Новости за 17.04.2020

Машанов Григорий,                                                                                                  Маршо Радион оьрсийн сервис Оьрсийчоьнан Iедал триллионаш дайа доллу коронавирусан пандемица дIахьочу къийсамехь а, цуьнан тIаьхьало дIашаръеш а. И ахча мел эвсара дойур ду ала хьалхе ду, амма, халахеташ делахь а, бух бу цхьаберш цунах шайна бахам бан сихлур бу ала. ХIинцале гуш ду, лаккхара мехаш а луш, медицинан гIирс а, молханаш а, доьза яйна масканаш а цIечу мехах юхаюхкучаьргара... Читать дальше...

Нохчашлахь яьржа вирус, совцийна кеманаш, набахте хьажийна нохчо (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Оперативан штабан тIаьххьарчу информацица, Къилбаседа Кавказан регионашкахь коронавирусан инфекцих пхи стаг велла. Кхоъ Дагестанехь, Адыгейхь а, ГIалмакхойчохь а цхьацца кхелхина. Ун даьлла 254 вахархочунна. Еаридийнахь 206 вара COVID19 вирусца билгалваьлла. Керла цомгашхилларш алсам бу Дагестанехь - 59 стаг. ГIалгIайчохь 38, Адыгейхь - 36, Краснодаран кIоштахь - 30, ГIебарта-Балкхаройчохь 23, Кхарачойн Чергазийчохь - 19, ГIалмакхойчохь - 17, Къилба ХIирийчохь - 13, Ставрополан кIоштахь - 12, Нохчийчохь - 7.

Яхначу буса Логар провинцерчу Чарх эвлахь эскархойн постна тIалибаша динчу тIелатарехь Афганистанан эскарера 9 тIемало вийна аьлла, дIахьедина пачхьалкхан тIеман министралло. ГIиргIазойн Азаттык радиога министраллан пресс-секретаро Аман Фавада бинчу хаамца, тIалибийн могIаршкахь а даккхий зенаш хилла. "ТIалибан" боламо цкъачунна динчу зуламах комментари йина яц. 18 шарахь Афганистанехь боьду тIом сацорхьама, Чиллан-баттахь Iамеркан Цхьанатоьхначу Штаташца бина машар боллушехь тIалибаша-тIемалоша тIелетарш совца ца до. Читать дальше...

Кхайкхийна карантинан раж йоллушехь кегийрхой бIаьста эскаре бига кечамаш беш бу Москвара Iедалхой. Ялх эзар жимстаг арми вахийта Iалашо ю церан, даим санна. "Коммерсанто" яздо цунах лаьцна, гIалин мэрино префекташка дахьийтинчу "некъан картана" тIе а тевжина. Кхоазза тIеман комендатуре бахка декхаре бина тIекхойкхурш. Цкъа делахь, комиссина тIебахкале 30 де хьалха "диагностикан талламаш/анализаш" дIаяла еза церан. Анализаш яла хьажош кехат схьаэца дезар ду церан тIеман комендатурехь, я СМС-хаамца. Читать дальше...

Маршо Радионо хаьийтина ма-хиллара, Францерчу Монтерей-Фон-Йон гIалахь догучу цIенна тIенисвеллачу шина нохчийн мухIажиро - 33 шо долчу Домбаев Джамбулата а, 40 шо долчу Улубаев Маьхьдис а – валарх кIелхьарваьккхина воккха стаг. Кегийнехан хьуьнарх лаьцна Францин президенте кехат дахьийтина махкарчу нохчийн диаспорин хьалханчаша. Стаг шаьш муха кIелхьарваьккхира дийцира цара Маршо Радиога.

Деркач Анвар Украинин Кхерамзаллин Урхаллин буьйранчас Баканов Ивана хаийтина шен хьукматера инарла-майор Шайтанов Валерий Оьрсийчоьнан къайлахчу сервисна – ФСБ-на - болх беш хиллийла а, иза лаьцнийла а. Урхаллин карахь массо а тоьшаллаш ду, боху Бакановс. Иза тIечIагIдеш, довзийтина Шайтановс ФСБ-ра ву бохучу стагаца Донбассехь сепаратисташна дуьхьал тIом бина Осмаев Адам вен кечамбеш дина къамел. Осмаевна шозза йина кIело. 2017-чу шарахь киллеро Куркамаевс еза чов йира цунна, оццу шеран гурахь... Читать дальше...

Росстатан зерашца, юккъерчу барамехь аьлча, Оьрсийчохь офисашкахь а, хьукматашкахь а нуй-горгам хьокхучу белхалойн алапа 20 эзар соьмал а совдолуш ду. Ткъа Москвахь и терахь шозза лакхара ду - цигахь 35329 оьцу, яздо News.ru хьостано. Уггар а дукха ахча оьцу оцу сферехь Чукотскан (47275), Ямало-Ненецкан гонашкахь - (41688) сом.  Магаданан кIоштахь (39 093), Камчаткехь (38 165), Сахалинехь (37 116). Уггар а лахара алапаш оьцу ГIалгIайчохь а, Нохчийчохь а, Дагестанехь а, Кхарачойн-Чергазийчохь а, ГIебарта-Балкхаройчохь а. Читать дальше...

Наркотикашна тIехула бехкзуламан гIуллакх кховдийначу Нохчийчуьрчу вахархочунна Къилба ХIирийчуьрчу Советский кIоштан кхело набахтехь даккха кхо шо хан кхайкхийна. Информаци зорбане яьккхина Оьрсийчоьнан чоьхьарчу гIуллакхийн министралло. Стохка гурахь БуьритIерчу полисхоша Къилба ХIирийчоьнан дозанхошца "Ларс" олучу постехь лецира Соьлжа-гIалара вахархо, шеконаш хилла. Шен доттагIчуьнца цхьана цуьнан машенахь Гуьржийчуьра Оьрсийчу вогIуш хиллера 39 шо долу лаьцнарг. Шеконаш кхоллаеллачу ницкъахоша дегIах таллам бича... Читать дальше...

Оьрсийчохь коронавирусан эпидеми иккхичхьана верриг а ун даьлла ву пачхьалкхехь 32007 стаг. Цамгар ца яржийта некъаш лаха вошахтоьхначу оперативан штабо бина ишта хаам. ТIаьххьарчу дийнахь-бусий ун даьлла хиларца къаьстина кхин а 4069 стаг. ХIора денна хIоттон керла рекорд ю иза. Ишта тIаьххьарчу цхьана дийнахь велла COVID 19 вирусах 41 пациент. Эпидеми яьржичхьана кхелхина 273 вахархо. Дарба хилларг ву 2590.  Йоллу пачхьалкхехь цхьа регион яц коронавирусан ун даьлла стаг воцуш. Къаьсттина... Читать дальше...

ГIалгIайн "Даймохк" юкъаралло диллина дIахьедар дина "Наша Осетия"  боламна юкъара шаьш арадовлуш хиларх. Боламан куьйгалхочун Лагкуев Вячеславан леларна тIехула бина сацам бу и шаьш аьлла, билгалдаьккхина гIалгIаша шайн кехат тIехь. "1992-чу шеран хиламаш бирзинчул тIаьхьа гIоьртина хьал дайдархьама, юкъахь проекташ кхочушйийр ю аьлла хеташ дIакхеттера "Даймохк" юкъаралла "Наша Осетия" боламах", - аьлла ду дIахьедарехь. Дуьххьара цакхетамаш хилира царна юкъахь Лагкуев Москвахь Оьрсийчоьнан Юкъараллан палатехь вистхиллачул тIаьхьа. Читать дальше...

Дуьненаюкъарчу рейсашна билеташ дохкар сацийна "Аэрофлот" компанино Товбеца-бутт баллалц. Карарчу хенахь Марсхьокху- беттан хьалхарчу деношкара дуьйна билеташ эца таро ю Москвара Нью-Йорке а, Стамбуле а, Гаване а, Мале а, кхечу пачхьалкхашка а. Кхин хьалхе оьцийла яц. ХIинццалц авиакомпанин сайтехь билеташ эца йиш яра дуьненаюкъарчу рейсашна карара бутт байначул тIаьхьа. COVID-19 коронавирусан эпидеми ца яржийтархьама Оьрсийчоьнан Iедалхоша кеманаш совцийра Зазадоккху-беттан 23-чохь дуьйна. Кхечу... Читать дальше...

Еарин сарахь Нохчийчуьрчу могушаллин министро Сулейманов Эльхана "Грозный" пачхьалкхан телехьожийлехь бинчу хаамца, кхин а 10 стаг тIекхетта махкахь коронавирусан инфекцица. ХIинца верриг а цомгуш лоруш ву 115 стаг.  Министро бахарехь, эзар сов вахархо ву лоьраша зуьйш. Дийцарехь, эпидемиологин хьал телхинчу мехкашкара цIабаьхкина нах бу уьш.