Маршо Радион тIаьххьара керланаш (28.04.2020)
429 нохчочунна ундаьлла, Тумгоев Европан кхеле ваьлла, Москвахь нохчо вийна, полисхошна лела Iамош ду.
429 нохчочунна ундаьлла, Тумгоев Европан кхеле ваьлла, Москвахь нохчо вийна, полисхошна лела Iамош ду.
Волкова Алиса, "Кавказ.Реалии" Къаной хенера бохучу Къилбаседа Кавказерчу Iедалан хIусамашкахь, интернаташкахь шогга ларйо дIасавала доьхкуш йолу карантин: кертал ара ког баккха йиш яц. Хьаькамаш кхета баккхий нах буйла уьно уггаре хьалха эхарта кхачораш. Эскарехь санна ду хьал, къанойн хIусамашкахь коронавирус цаяржийта кхайкхийначу омранаша доьхку нахана дегI меттах хьадеш буьйлабала а, туькана баха а. Читать дальше...
Дагчохь лазам а болуш, шайн даьссачу маьждигашкахь доIанаш до Рамадан-баттахь Урдунерчу имамаша.
Скворцов Глеб, "Кавказ.Реалии" Къилбаседа ХIирийчоьнан куьйгалхочун бахамаш бу пандемин муьрехь Iедало гIодечу организацийн могIарахь Регионерчу экономиканна пайде а лоруш, Iедало гIо латтон кхачийначу махкарчу бахамийн хьалхарчу могIарахь ю Къилбаседа ХIирийчоьнан куьйгалхочо Битаров Вячеслава доладеш йолу "Агрофирма ‘Фат" а, "Фат-Агро" а. Кхиболу 56 совдегарийн бахамаш а санна, пачхьалкхера гIо хиларе сатуьйсу оцу фирманаша... Читать дальше...
Къилбаседа Кавказехь тIаьххьарчу цхьана дийнахь кхин а ши стаг кхелхина COVID-19 уьнах, 509 вахархо билгалваьккхина инфекцица ву аьлла. Оперативан штабан информацица, ГIалгIайчохь а, Нохчийчохь а цхьацца стаг велла коронавирусан уьнах. Верриг а Къилбаседа Кавказехь велларг 69 пациент ву. ТIаьххьарчу дийнахь а, буса а къаьсттина Дагестанехь дукха бу инфекци кхеттарш - 153: Дагестан +153 (1147 ву эпидеми яьржичхьана) Къилба ХIирийчоь+148 (549) Краснодаран кIошт+51 (888) ГIалгIайчоь +43 (633) ... Читать дальше...
Полицин белхахошна лерина этикан кодекс а, белхан декхаршца леларан кепаш а кечйина Оьрсийчоьнан чоьхьарчу гIуллакхийн министралло. Нормативан бакъонийн актийн проектийн порталехь зорбане даьккхина документ. Карарчу хенахь юкъараллехь дийца диллина ду иза. Полисхочо ша гIиллакхе, дика гайта веза, хьоьху кодексо, бахархойн шегахьа ларам гIаттон а, уьш "шена гIодан кийча хилийтархьама" а. Полицин белхахочунна хаа деза говза, стаг кхета а веш, нийса шен ойла йовзийта а, бага ца лееш, ларвала а. Зен хиллачуьнца доглазаме... Читать дальше...
"Коммерсантан" хаамашца, коронавирусан инфекцех тIаьххьарчу дийнахь-бусий велла Оьрсийчохь 72 пациент. Де хьалха 50 валарх хаам бинера. Ишта COVID-19 вирус кхетта кхин а 6411 вахархо билгалваьлла. Верриг а коронавирусца ву Оьрсийчохь - 93 558. Цхьана дийнахь дарбахилла 1110 стагана. ГIажарийчоьнал а хьалха а йолуш, 8-гIа могIа дIалаьцна Оьрсийчоьно ун даьлларш алсамбовларца. "Коммерсант" гIирсан информацица, карантин яхйийр йолуш ю Стигалкъекъа-беттан деза денош чекхдовллалц. Тахана, шинаран дийнахь... Читать дальше...
Къилбаседа Кавказан тIеман кхело набахтехь даккха 18 шо кхайкхийначу гIалгIачо Тумгоев Тимура латкъамбина Европерчу адамийн бакъонийн кхеле, шена харц кхел а йина, Iазапехь а валлийна ша аьлла. Тумгоевн адвокато Бирюкова Жаннас бина цунах лаьцна хаам "Кавказ.Реалии" портале оршотдийнахь. Динчу арз тIехь охьаяздина ду Тумгоев оьрсийн талламан изоляторшкахь латточу заманчохь цунна тIехь ницкъбарх - еттар, ток еттийтар, бахьана а доцуш динах лаьцна литература цуьнгара дIаяккхар. Ишта дIахаийтина... Читать дальше...
Оьрсийчохь кеманаш дIасалела дуьйладелча пассажираш декхаре хир бу салон чохь масканаш а, каранаш а лело аьлла, дIахьедина Роспотребнадзоран куьйгалхочо Попова Аннас "Россия24" телеканалан эфирехь. Оьрсийчохь пандеми йирзинчул тIаьхьа керла низамаш юкъадохур ду нах вовшахбетталучу меттигашкахь, ресторанашкахь а, кафешкахь а аьлла, хьалхо дIахьединера Роспотребнадзоран хьаькамо. Зазадоккху-бутт бовш коронавирусан эпидеми бахьана долуш Оьрсийчохь совцийна ду кеманийн гIовттар. Дуьненаюкъарчу аэропортийн ассоциацин зерашца... Читать дальше...
Алхасов Даниял юкъарчу практикан лор ву. Дукха хан йоццуш Москварчу дарбан цIийнера балхара дIа а ваьлла, Хасуюьртарчу лазартне волонтерал лело вахара иза. Дагестанехь пневмониех леш болчеран терахь алсамдаларах лаьцна дийцира цо, "Карара Хан" телехьожийлан корреспонденте.
Нохчийчоьнан куьйгалхочо Кадыров Рамзана Оперативан штабана тIедиллина, шен-шен муьрехь карантинан раж малъеш болх дIаболабар. Штабаца хиллачу кхеташонан эфирехь Кадыровс план кечъе аьлла, кегий туьканаш а, машенаш тоен станцеш а схьаелла, яздо "Интерфаксо". Ишта урхалхочо билгалдаьккхина, нах вовшахбетташ, ловзарш хIиттор а, зуькарш, мовладш дешар а юхаозо деза аьлла. Охан-беттан юьххьехь дуьйна комендантан сахьт ду Нохчийчохь лардеш. Оццу беттан 17-чохь коронавирусца къийсам латточу гурашкахь шога карантин дIакхайкхийра махкахь. Читать дальше...
Оршотан суьйранна бинчу тIаьххьарчу хаамашца, Нохчийчохь коронавирусан ун даьлла 429 стаг ву, яздо REGNUM агенталло. Дарба хилла эпидеми яьржичхьана 26 пациентана. Велла уьнах 6 вахархо. Цу кепара терахьаш довзийтина республикан могушаллин министро Сулейманов Эльхана, хIора сарахь махкахошна хьалха COVID-19 вирусах информаци Iорайоккхуш вистхиларехь.
Москван кIоштарчу Солнечногорск эвлахь, вен а вийна, ирахъоьллина стаг карийна. РЕН ТВ-н хаамашца, Нохчийчуьра вахархо хилла иза. Вийначуьнан цIе зорбанашкахь йовзийтина яц. Хьостан информацица, рагIух хьалаоьллина хилла иза. Цуьнан дегIа тIехь дуккха а йина чевнаш ю. Бехктакхаман гIуллакх а долийна, хилларг толлуш ду полисхоша.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.