа лаьа массарна а, хIун ду хуьлуш, муха ларвала веза коронавирусах. Вуно дукха яздина даьржинчу уьнах, амма хIетте а ледара бу нехан оцу зуламах кхетам. Шен интервьюхь Нетесовс дуьйцу, стенна ца бохьу тоъал пайда карантино, хIун бахьана ду ерриг... Читать дальше...

Путин Владимирца Коммунаркерчу инфекцин дарбан цIийнехь хилларш коронавирус хьакхаялар толлуш тесташ дIалуш бу, хаам бина президентан зорбан секретаро Песков Дмитрийс. Цо дийцарехь, уьш берш а, шайна юкъахь Путин а волуш, болх беш бу геннара дIа, яздо ББС-но. Шинарин дийнахь гучуделира коронавирус кхетта хилар Коммунаркерчу дарбан цIийнан коьртачу лоьрана Проценка Денисна. Цига ша ваханчу дийнахь Путина куьг деллера цуьнга. Президентца цхьаьна цу дарбан цIийнехь хилира Песков а (туьтмIаьжиг йоллина)... Читать дальше...

Пандемина дуьхьало еш, Европерчу мехкашкахь дехкарш юкъадовларца доьзна лахделла хIо бехдар.

Алсамдолуш ду Европерчу пачхьалкхашкахь коронавирус кхеттачу нохчийн терахь. Болчу хаамца, и ун кхетта Нохчийчуьра схьабевлла нах бу Австрехь а, Германехь а, Бельгехь а, Францехь а. "Кавказ.Реалиин" корреспонденто бинчу хаамца, карарчу хенахь Австрехь коронавирус хьакхаелла ву 12 нохчо. Уьш берш кегийра нах бу 20-45 шераш долу. Царах шиъ реанимацехь ву. Маситта нохчо ву вирус кхетта Германехь. Царах цхьаъ ю Берлинехь еха 55 долу зуда. Карарчу хенахь цуьнан хьал вон дац. Францехь коронавирус... Читать дальше...

Коронавирус хьакхаелла 83 шо долу зуда елла, тахана, Оханан-беттан 1-чу Iуьйранна Соьлж-ГIаларчу дарбан цIийнехь, хаам бо "Нохчийчоь тахана" агенталло. Хьалхо хаам бина ма хиллара, и зуда Нохчийчу цIаеана хиллера цIерпоштца плацкартан вагончохь. Цунна коронавирус кхетта хилар тIечIагIдинера Москох. Кхелхинчуьнца уьйр хилла 200 сов стаг карантинехь ву карарчу хенахь. ТIаьххьара болчу хаамца, верриг а коронавирус хьакхелла ву Нохчийчохь 9 стаг. Цул сов, шеко ю меттигерчу лабараторехь таллам бинчу... Читать дальше...

Дика омра халкъан аьтто, вон омра – бала. Нохчийчоь къовлаелла тахана, уьнах ларлуш. Хьашт доццу гIуллакх эцна воьдучу вахархочунна таIзар до. Юьхьанца халкъе, «ма кхера», бохура Кадыров Рамзана, дуьнене а кхерийначу уьнах. Юха – «кхера», элира. Амма карантин шех хьакхалуш ю аьлла ца хета цунна. Нах шайн-шайн хIусамашна чубоьллла Iахь а, «паччахьна» а, цуьнан гонна а шорта ю сакъера меттигаш, цу тIе десса лаьтта лаьмнаш…

Европан адамийн бакъонашкахула кхело Оьрсийчоьнна тIедожийна Соьлж-ГIалахь милцоша йиттина вийначу Мурдалов Зелмхин доьзалшна 90 эзар евро далар. Кхелан сайта тIехь дуьйцуш ма хиллара, Мурдалов дIалаьцна хиллера 2001-чу шарахь Дечкен-беттан 2-хь чоьхьарчу гIуллакхийн Соьлж-ГIаларчу Октябран кIоштан декъан гергахь.  ШолгIачу дийнахь суьйранна иза дIахьажийнера ханна лецнарш латточу изоляторе (ИВС). Цигахь лоьро кехат кечдинера Мурдаловн дегIа тIехь йиттина йина чевнаш хиларх лаьцна. Дечкен-беттан... Читать дальше...

Материалан автор ю Гафурова Марият Махачкалара уггар а даккхийчех "Тангим" а, "Ихлас" а цIерш йолу ши маьждиг карантинна дIакъевлина. Хьалха санна неIарш йиллина юьсу вукху маьждигийн. Байначу беттан 29-чохь болх бечуьра сацийра салафитийн "Тангим" маьждиг. Маьждиган пресс-секретаро Мухаммадов Мухьаммада билгалдоккху, къайлахчу сервисаша я республикан муфтиятан тIедилларца къевлина дац уьш аьлла. Цо бахарехь, доллу дуьненахь а коронавирусна тIехула иккхина паника бахьана долуш маьждиге оьхучара хоьттура... Читать дальше...

Нохчийчоьнан куьйгалхочо Кадыров Рамзана критика йина Оьрсийчуьрчу губернаторшна, коронавирус яржарца къийсам ледара дIабахьарна. Оьрсийчоьнан президенто шайна тIедожийнарг кхочушдеш цара хIара ду аьлла деш хIумма а дац, бохуш реза воцуш вара иза ЧГТРК "Грозный" телеканалан эфирехь къамел деш. "Президента кхайкхам бина халкъе, пачхьалкх оьшург деш ю: дарбан цIенош ду деш, керла меттигаш кечйеш ю, эшахь а аьлла, оьцуш ду молханаш. Ткъа вайна, регионашна, хаалуш дац хIоьттина хьал. Вай посташ язйо Instagram-хь... Читать дальше...

Кхин а 9 стагана коронавирус хьакхаелла хила мега Нохчийчохь, хаам бина республикан могушаллин министро Сулейманов Эльхана, хаам бо "Нохчийчоь тахана" агенталло.  "Хьал вайн кхин хийцаделле дац. Нохчийн Республикехь официалан кепара тIечIагIдина ду 9 стагана коронавирус кхетта хилар. Цул сов, шеко ю меттигерчу лабараторехь таллам бинчу кхин а 9 вахархочун вирус хьакхаелла хила мега аьлла. Хьалха санна нуьцкъала садоьIуьйтуш ю 83 шо долу коронавирус хьакхаелла йоккха стаг", - аьлла министро.