Новости за 06.04.2020

Британехь веха нохчийн политик Закаев Ахьмад дарбан хIусаме кхачийна коронавирус кхетта хиларх йолчу шеконца. Оцу хьокъехь хаам бина "Кавказ.Реалиига" Закаевн гергарчара. ПIераскан дийнахь, COVID-19 уьнан битамаш хаало шайна шайца, аьлла, лоьрашка латкъам бина Закаевн доьзалан декъо. Кхо де даьлча садеIар чолхене даьлла Закаев Ахьмадан, оцу бахьанийца сихха дарбан хIусаме виллина иза. Политикера хьал аттачу доккхуш, лоьрашна иза пехашка садоIуьйтучу аппартах воза бакъо елла гергарчара.

Оршоьтан сарахь Нохчийчоьнан куьйгалхочо Кадыров Рамзана Телеграмехула тидаме эцна Оьрсийчоьнан премьер-министра Мишустин Михаила, федералан низамаша шайна магош доцург дан, мехкийн дозанаш къийла бакъо яц регионийн куьйгалхойн, аьлла, дина къамел. "Оьрсийчоьнан Iедалан куьйгалхочо – Коронавирусца къийсам латточу координацин кхеташонан куьйгалхочо Мишустин Михаила регионашна юкъара дозанаш къийларх лаьцна къамел дина. Оцу хьокъехь сайна хетарг ала лаьа суна. Цхьацца хьесапашкахь дехкарш ду иттаннаш мехкашкахь юкъадаьхна. Читать дальше...

Полисхоша йиттинарг вигина ТВ-хула гайта, Кадыровс къобалдо устрадахочунна еттар, ГIалгIайн лоьраш бу орца дохуш, Хьан юу массарел дукха? (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

ДIадахначу пIераскана Москва-Соьлж-ГIала кеманца 114 стаг веана Нохчийчу. Оцу нахаца хилла коронавирус кхетта жима зуда. И аьлла хаам баржийна Нохчийчоьнан парламентан спикера Даудов Мохьмада шен Instagram-агIонехь. Даудовс дийцарехь, йоIа, шен ваша волчу Москва яхча, несера схьаэцна вирус. Ткъа йоI ун кхетта хилар гучудаьлла иза Соьлж-ГIала кхаьчча. Дуьйцучу дийнахь «Шереметьево-Соьлж-ГIала» кеман рейсаца махка баьхкинчу нахе карантин лаца аьлла, вистхилла Даудов. Нохчийчу автобусца веъначу цхьана стагехь а карийна ун. Читать дальше...

Къилбаседа ХIирийчуьрчу Дигорахь коронавирусан карантинна дуьхьал протест хIоттийра бахархоша. «Халкъан гуламе» гулвелира 100 гергга вахархо. Гуламхоша, «шаьш кхеташ дац хуьлуш лаьттачух, хьан жоп лур ду бакъонаш, паргIатонаш лакъоро дечу зенах», бохура. "Наханна цIахь Iан тIедожор – иза халкъ кхетамчуьра даккхар ду! Иза дIа мел кхайкхийначо жоп лур ду халкъанна тешнабехк барна, низамаш дохорна» , - бохура гулбеллачара. Протестхошна хетарехь, Iедало я балха лелийта беза нах, я ахча дала деза царна баха. Читать дальше...

Министрийн кабинетан кхеташонехь Оьрсийчоьнан премьера Мишустин Михаила емалдина цхьаццаболчу мехкаша шайн дозанаш дIакъовлар, регионашкарчу куьйгалхоша шайгара бакъонаш совъяхар. Хьалхо президента Путин Владимира мехкийн лидершка, бухарчу хьелашка хьаьжжина урхалла леладе аьллехь а, коронавирусна дуьхьал бен болх хIоьттинчу ситуацица богIуш, пачхьалкхан Iедало йохучу гIулчашца бустуш хила беза, боху премьер-министра. Премьер-министра дийцарехь, цхьаццайолчу регионашкахь хааделла наханна транспортца дIасалела новкъарлоеш. Читать дальше...

Оьрсийчоьнан регионел хьалха а, луьра а коронавирусан хьелаш лардан йолаелларгг ю Нохчийчоь. Тийна ду цигарчу массо а меттигашкахь.

Муха беха карантино «чубоьхкина» бахархой, муха хийцаделла оцу хьелашкахь шайн дахар, дуьйцу Ставропол-махкарчу бахархоша.

Оьрсийчохь кхачанна мел ахча духку бахархоша теллина «Аналитикан рейтингийн кредитан агенталло» ("Аналитическое кредитное рейтинговое агентство"). Хьалхарчу пхеа регионашлахь бу Къилбаседа Кавказера кхо мохк. ГIалгIайчуьрчу доьзало юккъерчу барамехь юуучунна духку шена кхочучу ахчанах 59%, Дагестанерчу доьзало – 57%. Оьрсийчоьнан мехкех пхоьалгIаниг ю ГIебарта-Балкхаройчоь – цигахь доьзало шен ахчанах уучунна хьажадо 45%. Оьрсийчоьнна юккъерчу хьесапехь ларалучу барамехь кхачанна ахча духку доьзалша Къилбаседа ХIирийчохь ... Читать дальше...

Материал вовшахтоьхнарг "Настоящее Время" телеканалан автор Суворина Кристина Италерчу лоьраша дуьйцу, шаьш коронавирусна латточу дуьхьалонех 10 эзар медицинан белхахо ву Италехь COVID-19 вирус кхетта. Ткъа царех кхелхина 116. Къаьсттина ун даьлла доьзалашна тIехь лаьттачу лоьрашна. "Настоящее Время" телеканална дийцира, Италерчу дарбан хIусамашкарчу сихаллин гIо кхачочу машенийн шофераша а, лоьраша а, шаьш пациенташа а, коронавирусах дарба дечу лазартнешкахь а, интенсиван терапин дакъошкахь а долчу хьолах. Читать дальше...

Дагестанхошлахь COVID-19 ун кхеттачийн терахь хьалакхиина 30-нне. Виъ стаг то а велла, араваьлла дарбан цIийнера. Коронавирус яржар тергалдечу Роспотребнадзоро бахарехь, ун лаьцначу наханна гергахь нисваларна Дагестанехь карантине хаийна ву 2163 вахархо.

Темрезов Рашида, Кхарачой-Чергазийчоьнан куьйгалхочо, хаамбина шайн махкахь коронавирус кхетта духхьара кхо стаг хааваларх лаьцна, боху "РБК-Кавказ" агенталло. "Тахана, кIирандийнахь, официалехь тIечIагIдина тхан республикера кхо стаг коронавирус кхетта хилар», - аьлла Темрезовс. Цо бахарехь, кхин а цхьа стаг ву зуьйш, цуьнан тест цкъачунна теллина яланза ю.

Инстаграмехула ша ечу эфирехь Нохчийчоьнан куьйгалхочо Кадыров Рамзана бакъбина Устрада-ГIалахь вахархочунна етташ гайтина полисхой. "Мелхо а, ас бакъво иза. Цкъа а, шозза а шега аьлла хилча, иза кхозлагIа а стенна волу ара? Даха ца лаьа вайна? Цхьана стаганна еттар атта ду суна, эзар дIавуллучул», - аьлла Кадыровс. Деношкахь видео яьржира машанашкахула, Устрада-ГIалахь карантинан хьал тергалдечу полисхоша меттигерчу вахархочунна, иза арахула леларна, етташ. ТIаьхьо хиламан видео яьккхинарг а... Читать дальше...

Магасерчу лоьрийн урхалло бечу хаамца, гIалгIашлахь совдолуш ду COVID-19 ун кхеттачийн терахь. Шоьтан буса а, кIирандийнахь а дархой дебна, вирус кхетта хиларх шеко йолуш ву кхин а 13 вахархо, боху хаамехь. Верриг а, ун лохуш, лоьрийн талламах чекхваьккхинарг ву ГIалгIайчохь 680 стаг. Мехкан урхаллаша телегойтийлашкахула доьху махкахошка хIусамашкара ара цабийлар, могашалла ларъяр.

Нохчийчуьрчу ницкъахоша рогIерчу вахархочуьнга нах къинтIера бахийтина ша социалан машанашкахь «хьашт доцург» даржорна. Цунах лаьцна сюжет гайтина «Грозный» телеканало. Хьалхо машанашкахула яьржира Устрада-ГIалин урамашкахула лелачу полисхоша, машена чуьра охьа а ваьккхина, меттигерчу вахархочунна, цо карантинан хьал талхорна, етташ.   Нохчийчуьрчу Iедало йиллина лелочу кепехь махкахой «къинтIера бохуш» гайтина телевиденехула видеон автор Давлиев Iабдурахьман а, цуьнан шича-маьхчалара стаг Амалиев Бислан а... Читать дальше...