Новости за 21.02.2020

Туркойчоьнан президенто Эрдоган Реджепа дIахьедар дина Шемарчу Идлибехь хуьлург тIом бу аьлла. Reuters агенталло хаам барехь, цо билгадаьккхина тIаьхьарчу тIеман тасадаларшкахь 150 гергга Шеман эскархо вийна хилар. Эрдогана хаам бина Анкарано шена хетарг довзуьйтур хиларх лаьцна Оьрсийчоьнан куьйгалхочуьнца Путин Владимирца шен цхьаьнакхетар дIадирзича.

Лоьраша билгалдаьхна деган цамгарш ца хилийта оьшу магний алсам долу сурсаташ. Newsyou сайто яздарехь, говзанчаша хьехар дина хIора дийнахь 400 миллиграмм магни даа деза аьлла. Лоьраша билгадаккхарехь, магний алсам ду Iаьржачу шоколадехь. Авокадохь дуккха а магний хилла ца Iаш, иза юьзна ю цхьацца кхечу пайде йолчу витаминех. Магни тоьаш ца хилча даа деза баIарш. Цул сов, шеца дуккха а магний долуш ю шпинат (лат. Spinacia oleracea) а, сула а, хӀордчӀара а, скумбри олу чӀара а.

Ростох (Ростов-на-Дону) гIалин юккъехь Lexus машенахь хиллачу кавказхоша йиттина полисхошна, хаам бо Росбалт агенталло, 1Rnd.ru сайтана тIе а тевжаш. Болчу хаамца, муьлш бу ца хуу нах полицин белхахошна етта а йиттина, дIабахана сира-стигалбасахь Lexus-на тIехь. Дийцарехь, "тIелатар дарна лоьхуш ду "кавказхойн къомах" долу адамаш".

Кадыровс вице-премьеран хIоттийна Висмурадов, Шемахь оьрсийн эскархой совцина. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

"Не плачь, вражеская морда" бохуш, оьрсийн салтичо цхьамза а Iуьттуш, когаш берзина, воьлхуш шен дех хьерчаш махках ваьккхира цу хенахь 10 шо долу Гезуев Хьусайн. И дерриг тахана хилча санна дагаоьху цунна.

МТС компанино дIакхайкхийна Нохчийн Республикехь пхоьазза шорйина шаьш аьлла LTE (pre-4G) интернетах пайда эца аьтто болу территори. ХIинца цунах пайда эца аьтто бу ерриг а Нохчийчуьрчу евзаш йолчу курорташкахь. Оьрсийчуьрчу операторшна юкъахь дуьххьара Къоьзан-Iомарчу курортехь "йоьалгIа генераци" олу интернет теснарг яра МТС. Иза дан цу компанин кхочуш ян дийзира леррина техникан проект. Ткъа цо аьтто бира цу Iоман бердашкахь массанхьа а зIе латто, хаам бо МТС компанин зорбан сервсо.

Оьрсийчоьнан тIемахоша Шемахь дохадо дуьненаюкъарчу коалицин эскаршна юкъахь конфликташ ца хилийта тIеэцна протоколаш, ткъа и бахьана долуш девнаш дуьйла. Цунах лаьцна еарин дийнахь дIахьедина коалицин векло полковника Кэггинс Майлса, хаам бо Маршо Радион Оьрсийн сервисо. Коалицина, хууш ма хиллара, хьалхаяьлла ю Американ Цхьанатоьхна Штаташ.   Полковника Кэггинса комментари йина Оьрсийчоьнан а, Американ а гIагIдиллинчу машенаша дакъалоцуш еарин дийнахь Шеман малбалехь хиллачу инцидентана. Цуьнан видео шуьйра яьржина интернетехь. Читать дальше...

Нохчийчоьнан куьйгалхочун Кадыров Рамзанан йоккхаха йолчу йоIа Кадырова Iайшата куьйгалла дон Firdaws брендан 10 шо кхачарна лерина мероприяти хир ю Францехь, хаам бо «Грозный-информ» агенталло. Чиллан-беттан 23-хь Парижехь Le Marois хьешан цIийнехь гойтур ю "Безаман истори" цIе йолу духаран керла коллекци.   Кадыровас дийцарехь, цу мероприятин Iалашо ю "нохчийн культурех лаьцна дуьненна а, дуьненан а, Европан а культурах лаьцна Нохчийчуьрчу нахана а" дийцар. Firdaws брендан модан гайтам хир бу "Оьрсийн сезонаш" проектан дакъа санна. Читать дальше...

Амеркан Цхьанатоьхначу Штаташка дехар дина Туркойчоьно Шеман дозанца "Patriot" ракетийн системаш хIиттаяхьара аьлла. Уьш оьшуш ю Туркойчоьнна шайн эскархой а, бертахой а хIаваан тхарех ларбан, хаам бо "Амеркан аз" зорбан гIирсо. Хьалхо бинчу хаамца, Асад Башаран эскарш Идлиб провинцехь тIамца тIедуьйладелла Туркойчоьно гIортор йон оппозицин ницкъаша Iуналла дечу гIаланашна а, эвланашна а.

13 шо дара Чапханова Кейпин Сталина къам дохочу шарахь. Цунна цкъа а дицлур дац шаьш некъахь лайнарг а, хийрачу махкара дахар а, даймахка юхадерза бакъо луш, кхаьчна кхаъ а.

Тула гIаларчу яхархочо латкъам бина меттигерчу нохчийн диаспоре, шаьш "кадыровцаш" ду бохуш ахча даккха гIерташ нах бу шегара аьлла. Цу юкъагIоьртна Нохчийчоьнан куьйгалхо Кадыров Рамзан. "Тульские новости" газето яздарехь, зудчун Iаткъам бинарш хилла, коллекторш ду шаьш бохуш, цуьнгара 90 эзар сом доцу декхар даккха гIерташ хилла нах. ХIусамда полице вахана, ткъа зудчо меттигерчу нохчашка гIо дехна, Кадыров Рамзанан цIарх пайда а оьцуш, шегара ахча даккха гIерташ курхалчаш бу аьлла. Кадыровс... Читать дальше...

Нохчийчоьнан куьйгалхочо Кадыров Рамзана республкерчу Iедалехь ницкъаллин структурийн блокехула вице-премьеран дарже хIоттийна Висмурадов Абузайд. Цунах лаьцна хаам бина ЧГТРК "Грозный" телевизионо. Висмурадов ву СОБР "Терек" герзхойн тобан командир а, "Ахмат" латархойн клубан куьйгалхо а. Висмурадов юкъатоьхна ву "Магнитскийн низамца" хIоттийначу Американ санкцин тептарна.